|
يا دكاتره عايزين مساعده !!!
معلش يا دكاترة اذا كنا بتوع ثانوي تقلنا عليكم بس احنا برضو عايزين نستفيد من خبرتكم
اولا انا طالبه في اولى ثانوي :romarioxp6: و جاتلنا استمارات الثانويه العامه :stickjo4: و بعدين انا الحمد لله قررت اخد احياء في تانيه و دعواتكو معايا بس المشكله انو لازم نكتب ماده المستوى الرفيع و ماده الادبي الاختياريه دلوقتي و انا بصراحه مش عارفه اختار ايه يا ريت بجد يا دكاترة تفيدوني في الماده الادبي الي اختارها و في المستوى الرفيع و اسفه انت كنت طولت عليكم :bosyht9::bosyht9: |
أولآ أحب أنوه حضرتك أن إستماره أولي ثانوي ليست إختيارك النهائي وإنماهي من إجل توزيع الفصول
وإنما الإستمارة الحقيقية هي إستمارة العام القادم قبل خوض إمتحانات المرحلة الأولي بالنسبة لموضوع المادة الدبية رإي الشخصي علم نفس والمستوي هو كان في قرار إتطبق علي دفعه 2008\2009 أن العلمي ما ينفعش ياخد ماده مستوي إدبي بس تقريبآ رجعوا في القرار ده السنه دي وعمومأ ممكن تاخدي فلسفة مستوي |
اقتباس:
لازال القرار ساري حتى الآن وهو أن شعبة العلمي لا تأخذ مادة أدبية في المستوى |
شكرا شكرا
شكرا جدا لحضرتك على معلومه الاستمارات و الماده الادبي
بس معلش يعني انا مفهمتش حكايه المستوى دي قرار و رجع و الكلام ده بس على العموم الي مكتوب عندي ان في مستوى و ان المواد المتاحه ليا هي احياء - انجليزي - عربي فأنا مش عارفه اختار الاسهل لاني معرفش امتحاناتهم و الفلسفه مش من ضمن مواد المستوى الرفيع ده الي مكتوب عندي و شكرا مرة تانيه لحضرتك |
السلام عليكم
من رأيي انك تاخدي علم نفس كماده ادبيه و جغرافيا كماده مستوى رفيع وده اللى انا اخدته فى الثانوى وربنا معاكى وبالتوفيق انشاء الله ولو ماينفعش جغرافيا يبقى انجليزي لو انتى بتحبيه |
ميرسي جدا يا دكتورة على رأيك
بس مستوى رفيع الجغرافيا اتشال من علمي و الانجليزي بقى ده هبقى اسال المستر عن امتحاناته :slap1qk6: و شكرا مرة تانيه .دعواتك |
اقتباس:
اقولك متشغليس نفسك بموضوع ماده المستوي ده دلوقت انتي لسه في أولي ولسه هتكتبي الاستماره في تانيه تكوني خدتي خبره اكتر واحتكتي بناس تقدر تفيدك اكتر ومتتعجليش الأمور |
السلام عليكم
انا طالبة مثلك في الصف الاول بالنسبة للمستوي الرفيع انا كتبته لغة انجليزية والمتاح للعلمي ههو انجليزي .عربي.احياء وبالنسبة للمادة الادبي اخترتهاعلم نفس لان حسب علمي هو اسهلهم وكل من اعرفهم كانت درجتهم فيه النهائية وشكرا |
السلام عليكم بالنسبة للمادة الأدبية فيه اجماع على مادة علم النفس:022yb4: (مع العلم اني مذاكرتهاش ايام الامتحانات :av4056bb7jp3:و نقصت فيها درجتين :slap1qk6:بس وهي كانت السبب في نقص درجاتي:040vk0:)بس الحمد لله على كل شيء:) ثانيا بالنسبة للمستوى معتقدش انك لسة في سنة أولى و تقرري من دلوقتي حتاخدي مستوى إيه:078111rg3: استني شوية لما تستقري ان شاء الله في تانية ثانوي و تبدأوا تكتبوا الاستمارات التانية و بعديها اختاري و حتى لو اخترتي حاجة في الاستمارة في تانية برضو و عايزة تعديلها في أي وقت :stickjo4:ممكن تتعدل مش معضلة يعني الحكاية يعني انتي الافضل انك تكتبي في الاستمارة اللي معاكي جنب المستوى الرفيع(لا أرغب:angry2:) و تبقي تعديلها في أي وقت ان شاء الله حتى قبل الامتحان بأسبوع:) لو فيه أي استفسارات تانية :confused:انا في أولى يعني لسة مخلص ثانوي طازة الحمد لله و ربنا يوفقك ان شاء الله الى ما فيه الخير |
انجليزي مستوى احلى حاجة بجد بالنسبة للمادة الادبية سواء علم نفس او اقتصاد واحصاء الاتنين سهلين موووووووت انا كنت واخدة اقتصاد واحصاء بس اصحابي كلهم كانوا علم نفس
|
شكرا جدا جدا لحضراتكم يا دكاتره
بجد افدتوني و ادعولنا بقى ...اديكو شايفين الثانويه العامه عاملين فيها ايه |
السلام عليكم
انشاء الله ربنا يوفقكم ويكون معاكم دايما ويارب تدخلوا الكليه اللى بتتمنوها واللى فيها خير ليكم :022yb4::022yb4::022yb4: وما تخافوش وشدوا حيلكم;);):friendsxs3: |
يا جماعه معلش عندي سؤال صغير ازاى بتدخلوا الصوره الرمزيه كبيره كده لانى لما ادخلها بيتكتب ان ماينفعش
|
انتي بتجربي كل الصور الي عندك لحد اما واحده تنفع انا برضو قعدتلها يوم عشان اجرب لحد اما دي نفعت
|
المستوى الرفيع عربى او انجليزى اسهل مادتين
لكن اوعى تاخدى احياء ابداااااااااااااااااااااااااااااااا لانها اصعب من الاحياء الاساسية بمراحل وعن تجربة لانى كنت محتارة وجبت كتب للتلت مواد وبصراحة استريحت للعربى جدا (لو بتحبى النحو والبلاغة هيبقى جميل جدا وامتحانه سهل واى) اما بقى المادة الادبية فسواء علم النفس او الاقتصاد والاحصاء بصراحة الاتنين سهلين موت انا كنت اقتصاد واحصا وجبت 50 بكل سهولة بس علم النفس بيحتاج حفظ شوية واحب اطمنك سواء الاستمارة دى او استمارة سنة تانية مش اساس خالص انتى ممكن تحولى رغباتك يوم الامتحان عادى جداااااااااااا يعنى اكتبى اى حاجة سد خانة بس وان شاء الله فى تالتة بتعملو تعديل للرغبات تانى لان معظم الناس بتغير رأيها بعد فترة وفى اللى بيحول من علمى لأدبى الموضوع سهل يعنى سورى ع الاطالة ويارب بالتوفيق ليكو كلكم |
| جميع الأوقات بتوقيت GMT +2. الساعة الآن 04:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.