|
القطوع المخروطية -لمن يحتاج-
بسم الله الرحمن الرحيم أحبتى النهارده جايبلكم رابط فيه القطوع المخروطية المميزات *** شرح نصى ***شرح فيديو *** تمارين كثيرة و محلولة - حل كتابى - خطوة بخطوة (أسلوب مبتكر) - فيديو باستخدام الشاشة التابلت ***تمارين إضافية للتدريب و حلولها فى ملف مرفق أيضا كفاية كلام اتفضلوا http://online.math.uh.edu/Math1330/ ادخلو شابتر 8 من الشمال كده و تمنياتى بالتوفيق و بمرور السنة الإعدادية على خير |
ممتاز يا عبد الرحمن الشرح مميز جدا ووافي
جزاك الله كل خير |
مش أنت طنطا معايا
الكلام ده بالنسبة لمنهجنا لعب عيال بجد أنا عامل الموضوع للكليات التانية متعتمدش عليه خالص يا بروف و تعمل زى بشمهندس (ع) و تفتكر الحياة سهلة ربنا يستر بجد علينا لأن الدكاترة مستحلفين لنا زى دكتور المغناطيسية امبارح ربنا يستر |
دا انا بتشوق لاي لمه في الهندسه التحليليه لان مش منتظم في محاضرات الدكتور "ع" اما بالنسبه للسكشن البشمهندس "م" مظبطنا علي الاخر
بالنسبه للمغناطيسيه الدكتور "ح" ياعم كويس وشرحه عسل ومبيحتجش سكاشن نهائي وايه رايك في مقلب الدكتور ‘ع" النهارده لما لغي المحاضره يعني اصحي الساعه 7 علي الفاضي يعني واروح العب كوره لحد محاضره الدكتور "ا" يلا سلام |
ما عملت لمه فى التحليلية على منتدى الكلية و لا حد عبر
فطنش من المنتدى ده و حسبى الله و نعم الوكيل فى الكلية قبل منتدى الكلية برده ممكن تكتب فى جوجل القطوع المخروطية Parabola,ellipse,hyperbola و ادخل أول موضوع هتلاقى شوية اثباتات و مسائل محلولة بعضها يرتقى لمستوى دكتور (ع) بالمناسبة كنت بتلعب كورة فين أصلى كنت بتفرج على اللى بيلعبوا بص يا أنس دكتور المغناطيسية قعد يندهفى كذاسؤال حد يحل محدش عبره أول مرة قالهم ده شكل ناس هتنجح تانى مرة قالهم ماشىبينى وبينكم الامتحان بم تفسر بقى معنى جملته ده الكلام ده فى المجموعة التانية |
يامعلم الدكتور حاتم كنا مظبطينه في المحاضره اي سؤال يقوله الناس تجاوب جماعي بس هو بيصطاد اللي اول بنج
وبنديله اهتمام في المحاضره جامد |
علي فكره انا شفت موضوعك علي منتدي الكليه الصراحه موضوع جامد والله يعني تسلم ايديك عليه يامعلم
وكانت حلول وافكار المسائل بس انا مش مبحبش منتدي الكليه اد كده يعني اصل معظم اللي فيه اصحابي ووشي في وشهم طول النهار في الكليه مش هيبقي في المنتدي كمان كده يبقي حرام ولا ايه رايك |
وياعم متقلقش من الدكتور ح هو دايما بيدي مقالب في امتحانات اخر السنه يعني يديك مسائل يدوب تنجحك والباقي تفكر فيه علشان تعدي من المقبول
|
المناسبه انا اللي كنت عند مبني انتاج بيلعب كوره بفانله اصفر في ازرق وكمان كنت في سكشنكم النهارده مع المهندس "م" سكشن 13و14 فتره الساعه 10 اصل المهندس ياسر اخر سكشنا ساعتين فاضطريت احضر معاكم هناك بس الجو كان حر اوي والقطع الناقص يدوب فهمته
مش انت اسمك falcon علي منتدي الكليه؟؟ |
انا اضطريت اقسم الرد لان المنتدي شكله تعبان شويه مبيقبلش الردود الكبيره
|
أيوة يا أنس
و أنت ايش عرفك أنى بحضر مع سكشنى أصلاً ^_* بالنسبة للموضوع صراحة سدوا نفسى و مش ناوى أكمله أساسًا وقتى محدود فوق ما تتصور بجد بجد و معنديش استعداد أضيع وقتى مع ناس مديانى استمارة 6 بس ممكن لو الوقت ساعدنى ابقى اعمل حجات غير الموضوع ده شوفت الأسئلة اللى قولتلك عليها فى جوجل ؟ و أخيرًا أنت ناوى تكمل فى الكلية ده ؟ و ناوى قسم ايه إن شاء الله بالتوفيق يا بروف |
يا معلم عبد الرحمن ولا يهمك انت اهم حاجه انك بتفيد سواء بقي كانوا بيتفاعلوا مبيتفاعلوش مش مشكله
هم ممكن اي نعم مدينك استماره 6 دلوقتي علشان مفكرين ان الامتحان لسه في 13/6 بس خلال اسبوعين هتلاقيهم متشوقين لحد يحللهم مساله |
ثالثا :- انا معرفش ان كنت بتحضر في سكشنك ولا لا دا مجرد تخمين بس يا ريس
رابعا:- انا نويت علي الكهربا لاني شايف نفسي في الرياضه والفيزيا كويس وشلت فكره الميكا لان اونكل زيزو عقدني فيها اوي وان كانت الميكانيكا علينا حق يبقي ميكا باور ب |
بخصوص ان اكمل في الكليه والله مش متاكد ممكن احول اسكندريه او القاهره بس وانت قولي انت علي اي قسم ناوي يا معلم؟
|
تقريبًا زيك
بس عندى استعداد أعيد السنة مع سنة الفراغ و لا أنى أخش ميكا لأسباب معينة كده ربنا يستر يا أنس |
| جميع الأوقات بتوقيت GMT +2. الساعة الآن 08:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.