اغيثونا
 

انا مدرسه لغه انجليزيه متعاقده مطلقه وتعول2
مخنوقه من الدنيا ومن العيشه ومن الناس خصوصا المعهد واللي فيه من اول شيخ اللمعهد اللي بيعاملنا زي اللعبيد باعتبارنا متعاقدين ل الطلبه واولياء الامور اللي فاكرينا شغالين في قصور اهاليهم.
من غير ما اطول وارغي في المرتب الكبير اللي بناخده ومن كتر الفلوس اللي بتفضل لاخر الشهر.من غير ما اقول احساسي لما حد من اولادي ييطلب مني حاجه ومش بقدر اجبها.ومن غير ما احكي علي حالي وانا برتب مصروف الشهر .طبعا حالي زي حال كتير جدا
العيشه صعبه والاغرب انهم عشان يحافظوا علي المرتب الكبير ولانهم متأكدين ان احنا بنوفر منه هنقبض بالفيزا كارد.اصل احنا كاملين المعاني ناقصنا الفيزا كارد
طبعا عارفين ان كل المحلات الهاي والمطاعم الشيك بيتعاملو ب الفيزا كارد وكمان الناس الهاي الي زينا مش من مستواهم يشيلو فلوس لكن يشيلو هم واهانه من الكل ده عادي.
عارفه اني طولت عليكو م انا مخنوقه وكان لازم اتكلم وافضفض يمكن حد يسمع
اكيد في حد زيي حاسس بمشاكل المتعاقدين في المعاهد لازم نتكاتف كلنا ونبعت فاكسان للدنيا كلها نوصل صوتنا للكبار اللي قاعدين في المكاتب المكيفه ومس حاسين بحاجه وانا عملت اول خطوه بعت ايميل لقنوات كتيره وشيخ الازهر الجديد واللي واضح من اسمه انه راجل طيب ودا نص الايميل
لرجاء ارسالها من جميع أنحاء الجمهورية يامتعاقدون


الأزهر الشريف
مشيخة الأزهر الشريف
السيد صاحب الفضيلة مولانا الأكبر شيخ الأزهر
السلام عليكم ورحمة الله وبركاته
شيخنا الجليل أولا تحية حب واحترام وتقدير للأزهر الشريف منارة العلم الذي نشرُف بالعمل تحت لوائه ونكن له كل فخر .
بداية أود أن أقول من صاحب اختراع كلمة متعاقد أو ( تعاقد) ؟ أسمح لي أجاوب إنهم الوزراء الغير قادرين على تحمل المسئولية الموكلة إليهم وتسببوا في كلمة ( التعاقد ) .
يا فضيلة الشيخ يا قائد المسلمين هل ترضى لنا الذلة والمهانة ونحن مقيدين في أغلال كلمة مؤقت يا شيخنا نرجو منك التفاعل معنا نحن أصحاب أسر ولدينا مسئوليات وتكفينا نظرة أبناؤنا ألينا ونحن عرائس تحرك من هذا وذاك وكذلك أيضا نظرة المجتمع إلينا وعندما نُسأل هل أنت أساسي أم متعاقد يكفينا خجلا أن نقول متعاقد .
يا شيخنا الجليل خير الناس أنفعهم للناس وكل راع مسئول أمام الله عن رعيته . وأن فضيلتك مسئول عن توفير أمننا وعزتنا .
يا فضيلة الشيخ الكبير ألسنا نواجه الغلاء وجشع التجار وارتفاع الأسعار مثل زملاؤنا الذين دخلوا الكادر الجديد ...
العين تدمع والقلب يفيض فنرجو الرأفة بنا وبأهلنا.
يا فضيلة الشيخ : ألم تتفق معي أن هناك وزارات تعين تعيين رسمي !!!
يا فضيلة الشيخ : ألسنا وزارة منفصلة إداريا عن التربية والتعليم ؟ انا بمد ايدي مين هيساعدني
http://img707.imageshack.us/my.php?image=53hd0sj.gif
مقدمة لفضيلتكم /
كل متعاقد مخنوق على أرض مصرنا الحبيبة

كل اللي اقدر اقوله ليكي انا الله ليس بغافل عما يعمل الظالمون

إنما يوف الصابرون أجرهم بغير حساب

ربنا يصبرك ويصلح لك احوالك وييسر لك الرزق ويعينك على حوائجك الهم امين ويهدى المسؤولين اجمعين

اللهم يسر أمور وأرزاق المسلمين

الاخت الفاضلة والله انت صعبانه على بس ده حال الدنيا وقلبى معاكى هذه سياسة دوله السيد العشرى شيخ بساط /طلخا الثانوى

:angry2::angry2::angry2:

الاخ الاستاذ الفاضل بعد التحيه شكرا علي مشاعرك الطيبه بس انا مش عارفه مين اللي هيصعب عليك بعد كده احنا كتير علي الحال ده من المتعاقدين

بعد التحيه سيدي المحترم
الموضوع مش فلوس بس الموضوع يتعلق ب نظره المجتمع للمتعاقد وخصوصا شيخ المعهد والساده المدرسين المثبتين

زميلى العزيز اولا واخيرا الموضوع موضوع فلوس يعنى ادينى مرتب يكفينى وسمينى متعاقد متعقد الاسم اللى يعجبك ثانيا كيف ينظر لك شيخ المعهد !!!! انت مدرس لك كل احترام وتقدير بعملك سواء كنت عقد او مثبت مالفرق !!!!! انا شخصيا فى معهدى اقسم بالله الجميع عندى واحد بل على العكس هناك مدرسين بالعقد بعملهم افضل عندى من مثبت لايراعى ضميره وبصراحة المدرسين بالعقد اضافوا الكثير والكثير للتعليم الازهرى

الاخت صاحبة الموضوع ان شاء الله فرجه قريب اهم حاجه مطلوبة منك الان دورة التربوى لو مش تربوية ودورة icdl وانتظرى فرج الله قريب

لنا الله - لنا الله