حملة للمطالبة بتعميم دراسة اللغة الفرنسية لطلاب الشهادة الثانوية الأزهرية
 

سلام عليكم أخي الفاضل مسيو إيهاب
إقتراح جميل والفائدة ستعم على الجميع
سبق وأن تحدثنا وعرضنا هذا الأمر على المستشار محمود عبد المحسن ( مستشار اللغة الفرنسية بالأزهر ) وذلك أثناء دورة تدريب لمدرسي اللغة الفرنسية بالعريش وكان الرد كالتالي
عملت اجتماع للموجهين وقلتلهم مكن نشتغل على طلاب علمى قالوا ماشي عندنا الناس مستعدة يعنى في مدرسين كفايه قالوا ايوه وتم عرض الأمر على الوزارة ولكن المشكلة مفيش ميزانيه لدعم الكتب وطبعا حضرتك عارف ؟ لأن الميزانية دي مطلوبة للأزهر

انا معك بس الحملة محلك س عاوزيين نعمل خطة سليمة وكل واحد يقوم بدور

والله كلنا معك يااستاذ/ايهاب فى هذا الاقتراح
بصراحة احنا زهقنا من طلبة الادبى

اقتراج جميل جدا والله ياريت وانا معاك ربنا يسمع منك

انا معاك استاذ ايهاب
وياريت فعلا يدرسوا اللغة الفرنسية للعلمى وكمان لاعدادى
بس بالنسبة ليا انا لسه مشتغلتش اعمل ايه؟
وياريت ايميل شيخ الازهر لو تعرفه

ياريت والله حتى نلاقى معظم الطلبة مستواهم متفوق لأن سيادتكم عارفين ولا أخفى عليكم سرا ان معظم طلبة القسم الادبى مستواهم ضعيف فى الأزهر

فكرة جميلة انا على سابلغ من اعرفهم من اللغة الفرنسية

الاقتراح رائع من رجل رائع
فالله انا لا اعلم داعى او سبب واحد لاقتصار اللغة الفرنسية على القسم الادبى فقط بل وكان من الاول ان كان لابد ان يدخل الى قسم واحد ان يكون ذلك للقسم العلمى لا الادبى لان من الطبيعى ان نعلم الطبيب والمهندس والكيميائى ورجل الطبيعه اكثر من لغة حتى يتسنى له الوقوف على الابحاث العلمية الانجليزية والفرنسية على الاقل
ياجماعة والله الفرنسية جديرة ان توضع فى الاعتبار اكثر واكثر سواء فى الاعدادية او الثانوية ونرجو ان يصل بصيص من نور هذا الاقتراح الى المسئولين
والله الموفق