منصب الوكيل الثقافى فى الازهر
 

مش عارف ابتدى منيين معقوله منصب هام مثل الوكيل الثقافى فى المعاهد يتلغى بجرة قلم وينتهى حلم كتير من المعلمون الثقافيين لان المشكله فى معاهدهم انها لايوجد فيها اكثر من 20 فصل دراسى ؟؟؟؟؟؟؟؟ والله العظيم دى عجيبه ياجماعه ميين يتفق معايا انه لازم يرجع لان الوكيل الثقافى دوره مهم فى المعاهد ومين يختلف معايا يوضح رايه بكل حريه واكون شاكر للجميع

لاحول ولاقوة إلا بالله العلي العظيم

الوكيل الثقافى له دور بيكون مشرف على شؤون العاملين او شؤون الطلاب وبيكون متابع لمدرسى المواد الثقافيه

كل منصب له عمله ولكن بحاجه الى تقنين يعنى المعهد محتاج كام وبعدين الوكلا العربى والشرعى فى المعهد عندنا 17 وكيل ومن غير شغل

اخى الكريم كلامك غير صحيح...احنا عندنا العكس تماما .....وحتى الوكيل الثقافى يعمل بجدول 14 حصة
ومش بيلاقى اى وقت يشرب فية الشاى الى بتقول علية.................ولعلمك اسال عن دور الوكيل الثقافى فى اى معهد...لقد خانك التوفيق فيما قلت....
والكل لة دور...ودور هام....ولا اية...........

معظم أعمال المعاهد والكنترول
ولجان المراقبة على الشهادة الإعدادية والثانوية الأزهرية
يقوم بها الوكيل الثقافى
والواقع خير شاهد على ذلك
فالوكيل الثقافى له دور هام فى كل مكان

متهيالى مينفعشى يبقى شيخ المعهد ثقافى لان الازهر انشأ على ذلك

بالعكس دور الثقافى مهم فى كل مكان سواء فى المعهد او المنطقة ومن حقهم تولى المناصب القيادية لان الثقافيين عقولهم مستنيرة وذكية وسواء العربى او الشرعى او الثقافى كلهم سواء ويجب المساواة بينهم

اولا اشكر كل اللذين ساهمو فى الرد وان اختلفو معى لاكن الاخ مصراوى نسى ان الوكيل الثقافى زميل للوكيل العربى والشرعى وانهم بيمثلو فريق واحد ولا تنسى يازميل ان الوكيل الثقافى فى الشهاده الاعداديه والثانويه له الدور الاكبر فى تنظيم اللجان والشؤن الداخليه للجنه .......... اخيرا اتمنى كثير من الاراء حتى نصل فى النهايه على تصويت داخلى على الموضوع وشكرا

يا حماعة نسيتوا ان الوكيل الثقافي كان مدرس ثقافي يعني كيمياء وفيزياء واحياء ورياضيات طلع من تحت ايدة طالب طب وصيدلة وهندسة عالج المرضي وبني 5المباني وعلي المنشات
ولا نسيتو ان الوكيل الثقافي كان مدرس جغرفيا وتاريخ علم ولادنا تاريخ اجدادنا وعرفهم حروبنا وانتصاراتنا
ولا نسيتوا انه كان مدرس انجليزي ومن عرف لغة قوما امن شرهم وخرج من تحت ايده مترجمين علموا الأجانب الدين الأسلامي
وان جريدة صوت الأزهر بها صفحة كاملة تكتب بالأنجليزي

بعد كل ده نقول المدرس الثقافي . .................................
المطلوب اعادة النظر في طريقة النظر للثقافيين

اية الشكلة لمليبقى شيخ المعهد شرعى والوكيل ثقافى وان كان لابد يلغى اى من الوكيلين فيلغى الوكيل الشرعى ويبقى الثقافى