خبر مش مهم خالص
 

يد الزمالك تحلق فى سماء إفريقيا وتتوج بالسوبر وتشارك بمونديال الأندية

http://www.zamaleksc.org/News_man/im...ic_4929hhh.jpg

فريق اليد بالزمالك واصل حصده للبطولات

حقق الفريق الأول لكرة اليد بنادى الزمالك إنجازاً كبيراً بالفوز على فريق مجمع النفط البترولى بنتيجة 28/27 فى اللقاء الذى أقيم بين الفريقين مساء اليوم الخميس فى إطار مباراة السوبر الإفريقى بالعاصمة البوركينية واجادوجو .

وأكد الكابتن حماده عبدالبارى المدير الإدارى للفريق أن الزمالك حقق إنجازاً رائعاً بالحفاظ على لقب كأس السوبر والتأهل لمونديال العالم للأندية والتى ستقام فى قطر شهر مايو المقبل .

ويشارك الزمالك ببطولة العالم للاندية مع فرق ريال سوسيداد الأسبانى بطل أوروبا وسيركوميتل البرازيلى بطل الامريكيتن فى البطولة المقرر إقامتها بقطر فى الفترة من 17 وحتى 21 مايو المقبل .

ومن جانبه وفى تصريح خاص لموقع الزمالك الرسمى من واجادوجو ببوركينا فاسو أبدى جميع لاعبى الفريق سعادتهم بالفوز الرائع والتأهل لمونديال الأندية .

فيما أكد الكابتن إبراهيم عبدالله مدير الفريق أن الزمالك نجح فى إدخال الفرحة لقلوب جماهير النادى العظيمة وسيسعى الفريق لتحقيق نتيجة طيبة ببطولة إفريقيا للأندية الأبطال والمقرر إقامتها ببوركينا فاسو أيضاً بعد بومين مشيراً إلى أن الفوز بالسوبر مثل دفعة معنوية كبيرة للفريق الذى واصل إنتصاراته فى الفترة الأخيرة .


مبروك طبعا لملوك أفريقيا
وطبعا لا حس ولا خبر م الاعلام
انا قعدت احاول ادور ع خبر ولا لاقياه ف اى حته ولا انا الى مش شايفه و عايزة انام
بس بيتهيقلى انجاز زى ده المفروض الضوء يتسلط عليه بس علشان هو الزمالك
لو كان الاهلى كانوا صدعوا دماغى
يلا ع رأى اللى بيقول
met 3o2ba is not Egypt
اه حاجه كمان
الطبيعى الى كان بيحصل ع طول ان الى بيكسب كاس افريقيا كان هو اللى بيتأهل ع طول للمونديالزى القدم كده
بس لأسباب غير معروفه معرفش بقى علشان هو الزمالك ولا لشان ف فريق م الجزائر الله أعلم خلوا الى يصعد هو بطل السوبر
بس رجالتنا شرفونا

اقتباس:

مبروووووووك لملوك إفريقيا و إن شاء الله يوصلوا لكاس العالم زى الموسم اللى فات ويحققوا نتايج كويسه

ماهم كده وصلوا خلاص
اان شاء الله يحققوا نتايج كويسه

ملهاش الا تفسير واحد
الغيب لما يجى م اهل العيب ميبقاش عيب
\ه التفسير الوحيد اللى لاقيته

دايما مظبطين الاهلى
و لسه كاسبينه امبارح ف بطوله افريقيا
ربنا يستر يوم الجمعه والعدوة تنتقل لبتوع القدم

يا رب يارب يارب
انا صاحبتى الاهلاويه هتيجى تتفرج ع الماتش معايا
و غير بقى يوم السبت ف الكليه
ياعنى لو حصل حاجه لا قدر الله يا صباح الشماته ياعنى
الكليه كلها عارفه انى زملكاويه
ربنا يستر

الف مبروك للزمالك
وعقبال كرة القدم

الف الف مبرووووك للزمالك وكل الزملكاوية
وفعلا انا لما شوفت الخبر ده يعنى تقريبا دى تانى او تالت مكان
اشوفه فيه ولا جرايد ولا على النت الا ف المواقع الكبيرة بس
واضح ان الزمالك لما يكسب مش من حقه يفرح
ربنا يوفقنا يوم الجمعة واللاعيبة تكون قد المسؤلية

وشكرا جدا ليكى يا نغم

الزمالك كسب بطل الجزائر ووصل للفاينل
ان شاء الله يحافظوا ع اللقب

ماتش بكرة بقى
ربنا يستر بجد مش متفائله خالص
كفايه ان علاء صادق قال ان الزمالك ليه فرصه انه يكسب بسكور ويعوض ال 6_1
الراجل ده مابيقولش حاجه عدله ع الزمالك الا والعكس يحصل ع طول
اول السيزون قال اللزمالك هياخد الدورى قبل مايخلص ب 5 اسابيع و انا عند كلمتى وابقوا افتكروها
اتغلبنا م بتروجيت واتعادلنا مع الماقاولين وبرده الاخ مصمم ع رأيه و أدينا شوفنا للى حصل الدور الاول
ساعه ماتش المنصورة
ميدو كان عامل قبله حبه ماتشات خرافه
قبل الماتش بيقول ماتش الناهرده هيشهد أكثر م هدف لميدو
ميدو اتصاب وخرج اول ربع ساعه
ف ربنا يستر بكرة واليوم يعدى ع الخير
يـــــــــــــــــــا رب

مبروك للزمالك ودي عادة الكبار وان شاء الله ياخدوا البطوله المره اللى جايه برده وتبقى التالته ع التوالى

3 بطولات ف 15 يوم
ربنا يحميهم
ياسلام لو عندنا باك رايت زى احمد الاحمر ف القدم كده
مكانش اللى حصل يوم الجمعه بسب احمد غانم ده حصل

الف مبرووووووووووووووووووووووووووووووووووووووووووووووو ووووووووووووووووووك للزمالكبطل افريقيا