|
ظاهرة غريبة أدهشت الكل
ظاهرة غريبة الظاهرة دى للاسف فى التعليم فى مصر التعليم الذى يعتبر هو البنيه الاساسية للتقدم فى اى دوله المهم انا طالبة فى تانية ثانوى وأكيد متابعة اخبار الثانوية العامة ومحاولة الوزير ان يمنع الدروس الخصوصيةويبين اضرارها .......الخ مع انى مع الدروس الخصوصية وبحفزها لانها فى الاخر لا تضر لكن للاسف ال زاد السنة دى تعدد الدروس فى المادة الواحدة منكرش انى باخد فى كذا مادة عند مدرسين بس ممكن السبب اننا بنمشى على الموضة والايام دى هى دى الموضة عايزة اتناقش مع الاعضاء من كذا محافظة علشان نعرف مدى انتشار هذه الظاهرة فى الاول الضرر الاساسى من تعدد الدروس فى المادة هو الطالب نفسه بيشتت افكاره وبيضيع وقته وبتقل مذاكرته ومن المعروف ان بالذات فى الثانويه العامة ال بيجيب مجموع هو ال بيذاكر صح وكمان اصحابه بيقلقوا من المدرس ال عنده ويضطروا يعملوا زيه ضمان لنفسهم اصل المدرس ده يقول حاجة التانى مقلهاش وطبعا بيتوتروا وبيقلقوا وبيفكروا كتير وفى الاخر ده بيضر مذاكرتهم وبرده ما نلومش الطالب لانه خايف على مستقبله وبيعمل ال يقدر يعمله ولا اهله لانهم برده عايزينه يحقق هدف كبير للاسف المدرس هو ال غلطان ايوة المدرسين بيبعوا علمهم وخلاص المهم فى الاخر ياخدوا اجرتهم والله والله مدرس قالها ناس قالتله ان طلبه عنده بياخدوا عن غيره قالهم المهم بيدفعولى اخر الشهر وللاسف بكرة الطالب هياخد عن 4 فى المادة وهكذا يللا خلى المدرسين يكسبوا ما الحياة صعبة للاسف هيبة المدرس .............. اتمنى ان يعجبكوا موضوعى واتمنى المشاركة بأرائكوا |
موضوع مميز جدا ...وأنا من أسيوط وللأسف الظاهرة دى منتشرة برضه عندنا كتير ...
يعنى أنا كنت بأخذ عربى عن 2 مدرسين .. والرياضة نفس الحكاية 2 مدرسين ... والانجليزى برضه 2 مدرسين ... يارب يمنعوا الدروس الخصوصية بجد |
ههههههههههههههه
اهم حاجة الاعتماد علي النفس |
درسين في مادة ؟؟؟؟؟؟؟؟؟؟؟؟؟؟ ازاي
بص انا عمري مااخدت غير درس واحد في حياتي والحمد لله بجيب درجات كويسة انا حقولك حاجة انا باحس في صحابي الللي بياخدوا دروس في كل المواد انه مخهم وقف عن التفكير ولو المستر مقلش السؤال ده يبقى خلاص معندهمش استعداد يفكروا ومذ1اكرة من فوق الوش وشغل جيب مالاخر دول مش بيتعلموا اسالهم على حاجة قديمة يقولو مش فاكرين فعلا الا صل بذاكر لوحدي وافهم نفسي وبعدين لو حاجة مس واضحة الجا للمدرس لازم اعتمد على نفسي اسف للاطالة |
شكرا ع المشاركة جدااااااااااا
|
اقتباس:
|
| جميع الأوقات بتوقيت GMT +2. الساعة الآن 08:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.