<div align="center">بسم الله الرحمن الرحيم

اخوكم حسن محمد فى الصف الثالث الثانوى رياضه 2 وعندى مشكله فى ماده الرياضه انا كنت باخد درس رياضه عند مدرس ولما لقيته مش كويس خرجت من عنده ورحت لمدرس تانى بس لما رحت للتانى كان مخلص الاستاتيكا وانا لسه مخلصتهاش وكمان مخدتش المعدلات الزمنيه ارجوكم ساعدونى حد يقولى على طريقه اذاكربها الاستاتيكا مع العلم انى فهمتها فى المدرسه بس مش قوى ومش عارف اعمل ايه انا واخد ثلاث مواد بس السنه دى رياضه 2 واقتصاد واحصاء وعربى ارجوكم ساعدووووووووووووووووونى


وشكرا</div>

اخوك حسن محمد 3ث علمي رياضة برضه ...

الاستاتيكا انت ممكن تذاكرها م المعاصر لأن شرح المعاصر جميل جدددددددا خصوصا ف الاستاتيكا ...
اما المعدلات الزمنية ممكن برضه تذاكرها م المعاصر .. بس الأحسن تخلي المدرس يشرحها تاني لأنها فعلا رخمة
وربنا معاك

طالما فهمت الاستاتيكا في المدرسة حتي لو مش قوي
اقعد مع نفسك واقرا درس درس كالاتي
وبعدين شوف طريقة حل المسائل ازاي وبعدين ابدا حل مش مهم تطلع غلط بس المهم تعرف الصح
حل من السهل الي الصعب يعني الاسهل فالسهل فالمتوسط فالصعب فالاصعب
ومرة علي مرة حتتعود اهم حاجة في الاستاتيكا اني مايعديش عليك اسبوع الاوتكون حليت كذا تمرين لان الاستاتيكا بتتبخر بسرعة
ثانيا اي حاجة محتاجها او وقفت معاك الاستاذ الخالد هنا بيساعد الطلب جزاه الله كل الخير اكتب اللي انت عايزه وهو حيساعدك ويتابعك ان شاء الله
وابقي احضر المراجعات النهائية اللي في اخر شهر عشان تطمئن اكثر
اما المعدلات الزمنية لازم حد يشرحها لك عشان بيحصل فيها خلط اكيد لو روحت لمدرس الفصل وطلبت يشرحهلك في حصة فاضية
اكيد حيشرحهالك
حاجة اخيرة اوعى تهمل فرع في رياضة2 علي حساب الفروع الاخري حتي لو خلصته
وربنا يوفقك

<div align="center">بسم الله الرحمن الرحيم

شكرا لكم على مساعدتكم لى

يارب نجح كل طالب ثانويه

وشكرا مره اخرى </div>

انا مخلص المعدلات الزمنية وحلتها في التقويم من غير اي مشكلة
لو معصلجة معاك قولي و أنا أساعدك فيها
و الاستاتيكا من المعاصر تمام أوي بس لازم تحل التقويم والوزارة
أهم حاجة النماذج اللي في آخر كل فرع

من اخوك ابو الكيف لانسر


أهم حاجه تذاكر من كتاب الوزارة لان مسائلة حلوة ومتوقعه دايما فى الامتحان واهم حاجه بقى بعد كده بالنسبة للمعدلات الزمنيه راجعها من الكتاب ودليل التقويم لانها هيا والتطبيقات رخمه شويه

انا لو مكانك أذاكرها من كتاب خارجي كويس زي لامي أو من ورق مدرس يبقى أحسن 100 مرة ولو من الفيوم صور ورق أ/وصفي بجد ممتاز بس كتير تقريباً 135 ورقة استاتيكا