|
هنروح ع فين ....
باقي لنا إيه خلاص بقينا ي قلبي ايتام ... مالناش حد يسأل علينا .. ويعرف حالنا وياخد باله منا ولما نقول آه يجري بسرعة يخفف عنا ويمسح بأيديه الدموع من عيونا باقي لنا إيه؟؟ هنجري .. هنهرب .. .. هنروح ع فين خلاص مصيرنا م انهاردا اتحدد وبان .. والمكتوب علينا اصبح لينا مكان ومهما هنبعد ونهرب هيفضل مصيرنا ملزمنا والمكتوب علينا هنشوفه في كل مكان وهيكون .... زي الروح اللي ماتت وذنبها ف رقبتنا والآه .. هتفضل ي قلبي الشئ الوحيد الواضح منا آه انا مين سامعني ومين حاسس بألمي والله العذاب جوايا دمرني والقلب ضعفت دقاته والدمع كسرني والروح شبهت بيت عنكبوت من اقل شئ... سهل تتهدم أيوة انا محتاج ايد تاخدني للبر ... واشوف الدنيا بعيون مالينا قوة مش ضعف وانسي ... اللي حصلي زمان وانسي قلبي الهم وأرجعه للامان وابدأ انا ف دنيا فاتحه درعتها ليا واكون انسان حر امتي هتبقي .. دي الحقيقة امتي ؟؟ |
قصيده تعتصرها الألم والحزن
يملأ أركانها العذاب خفف الله عنك محنتك ودمت مبدعا |
nice work
thank you |
ساعات فى ناس بنكون حبنها وبنبعد عنها لان مابيكونش قدامنا حل تانى...اكيد مش بيتنسو وبنفتكرلهم الحاجات الحلوه دائما
بس ياريت مانوكنش بنفكر دائما فى الالم ونخليه يتملكنا لان الدنيا كده مش كل اللى عاوزينه بناخده ومش كل اللى بنخترهم هنكون معاهم اللى ربنا كاتبهلنا هنعيشه فبلاش الحزن ده بقى بتمنى اشوفلك مواضيع مختلفه قريب...وتطلع من الحزن اللى انت فيه فى رعاية الله |
اقتباس:
و شكرا جزيلا و ميرسي كتير ع دعاءك سعدت جدا بوجود حضرتك دومتي فـ رعايه الله وامانه |
اقتباس:
ميرسي جدا ي فندم ع زوقك و شكرا جزيلا سعدت جدا بوجود حضرتك دومتي فـ رعايه الله وامانه |
اقتباس:
كلام حضرتك فعلا حقيقي بس حكايه التفكير فـ الالم دايما واني اخدته دوله لي دا راجع لـ قيمة الحب اللي جوايا للانسان وفعلا مش كل اللى بنخترهم هنكون معاهم بس عشان السبب دا اخترت الحزن دوله لي لابقي حبي اسير لشخص واحد دائما تتمني موضوع مختلف ودائما .. اعتذر ... لان الحزن لا مخرج له الا الموت أرجو التقبل نورتيني حقيقي ميرسي جدا ع زوقك و شكرا جزيلا |
اقتباس:
شوف لو انت حبيت حد وهو حبك لكن الظروف بعدتكو عن بعض فده مش معناه انك تبقى حزين طول العمر بس الصعب ان الحد ده يجرحك وتسيبو بعض فى الحاله دى اكيد هتتعب فتره قصيره او طويله لكن فى الاخر لازم تطلع من الحاله دى ومره تانيه بقول مافيش حد بيختار ان الحزن تكون دولته |
اجمل حاجة فى كلامك انك بتكون حسه بجد وبيكون من قلبك
اصعب حاجة لما يكون مافيش حد نشكيله واما يكون الانسان الوحيد اللى كان بيخفف المنا هو نفسه اللى يجرحنا وبدل ماكان بيمسح دموعنا اصبح المتسبب فيها.............................. عموما ربنا يوفقك فى اللى بتتمناه |
لأزم تكون على يقين إنك " أهم حد بالنسبة لنفسك " فلما تفرح ما تستناش حد يقولك مبروك قولها لنفسك وأنت متأكد إنك تستحق الفرح والنجاح دا ولما تحزن ما تستناش حد يمسح دمعتك وما تتعودش على الشكوى أمسح دموعك بنفسك مش هتلاقى حد أحن عليك من نفسك دلوقتى الزمن الى عايشين فيه مافيش حد فاضى لحد هتيجى تشكلى لأنسان هتلقيه مليان هموم حتى لو تغاضى عن همه هيبقى كل الى بيعمله هى نظرات العطف والأسف وكلمات مواساة ممكن أوى تزود همك أكتر من تخففه أجمل شىء تعمله هو إنك تبتسم حتى لو من جواك مجروح ديما ابتسم تكرار الشىء بيجعله يبقى عادة وحقيقى ما فيش إنسان على وجه الأرض يستاهل إنه يقلب حياة إنسان تانى لدولة حزن مليانة بالدموع والندم ربنا يخفف عنك ألمك ويخرجك من الى أنت فيه تقبل مرورى Evermore Smile:) |
اقتباس:
عذرا هختصر الكلام وهاخد اخر جملة " ومره تانيه بقول مافيش حد بيختار ان الحزن تكون دولته " بس انا اخترت الحزن شخصية لي وبالفعل اصبح الحزن مثل الدم بداخلي ......... الحزن مش حاجه وحشه عشان نخاف منها الحزن من وجهة نظري اعظم من الحب لانه الشئ الوحيد اللي بيقدر يحسسك بنفسك دائما وبيعرفك انك أد ايه ناسي مشاعر جواك او متجاهلها عامة ... انا سعيد جدا ع اهتمامك بكلمات ليس لها اهمية غير لي شكرا جزيلا نورتيني |
اقتباس:
ميرسي جدا ي فندم ع زوقك و شكرا جزيلا و أكيد صعب جدا لما الانسان اللي لقينا رحتنا معاه فجأة يختفي ... ويغيب عنا ...بدون عنوان ...... سعدت جدا بوجود حضرتك دومتي فـ رعايه الله وامانه |
اقتباس:
حقيقي كلمات جعلتني افكر ولكني ف النهاية لم اجد غير ان الحزن هو الدولة الباقية لي ...عن سواه شكرا جزيلا ي فندم ع هذه النصائح ميرسي جدا لكن صعب ابتسم وانا من جواي منتهي سعدت جدا بتواجدك ويارب اكون عند حسن الظن شكرا |
| جميع الأوقات بتوقيت GMT +2. الساعة الآن 07:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.