محو الاميه عشان تبقى معلم ؟.؟
 

ورد الينا فى محافظة الفيوم

فى المدرسة ال بشتغل فيها

ورقه من القسم التعليمى

بيقول فيها

لا يتم اصدار اوامر تنفيذيه للمعلمين المساعدين لوظيفة معلم بعد النجاح فى امتحانات كادر المعلم الا بعد مراجعة ادارة خدمة المواطنين والحصول على ما يثبت محو امية عشرة دارسين من الامية

والورقة معايا دلوقتى وابعتها فى المرفقات

هنعمل ايه دلوقتى

إذا المعلم المساعد قال لأ ! فقد يفسخون العقد بدون وازع من شفقة أو ضمير وابئه سلم لي على الرجولة ;)
على فكرة محو أمية 10 أشخاص مطلوب مننا وهو شرط أساسي في التعاقدات الجديدة .. يلا دور لك على 10 بطاقات .. :blush:

هى محافظة محافظة ولا كل المحافظات
لان هنا محافظة الشرقية مفيش الكلام دة بس الكلام دة موجود بس ياللى بيعملوا التربوى وكمان لو الناس بتوع المحو الامية نجحوا بتاخد عليهم فلوس بس دة عندنا للناس اللى بيعملوا تربوى بس

انا عملت محو الامية من شهر 2/2009 وحتى الان لم أحصل على مليم
وحسبى الله ونعم الوكيل

مع احترامى لكلام حضرتك
مفيش حد هيجى ويقول لأ لوحده
المتعاقد كلمة مقصود بيها جموع المتعاقدين

اما حتة انى ادور على 10 بطاقات
فانا افضل افسخ عقدى من بكرة
ولا اشارك فى المهزلة دى
دول معاتيه !!

الصورة بتاعت الملف غير واضحة
اما عن مشوار محو الامية عندنا في اسيوط من بداية التعاقد
لكن انا واحد من القليلين اللي معملهوش و ادينا منتظرين هيعملوا معانا ايه

صفحة عيب يتقال فيها الكلام ده

استاذي العزيز ينص قانون العقوبات المادة131 على
مادة 131
كل موظف عمومي أوجب على الناس عملاً فى غير الحالات التي يجيز فيها القانون ذلك أو استخدام أشخاصاً فى غير الأعمال التي جمعوا لها بمقتضى القانون يعاقب بالحبس مدة لا يزيد على سنتين وبالعزل فضلاً عن الحكم عليه بقيمة الأجور المستحقة لمن استخدمهم بغير حق.
وبالتالي يمكنك التقدم بشكوي للنائب العام ضد السيد المحافظ لانه كلفك وزملائك بأعمال غير تابعة لاختصاصات وظيفتكم

والله انا اول ماتخرجت المحافظ اجتمع بينا ورفرف العلم السوهاجى وضربت الفلاشات وقالعلشان ناخد شهادةالخدمه الاجتماعيه لازم نمحو اميه10 واحنا قلنا ماشى وياريت بشرط انهم يجبروا الامى انه يتعلم ويجبلنا مكان والشخص المراد محيه (نخلص منه) المهم رحنا وجينا وتعبنا وما لاقينا وبعد كده طنشنا الموضوع وخلص واخدنا الشهادة
يعنى الحكايه دى كلها حكايه محافظ بيحب الاضواء وعايزيدفع مصر الى نحو الاميه(مش محو الاميه) احنا فى سوهاج لله الحمد مفيش الكلام ده الى الان وان شاء الله مفيش
بس اسمع ان اسيوط فيها الكلام ده وانصحك انك ناترفضش انكم تقدموا طلب للمحافظ تتطالبونه بتجهيز الافراد والمكان وليكن فتره مسائيه فى اى مدرسه



حسبى الله ونعم الوكيل