|
محتاج لحضنك
بحبك ومحتاج لحضنك ضميني ودفيني
بحبك محتاج حنانك وقسوتك بترميني بحبك ومش عارف أنسى ليه بتنسيني؟ بحبك والله بحبك وأنتى بس فينك وفيني عايش فى حضنك غريب و فين حضن الأم؟ ضاع قدامك حقى بين الدول وولاد العم ولادك يا أمى اتشردوا وبيمصوا مننا الدم دموعنا نشفت ياأمي وكتر علينا الهم زمان الوبا أخد هنادى يا مة فى دعاء الكروان دلوقت الغلا بياخدنا يامة والنوم علينا سلطان خيرك مابقاش لينا ياغالية سرقوه ولاد الجان وحتى لقمتك يامة بقت كيميا وكمان سرطان ابنك يا محروسة بين الأمم عايش كسير ابنك يا أم الدول جريح وقتيل يا إما أسير ابنك يا أم الدنيا ظهره اتكسر وعايش فقير ابنك يا أم البشر بيصرخ ومش لاقى مجير اصحى يا أمى ونادى ولادك حيرجعوا مسرعين حيسمعوا كلامك يا أغلى أم ووطن وأغلى طين بس اصحى يامة من نومتك يا قاهرة الصليبيين فكريهم يامة بأحمس ومينا و أيام صلاح الدين بحبك ومحتاج لحضنك ضميني ودفيني بحبك محتاج حنانك وقسوتك بترميني بحبك ومش عارف أنسى ليه بتنسيني؟ بحبك والله بحبك وأنتى بس فينك وفيني |
الله عليك
تسلم إيديك وعنيك ويبارك المولى فى كل ماليك مادام نحب بلدنا كل صعب راح يهون والأمل فى الله تبتسم تانى العيون هو العالم بينا وسر قدرته كن فيكون والامل فينا وبينا ولانقبل أبدا يتفرض علينا شكرا ياأستاذ أحمد والله ينور عليك |
اقتباس:
شكرا أستاذنا العزيز لمرورك الكريم وتشجعيك المتواصل |
روعة روعة تسلم أناملك
|
اقتباس:
شكرا ماجى لمرورك الجميل |
جملية جدااااااااا
اتمنى المزيد من القصائد الحلوه دى :bosyht9::bosyht9: |
شكرا رووووووووووووووووووز
على كلامك الحلو وتشجعيك |
الله ع الجمال
المنتدي كله شعراء ربنا يحفظ الجميع بس اظن ان الام مش هي اللي تصحي مفروض الأولاد هم اللي يفوقوا عشان يقدروا يدافعوا عن امهم شكراا لحضرتك |
حضرتك ماتعرفش الكلام دة اثر فيا قد ايه
الله ينور عليك بجد الكلام اللى بيطلع من القلب بيدخل القلب علطول دائما متالق والى الامام حفظك الله لمصرنا الحبيبة |
اقتباس:
كلامك كله صح بس للأسف الأم بطلت تدافع عن ولادها شوفى كام مسجون فى السعودية وكام قتيل فى لبنان وكام جريح فى الكويت وعملنا لهم ايه؟؟؟؟؟؟؟؟؟؟؟؟؟؟؟؟؟؟ الأم بقت قاسية بالضرائب والأسعار والمرتبات الأم خيرها لعدد معين مش لكل ولادها فهمتى قصدى أتمنى |
اقتباس:
شكرا ليكى مصرية وتقبلينى صديق وأخ |
شكررررررا لك على الموضوع كلمات جميله عبر عنها احساس اجمل |
غاية الإحساس والقوة
حقا انها لمشاعر صادقه نتشوق جديدك. |
كلام جميل جدا ي فندم يسلم احساسك الرائع لكن .. هل هذا ابداع قلمك ام موضوع منقول شكرا جزيلا |
اقتباس:
|
| جميع الأوقات بتوقيت GMT +2. الساعة الآن 09:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.