بوابة الثانوية العامة المصرية

السلام عليكم ورحمة الله وبركاته

من فترة ليست بالقصيرة كنت في الثانوية العامة من حوالي اكثر من
3 سنوات تقريبا ابتديت التزم ......

المهم كنت بأخذ درس مع مجموعة من الاولاد والبنات (الشلة القديمة بتاعتي) فكنت بحب انصحهم لأني كنت مثلهم في يوم من الايام

فكنت اعطيهم شرائط فيها دروس عن التوبة والحجاب وعن حاجات تانية .....

المهم كان في بنت وحيدة مش محجبة في البنات , فنصحتها واعطيتها دروس عن التوبة والحجاب وبفضل الله اتحجبت وجت الدرس متحجبة.

ملحوظة:
طبعا انا كنت لسة جديد في الألتزام فكنت فاكر ان انا لما انصحها مفيش مخالفة شرعية وعادي يعني وبعد كدة عرفت ان ده ما ينفعش

نرجع لموضوعنا البنت اتحجبت وطبعا احنا الدرس بتاعنا مرة واحدة كل اسبوع

فجاءت الدرس الأسبوع اللي بعده ولكن من غير الحجاب فاندهش

المدرس وقال لها لما يا ابنتي خلعتي الحجاب؟

فكان ردها:
ماما هي السبب هي قالت لي يا بنتي ما انتي لما تدخلي الجامعة كدة كدة هتخلعيه.

فوقع على اذني ردها كالصاعقة
الأم تقول هذا لبنتها لاحول ولا قوة
الا بالله

المهم خلصت السنة ودخلت الجامعة وتمر الايام وبعد دخولي الجامعة بحوالي 4شهور

يرن الهاتف ويقولون لي ان زميلتي هذة ماتت كان الخبر مفاجأة عظيمة لي

ماتت!!!!

وكيف ماتت؟

قالوا لي ماتت مخنوقة من الغاز في الحمام .

سبحان الله يموت الانسان في لحظة ولا يبالي الناس انا لله وانا اليه راجعون.

ماذا فعلت لها امها اخواني ؟

هل ستحاسب مكانها او تسأل مكانها؟

اسأل الله ان يرحمها وموتى المسلمين رحمة واسعة وان يهدي شباب وبنات المسلمين

فيا اخواني و يا اخواتي لسة بنأجل التوبة وبنسوف !!!

قال تعالى (قل يا عبادي الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم)

فسارع بالتوبة اخي الكريم واختي الفاضلة قبل فوات الاوان

اسألكم الدعاء