|
الانتخابات كلها تزوير
وانا نايم على السرير
ومسخسخ م الحر زى الفرافير حلمت بحوش واسع وكبير وفيه ناس متجمعه وكتير وحركه وبركه ويا مشاركه وهنا ظابط وهناك غفير وناس ببدل وجرافتات تشوفه تقول عليه وزير قمت مفزوع بفرك فى عنيه وبقول اللهم اجعله خير خرجت من الأوضه للشارع لقيت ابن أخويا أمير سألته إيه اللى حصل فى البلد قللى اطمن ياعمى كله بخير النهارده انتخابات الشورى والراجل بتاعنا ماشى حرير قلت له برده ماتحاولشى لازم وحتما هيحصل تزوير قاللى إزاى والناس صحيالهم وفيه أساتذة الصحافه والتصوير وقاللى روح وهتشوف بنفسك قلت لأ - وكبر دماغك يا أمير وأنا دلوقتى هأكتب ع النت موضوع ساخن جدا وخطير وهقول إلحقونا وأغيثونا الانتخابات فى بلدنا كلها تزوير وده طبعاأبدا مش كلامى ده كلام حد تانى يعشق السلبيه ويكره الايجابيه وإليكم جميعاتحياتى وسلامى قمت بواجبك النهارده وحطيت صوتك النهارده كنت إيجابى النهارده ولا دايما ريمه بتستمتع بعادتها القديمه |
وهو دا العادي من شعب مصر !!
احنا في بلادنا أصلا مش بيخلوا حد ينتخب الا بمزاجهم انا فاكرة الحادثة اللي حصلت بسبب انتخابات زي دي يمكن فات وقت كثير علي الحادثة بس المشكلة ان اثاره في قلوب الناس والناس مش بتحب تعرض نفسها في حاجة ورافعين شعار (يعني انا اللي هغير البلد) الحادثة اللي راح ضحيتها رجل ملوش دعوة بحاجة بسبب اطلاق رصاص حي علي الناس وغير الناس اللي اتعرضت لجروح خطيرة ودخلت بيها المستشفي الله يرحمه بقي كل واحد بيقول مليش دعوة الانتخابات رايحة للحزب الوطني والاخوان المسلمين هتلاقيهم دلوقتي في السجون هم واقاربهم لنا الله |
اقتباس:
السلبية كيف ومزاج السلبية سلطنه؟!!!!!! السلبيه فى الزمان ده صارت جدعنه ؟!!!!!! السلبيه خطر مميت وأمراضه مسرطنه حفظنا الله جميعا من السلبيه والأمراض وشكرا لمرورك الرائع (تسابيح النجوم) |
دايما الحقيقه بتوجع
وريمه اتعودت ع السلبيه حتى فى المشاركه |
بارك الله فيكم
بس انا مش معايا بطاقة |
اقتباس:
وبارك الله فيكم المهم الإيجابيه وكلامك يدل عليها وهذا أول الغيث وبالتوفيق للجميع |
سلبية .. ايجابية .. الأمور بتسير رغماً عنك وعنا
ولا ايه؟ |
امان وعمار يا مصر ومصر ام الدنيا مش الكلمة دى اللى كل شوية تقولوها
شوفوا اللى حصل فى الانتخابات ضرب نار وناس عنيها راحت وحرق:040vk0::040vk0: فين النظام طيب كانت فى الحكومة بعد ما العضو يفوز مش هتلمحوا وشة تانى دى ناس داخلة عشان الفلوس والسلطة الا ما رحم ربى وانا معنديش بطاقة ولو عندى مش هوجع دماغى :p:p:p:p |
|
اقتباس:
لحد إمتى يامستر هانى؟ وربنا بيقول إسعى ياعبد وأنا أسعى معاك ولا احنا إكتفينا بدور المكسور - المظلوم - المضطهد وابعت يارب الفرج بهذا التواكل ضاعت مننا بلاد وبلاد فيارب نلحق بلدنا يا أستاذنا دى حتى الفتن وصلت للأهلى والزمالك أنا بحب أبو تريكه يبقى ماسونى وخاين واللى يحب شيكابالا يبقى ياويله مش بعيد يطلع صهيونى وهذا لم يأتى بالصدفه - لا- بيضيقوا علينا الخناق لحد مانسلم ونسلم لهم البلد على طبق من دهب - عندك بلد غيرها يامستر ؟ وشكرا مستر هانى |
اقتباس:
وهو اللى بره الحزب الوطنى لما بينجحو ا بنشوف وشهم كله بيستغل كله ياروز- وكله بيسعى لهدف واحد(كرسى مرسى) لكن أخر كلمتين مش حلوين فى حق إنسانه عنيها على المستقبل ولا إيه؟ وع العموم نورتى يا أغلى روووووووووووز |
شكرا يا أغلى أيه على المرور الكريم
|
طيب هستفيد ايه لما اعطى صوتى لمرشح
مش هنشوف منهم حاجة زى محضرتك قولت اهم حاجة الكرسى وكمان لسه هقف فى الطبور وممكن يحصل ضرب وليه كل ده ده وجع دماغ انا مصممة ولما اطلع البطاقة ان شاء الله عمرى فى حياتى افكر انى اعطى صوتى لعضو فى اى مجلس ههههههههههههه اهم حاجة الصحة ههههههههههه :p:p:p |
معادله صعبه فعلا
|
والله الواحد مستعد يروح ينتخب وكمان مش مشكله الطابور بس تضمن يا استاذ BlakBlak66
ان مفيش تزوير :(:(:( اما نزيهه ترجع ابقى اروح:):):) |
| جميع الأوقات بتوقيت GMT +2. الساعة الآن 08:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.