|
تنويه : الهندسة الوصفية
بسم الله الرحمن الرحيم أسطوانتين الوصفية لدوكتر القصاص اترفعوا على النت من كام يوم الاسطوانة عبارة عن فيديوهات جميلة جدًا و معروف دوكتر القصاص من أحسن من شرح الوصفية فى هندسة طتطا و هو عامل فيها كتاب كمان اللى عايز الروابط يبحث عنها فى جوجل لأن مش عايز انقلها تجنبًا للمشاكل و بأمانة لو المساحة كبيرة بس التنزيل يستحق المواضيع المحتواه النقطة - المستقيم - المستوى - الموضع - الاسقاط المساعد - القياس - الدائرة - الكرة - كثيرات السطوح بالتوفيق يا بشمهندسين |
الاسطوانه سمعت انها جميله بس انا مجبتهاش بس جبت الكتاب وفهمت الوصفيه يعني الدكتور احمد ربنا يباركله الصراحه يعني
دكتور ملوش حل |
أنا برده فهمت الوصفية من الكتاب و فى الترم التانى كمان
بس على فكرة الدوكتور ليه حل كل الناس عارفاه شجع الأهلى بحماس هههه الزمالكوية اللى زيى بيشتغلهم تريقة طبعًا محضرتش تريقة ال 51 سنة بالتوفيق يا بروف |
متعصب جدا للاهلي كلامه بيبقي مستفز جدا للزملكاويه
بس ياريت امتحانه في الرسم يكون سهل احسن انا سامع من الناس انه بيجيب امتحانات ملهاش ملامح |
اقتباس:
مسألة الأيزومتريك اللى شرحها فى أول محاضرتين فى أول السنة جايه إن شاء الله مسائل الوصفية من المسائل المحلولة فى كتاب الشرح مسألة القطاعات من الكتاب أما الاستيل فدمج بين مسائل الاستيل الموجودة فى الكتاب فواجب الاستي بتاع المجموعة الأولى و التانية مهم و الدوكتور اللى قايل كده بنفسه وورانا الفلاشة اللى فيها الامتحان كانت فى جيب الجاكتة بس للأسف فشلت محاولة السرقة ههههههه بس هو واضح إن مسألة العمليات هتركز على الدوائر المتماسة |
اقتباس:
بس اللي خايف منه الاستيل دا ياعم بيجيب استيل غريب وبيقعد يفتكس ويحط حاجات غريبه بس العمليات علي مااعتقد هيجيبها صعبه لانه قال في محاضره قبل كده ان من الغباء انك تكون داخل الامتحان وتضمن مساله العمليات اول ما سمعت كده عرفت نيته بس مساله الايزومترك دي انت قصدك اللي شرحها في اول السنه لما كنا بنرسم ايزومترك ولا لما كنا بنستنتج الايزومترك من المساقط يلا سلام والايموشن ده هديه مني ليك ^_^ |
طيب الكتاب مفهوش شرح تقاطع الاجسام والافراد؟
|
اقتباس:
احنا بناخد الوصفية مع الرسم الهندسى بمعدل محاضرة فى الأسبوع متوسط مدته 1.5 و سكشن كل أسبوع متوسط مدته 1.75 ساعة |
اقتباس:
وكنت عايز استاذنك اني في حاجات كتير من اللي انت بتجبها علي المنتدي هنا اني باخدها بحطها للمنتدي بتاعنا بتاع جامعه القاهره لان احنا ضايعين في الرسم وبتساعدنا جامد وجزاك الله خيرا |
علي فكره لو تقصد الافراد زي افراد اسطح جانبيه ومضلعات التقاطع وحاجات زي كده الكلام ده موجود في الكتاب انا معرفش اوي يعني ايه افراد لان منهجنا في الوصفيه لحد الاسقاط المساعد بس
|
ايوه اقصد افراد مضلعات واسطح زي اسطوانه او منشور او هرم او حاجات كده يعني
وعموما انا هدور عليهم وانزلهم واشوف هو اللي بناخده ولا لاء وشكرا يا باشمهندس |
| جميع الأوقات بتوقيت GMT +2. الساعة الآن 04:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.