بخصوص التعيين ..الى الاعضاء والمشرفين
 

بنظرة سريعة نلاحظ الكم الهائل من الاخبار التى تتعلق بالتعيين منذ الاختبار وحتى الان
منها من قال فى شهر 4 ومنها من اعتمد على كلام موظف لا يملك حق التصريح اصلا
الا اذا كان يعرف اكتر من الوزير !!!!!!!!!!!!!!!
وما اكثر كلمة مصدر مسئول
وما اكثر موظفين الادارات
وما اكثر موظفين الاكاديمية
رغم ان الكل اجمع على ان الاكاديمية لا شأن لها بالتعيين
======================
يــــــــــاريت الســـــــــادة المشـــــــــرفين يطبـــــــــقوا قوانـــــــــين المـــــــــنتدى

• أى خـــــــــبر بـــــــــدون مـــــــــصدر (رابـــــــــط الخبر )
• أى خـــــــــبر بـــــــــدون ان يرفـــــــــق مـــــــــعه منشور رســـــــــمى
• أى تفســـــــــير خـــــــــاطىء لخبـــــــــر منـــــــــقول
• أى عنـــــــــــــــــوان لا يحـــــــــمل مضـــــــــمون الـــــــــخبر

مع تمنياتى بالتعيين لجميع المعلمين المساعدين

اخى الفاضل احنا كلنا هنا مستنيين نفرح بالتعيين او اى خبر حلو
فالى بيسمع او يعرف خبر بيجى يقوله واهو تصبيره انما انتا جاى تقول
محدش يقول خبر غير لما يكون موثوق وله مصدر كلام جميل بس مفيش مانع
نسمع حته اللى يطمن قلب الواحد

الأخ الفاضل /صاحب الموضوع
السلام عليكم ورحمة الله وبركاته
طلبك منطقي وموضوعي ،ولكن وكما قال أخوك في أول مشاركة ،الأخوة ينتظرون قرار تثبيتهم علي أحر من الجمر
وبخاصة أن المنتدي مخصص للمعلم المساعد ومشاكله وكل ما يتعلق به ، وطالما أن الموضوعات المطروحة تهم المعلم المساعد
وتخدمه ، والجميع يتفاعل معها فلربما تكون هناك مشاركات مفيدة من هنا أو هناك فما الضير ؟ ولما لا ؟ طالما أنها في حدود الأدب واللياقة ولا تخرج علي قوانين منتدانا وأدابه وقواعده .
وتفضل بموفور التحية والاحترام

الاستاذ الفاضل كلامه صحيح لابد من التأكد من الخبر اولا ثم كتابته
ويارب يكون فياخبار عن التعيين ان شاء الله

شكرا لمروركم جميعا
وانا أقدر الآراء المطروحة
وطبعا بكل امل وتفاؤل
لكن هل التفاؤل يكون باخبار غير صحيحة ؟!
عندما اجد عدد هائل من الاخبار كلها تحمل معنى مباشر هو التعيين
ثم اجد الخبر يقول : مصدر مسئول او مدير المدرسة قال او موظف الاكاديمية قال
او أجد تفسيرا خاطئا لخبر بانه تعيين هل هذا تفاؤل ..؟؟
موظف الأكاديمية او مدير ادارة او مدرس او مصدر مسئول او ........
من يصرح منهم بخبر عن التعيين فهو يقحم نفسه بذكر اخبار غير صحيحة بلا اثبات رسمى ومن تلقاء نفسه فقد اجاب بغير علم وهو بذلك يعد كذبا وان كان بهدف التخفيف عن المتعاقدين وزرع الامل فى نفوسهم ...فهذا ليس مبرر للافتراء

معك حق
 

على فكرة انا بقراء تعليقات الزملا يومياً وبصراحة الزملاء بيجددوا الامل فينا كل يوم فمافيش مانع اني اللي يعرف حاجة يقولها سواء كانت من مصدر موثوق ام لا لان كلاً منا اذا سمع خبر وحب يتاكد منه بيسأل عنه في ادارته وربما يصادف ان يكون صحيح يبقى استفاد , والا فيبقى ماخسرش حاجة اهو فرحله شوية وخلاص أسأل الله العظيم رب العرش العظيم أن يكون آخر صبرنا دا تثبيت

ياريت يجماعه الى يجيب خبر يتحرى الصدق قدر المستطاع وربنا يسهل وكلها ايام والشهر الموعود ياتى

يا جماعه احنا مستنيين أى خبر زى الغريق المتعلق بقشايه
تخيلوا يا جماعه لو سكتنا مستنيين الخبر الصحيح وتصريح الحكومه والحكومه سكته ومفيش اى تصريحات يبقى عليه العوض ومنه العوض فى القضيه يبقى مبقاش فيه قضيه
لكن احنا دلوقتى بنقول أى خبر نسمعه بنحس بلأمل ونحسس الناس اننا موجودين ولينا مطالب على الرغم اننى مع المفروض تكون معلومتنا فيها قدر من الصحه
ارجو عدم الهجوم على أى شخص يأتى بمعلومه علشان الناس متبخلش بأى رأى او خبر
اتمنى من الله التثبيت للجميع

صحو النوم إدارة ميت غمر مضت عقد جديد سنة تحت اسم معلم مساعد وده كلام أكيد ميه الميه

التفاؤل مش بالكدب