|
اللى بيحب مصر يحب البرادعى
اللى بيحب مصر يحب البرادعى
وانا بحب مصر وبحب البرادعى شبعنا تزوير ونهب وفساد ومحسوبية شبعنا ظلم ورشاوى ونفاق وبلطجية لاصناعة فيه ولا تعليم والمبرر ان احنا كتير ونسينا ان اهم ثروة هى الثروة البشرية واهم انجازات للحكومة مع احترامى للحكومة انجازات كروية ورغم كتر الاهداف اللى فى البطولات الافريقية الا انى نفسى اشوف على الارض اهداف استراتيجية نفسى اشوف نقلة نوعية علشان مصر تبقى دولة قوية لازم يكون للشعب كلمة مش عارف لية الحكومة بتعامل الشعب وكأنة لسة بيقعد على القصرية صدقونى لو اتغيرت مصر هتتغير الامة العربية شوفوا الظلم والوقفات الاحتجاجية وبتوع الحزب الوطنى بيقولوا دة دليل على الديمقراطية والحرية وانا بقولهم دة دليل على الخيبة القوية واحد بيقبض 5 مليون وشعب بيدور على قوت اليوم يارب يارب الرحمة من عندك شوية وارجع اقول لنفسى عايز اية من بلد بتستورد العلم والسبحة والمصلية نفسى حد يقدر يقولى اية الفرق بين المسئولين والحرامية؟؟؟؟؟؟؟؟؟؟؟؟؟؟؟؟؟؟؟ الشاعر عبد الحميد بدوى |
ههههههههههههههههههههه
حمد الله ع السلامه ياسبع بقى مطلع عنينا معاك علشان تقولنا اللى يحب مصر يحب البرادعى يا حمصية ماحنا بنحب بلدنا وبنحب البرادعى كمان بس ياريت تكون إنت اللى بتحبه وماتكونش حركه ثعلبيه لجذب الناس إليك وبعدين إيه موضوع نفسى أشوف -نفسى أسمع ـنفسى ألاقى- مفيش فى قاموس حضرتك نفسى أعملك- نفسى أصنعلك -أونفسى أخلصلك يلا روح--وكفاية كدا-وشكرا للجميع |
وافرض يا عم انى مبحبش البرادعى ابقى مبحبش مصر بلدى ازااااااااااااااااااااااااى نختزل البلد فى حب مبارك او البرادعى او غيره من الاشخاص :::::::::::::::::::::::::::::عجبى (المرء مخبوء تحت لسانه)...............(تكلم حتى اعرفك)++++++++++++رحماك يارب:p:mad:
|
اقتباس:
خطيرة اوى ايوه والله فى ناس على قلبها فلوس من النصب وفى ناس بتموت من الجوع والصين اللى غرقت مصر بمنتجاتها كل حاجة صينى فى البلد دى مفيش صناعة مصرية والله مفيش فرق بين المسئولين والحرامية حميها حراميها الا ما رحم ربى يسلموووووووووو على القصيدة الخطيرة خاف على حضرتك من المباحث ههههههههههههههه :p:p:p |
انا بحب مصر ومش بحب البرادعي
|
اقتباس:
|
بعض الشعوب العربية يمكن الاطلاق عليها كلمة تطلق على الفرد الذى لا راى له
و هى كلمة ( إمعة ) اى يمشى مع الموجة و لا رأى له لأن رأيه موجه من الاعلام الخاص بدولته فاعتقادى الشخصى ان اى اسم آخر ممكن اطلاقه فى الاعلام المصرى كمرشح فيقوم الشعب المصرى بالسير و راء هذا الاسم و لنقل مثلا الدكتور كمال الجنزورى فبرنامج واحد فى اى قناة اعلامية لو تحدث على امكانية ترشيح الدكتور كمال الجنزورى لسار الجميع مع الموجة البعض يؤيد و البعض يعارض...انا بحب مصر ومبحبش البرادعى يكون رئيسى ولا مبارك |
اقتباس:
رحماك يارب فعلا كلنا فى الصمت سواء لما كتبت اللى بيحب مصر يحب البرادعى ليس هنا المقصود شخص البرادعى فأنا لا اعرفة ولا يعرفنى ولكن انا هنا قصدت طلبات البرادعى لانها طلبات شعب وهل من المعقول ان الشعب المصرى هو اللى بيطلب التزوير فى الانتخابات دا لو فرضنا ان فى مصر انتخابات اصلا وباقى طلبات البرادعى معروفة وهى تعديل المادة المتفصله تفصيل وهى المادة 76 وايضا المادة 77 و88 واذا كنت مع البرادعى قراط انا مع طلبات البرادعى اربعة وعشرين ودايما اسأل نفسى سؤال البلد دى بتاعت مين؟؟؟ تعرفوا لو اتحققت طلبات البرادعى ودة طبعا يمكن ابعد من الخيال وابعد من كل الاحلام ولكن خلينا نحلموا الحلم مش حرام مصر هتبقى دولة وللمصريين كيان وساعتها مش هنبقوا فى دولة الرئيس هنبقوا فى دولة الشعب وهيبقى الشعب هو صاحب القرار تعرفوا فى جهاز المحاسبات سرقة اتنين ونص مليون فدان من ارضى الدولة للرجال الاعمال تبقى فين الدولة مصر من عشر سنين كانت بتزرع 6ونص مليون فدان دلوقتى بتزرع 4 مليون فدان يعنى اللى مسروق او اللى منهوب تقريبا او بمعنى اصح قريبا هيكونوا قد ارض مصر كلها تحية كبيرة للنظام واخيرا انا اذا كنت مع البرادعى قراط انا مع مصر اربعة وعشرين علشان ترجع مصرلازم يكون فية تغيير :p:mad:[/quote] |
هما الشباب اللى زى الورد دول واللى بيعارضوك أو بيوفقوك دول مش مصريين ولا إحنا مستوردينهم من الصين
إيدين إيه اللى مشلوله ولسان إيه اللى مقطوع وصمت إيه اللى بتتكلم عنه ياأخى إنزل بقى من برج الوهم اللى مضلمها عليك هما الشباب دول بيتكلموا فى سرهم ولاإيه؟ وبعدين هو من البطوله إنك تتثعلب على الناس (اللى يحب مصر يحب البرادعى ) ولما لقيت الهجوم عليك قطع الميه والهوى غيرت كلامك (اللى يحب مصر يحب طلبات البرادعى ) ياأستاذ هو إنت فاكرنا داقين عصافير- إرسى بقى على مبدأ وبعدين كل الشعراء بيمسحوا بلاط القصر الجمهورى ماعدا أنت؟ إيه العنجهيه والنفخه الكدابه دى كل الناس أملها التغيير لكن بطريقتنا مش بطريقة البيت الأبيض ولاإيه ياشاعرنا المقدام المبرمج؟ |
انا نفسى اعرف الشعب اختار قبل كدا محافظ ولا وزير ولا حتى بيعرفهم بيجوا منين
يبقى بالعربى شعب ملوش فى الطور ولا فى الطحين |
والله أنا مستغرب
إمتى كل واحد فينا هايعرف دوره ويقوم يصنع وينتج ؟ نفسي أعرف الأستاذ المبجل المحترم / حميد اللي شفرة الشعر عنده ما تنفكش إلا في الكلام اللي بصراحة مش قادر أستسيغه من ............ نفسي أعرف حضرتك بتشتغل إيه ؟ وبتخلص في عملك ؟ وبتشتغل بما يرضي الله ؟ يا أخي سيب معول الهدم اللي رفعه علينا وإمسك لك مسطرين وابني معانا تموت الأشخاص .... ويبقى الوطن |
|
لانملك إلا الكلام الهدام
والسلبيه كيف ومزاج السلبيه سلطنه السلبيه فى الزمان ده صبحت جدعنه وعجبى --------- |
اقتباس:
لانملك إلا الاستهزاء من أنفسنا السلبيه كيف ومزاج السلبيه سلطنه السلبيه فى الزمان ده صبحت جدعنه وعجبى --------- |
اقتباس:
عموما انا ضد مبارك والبرادعي وضد البرادهي بسبب موقفة من الماسونية والاسلام |
| جميع الأوقات بتوقيت GMT +2. الساعة الآن 11:17 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.