|
عايز ادرس هندسه بعد 3 سنين في طب اسنان !!!
مساء الخير، ، اسمي جورج ، عندي 19.5سنة. اعتقد ان الموضوع غريب شويه بس اكيد في كتير مثلي و اني مش حاله منفرده !!!!!!!!!! انتهيت من المدرسة الثانوية وحصلت على 98.2 ٪ في عام 2007 بمصر . كنت في القسم الطبي في المدرسة الثانوية ، لذلك اخترت طب الأسنان المنصوره " بلدي " طول عمري كنت اعشق الهندسه و الاعمار و الابداع و لم اكن اميل للمواد الطبيه اطلاقا مع العلم اني لا اعرف طبيعه مواد الاعمار و المناهج بس عامه انا بحب الشغلانه دي و انها كلها فكر و ابداع بعكس الكليات الطبيه اللي كلها حفظ فقط و لكني لم ادرك الخطا القاتل باختياري كليه طبيه الا عند مرور سنه في طب اسنان ونتيجة لذلك عيدت العام الماضي "" نجحت في اعدادي بمجموع 61% يعني يادوووب و سقطت في اولي "" ، واعتقد 99 ٪ أني هعيد نفس السنه تاني لاني مش عارف احفظ و لا استوعب الامور الطبيه !!! و اللي صعب الموضوع ان طب اسنان المنصوره معروفه ب صعوبتها عن اي طب اسنان اخري !!!! ، لذلك اشعر بخيبة امل كبيرة خصوصا اعتدت على أن اكون طالب ممتاز ولكن الآن انا افشل في كل عام ، ، ، لذا أرغب في دراسة الهندسة المعمارية في مكان جيد و انسي 3 سنين طب اسنان و امري لله !!! كان نفسي اسافر ادرس بره بس العيله رافضين تماما و مصرين اني لازم اكون واخد شهاده من هنا الاول ,, ف علشان ارضي نفسي و ارضيهم ,, ممكن ادخل حاجه هنا بس اعتمادها يكون دولي بحيث اخلص و اسافر اللي اعرفه و ينطبق عليه الشروط دي auc ,, guc ,, bue المانيه و امريكيه و بريطانيه الامريكيه غاليا جدا ف ممكن الغيها , البريطانيه اقل و الالمانيه اقل اكثر و خصوصا ان هيبقي لي خصم علشان مجموعي بس مش عارف اكمني خريج 2007 يبقي الخصم ده هيتلغي ؟؟ لو في جامعه تانيه كويسه ياريت محدش يبخل عليا بمعلومات و انا مش متاكد ان الالمانيه فيها هندسه عماره لو حد ياكدلي المعلومه لو سمحتوا و في حاجه مهمه انا كنت علمي علوم ف لازم اخود رياضه 2 و في جامعات كتير معندهاش مشكله و بتدي الماده علي انها ماده اضافيه في اول ترم او بتطلب معادلتها في الصيف فهل الجامعات دي بتطبق النظام ده ؟ و حاجه تانيه في مواد مشتركه بين اعدادي هندسه و اعدادي اسنان هل ممكن انها تتلغي باعتبار اني اخدتاها ؟؟ انا عارف انها خطوه جريئه و احتماليه الفشل فيها موجوده و ساعتها الفشل هيبقي صعب قوي بس الواحد برده المفروض يعمل اللي عليه ااااااااااسف علي الاطاله بس الموضوع مينفعش يختصر عن كده ارجو المساعده باسرع وقت !!! .......... |
الحوار بتاع إني في كلية وممكن احول كلية تانية ده اعتقد موجود
انا مشفتش امثلة او مجربتش بس باعتبار إنه نفع ودخلت بمجموع العامة بتاعك مبدأياً في جامعات كتير من العادية وشهاداتها معتمدة دولياً منها جامعة القاهرة وجامعة اسيوط اللى انا فيها واعتقد المنصورة منهم برده هما عشرة كانو في موضوع هنا قبل كده مش لازم الالمانية ولا الامريكية يعني رياضة 2 اكيد لازم تاخدها من ناحية احتمالية الفشل متقلقش فتقريباً اعدادي بس اللى حتتعبك شوية لإنها جايبة من مواد من كل الاقسام بعد كده عمارة حتلاقيها سهلة جداً |
م انا مينفعش ادخل اي كليه حكوميه خلاص !!!!!!!!!!
علشات موضوع رياضه اتنين !! ف مفيش ادامي غير الخاص ف عايز الافضل بقه و شكرا علي الرد |
ازيك يا جورج
بص إنت محتاج شويه مجهود و فلوس قدامك كذا طريقه / 1-تدخل معهد المطريه بشهاده ثانويه عامه من غير ما تسحب أوراقك من كليه طب اسنان و تشد حيلك جامد فى المعهد لو حصل نصيب و جبت جيد جدا فى المعهد حتدخل معادله لهندسه و ان شاء الله تنجح فيها و متقلقش من السن فيه عندنا طلبه عدوا التلاتين سنه و لسه فى تالته او رابعه ( تأجيل ورا تأجل و را دبلره الخ بس متسحبش اوراقك من كليه طب اسنان عشان لو محصلش نصيب 2-تانى حاجه بقى الجامعات الخاصه يبقى فلوس بس انا معنديش خبره و مش عارف بقى اذا كطان ممكن يتطلب منك حاجه تعوض مواد ثانويه عامه ولا لأ بس شهاده الثانويه العامه خللى بالك انها بعد خمس سنين مش حيبقى ليها قيمه فى اماكن كتيره فتضطر تعيد ثانويه عامه تانى فحاول تلتحق منازل أولى ثانوى أو لو معاك فلوس برضه تسجل فى أى مدرسه IG or SAT من Grade 8 تقريبا اللى هو معادل لأولى ثانوى عشان تعيد ثانويه عامه بس ميزه ال \ IG or SAT انه سهل تجيب مجموع عالى تدخل بيه الكليه اللى فى مزاجك و بالتوفيق أخوك عبدالرحمن ( بكاليروس اتصالات القاهره ) |
السلام عليكم
بص ياسيدى الفرصة ماضاعتش ولا حاجة فيه قانون لسه نازل جديد لو انت كنت علمى علوم تقدر تدخل اى كلية تخص علمى رياضة بس تكون خاصة وبتدرس رياضة اتنين فى الكلية فى اول سنة ...وغالبا كمان سنة او اتنين هينزل نظام ال credit hour وساعتها تقدر تاخد ترم فى الصيف وتعوض الى فاتك و لما بتتخرج بتاخد شهادتين معترف بيهم دوليا شهادة مصرية من المجلس الاعلى للجامعات ككلية مش معهد وشهادة اجنبية من جامعة loughborough فى انجلترا ودى سنة 2007 كانت سادس احسن جامعة هناك ده كل الى عندى لو عندك اى استفسار اكتبه هنا وابعتلى بس على الخاص بالنسبة للجامعات ..الامريكية فيها معمارى بس غالية والالمانية تقريبا فيها بس مش متأكد اوى البريطانية انا ممكن افيدك فيها...فيها معمارى ودراسته حلوة ونظرا لمجموعك انت هتاخد خصم من 40 ل 50 فى المية ان شاء الله وهتدرس انجليزى هناك مجانا بعد ما يعملوا امتحان تحديد مستوى هو سهل وااى كان مجموعك فى امتحان الانجليزى هتدخل ليفل معين من غير اى فلوس اضافية وربنا يوفقك ان شاء الله |
متضيعش عمرك في مغامره مش معروف نهايتها قدر الله وما شاء فعل حاول تكمل في اسنان وشد حيلك انتا داخل علي 20 سنه
|
| جميع الأوقات بتوقيت GMT +2. الساعة الآن 05:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.