|
عيب عليك....تعمل كدة في بنات الناس
عيب عليك....تعمل كدة في بنات الناس طب ترضى على أختك كده.......... كلام أتقال وسمعناه كتير.......... ونكتشف ان ناس كتير بترضى.......... بس أنت مقصر في حق أختك إذا كان ليك أصلاً أخت.......... ما في ناس بتقول ما أنا ماليش أخوات بنات... يا سيدي أختك في الإسلام يا سيدي أختك في الله يا سيدي أي إنسانة أو أي بني آدمه مقصر في حق أختك لانك مش بتيديلها الأهتمام والحب والحنان وده اللي هي بتدور عليه برة....... ومش بنبرر للبنات أنها عشان مش لاقيه الحب جوه البيت تدور عليه براه.......... ودي مسؤولية كل أب وكل أم.........تربية وحب وأحتواء بعض الشباب اللي فاكر أنه لما يبقى معاه على موبيله أكثر من بنت هو كدة بطل....... فاكر انه لما يمشي مع دي ودي ودي يبقى بطل......... والمصيبة ان بعض الشباب البطولة الحقيقية بالنسباله انه يتنطط على أصحابه بانه مقطع السمكة وديلها.......... وفاكر الموضوع هيعدي مع ربنا كده........ لأ يا أخويا يا صاحبي يا بوب........ داين تدان موبيلات ومعاكسات وخروجات و و و و دي طرق البنت بتيجي بيها.......... مش أي بنت طبعاً ... أنواع معينة من البنات...........عندها قصور في التربية بنسبة أكثر من 80 % وفي بنات عندها فضول فبتقبل تتعرف على الشاب الفلاني سواء في الشارع أو النت أو من على الموبيل عرفت دي ودي دي ... وسيبت واحدة منهم مش تتقي ربنا بقى في اللي باقي والتانية والثالثة وتسيبهم في حالهم... لأ أنت بتدور على واحدة بدالها............. وكمان اللي انت سبتها بتزقها على صاحبك وبتديله رقمها هو يعيش حياته وكانها حق مكتسب في ايديك وبتوزعها على أي حد من أصحابك في إيه؟؟ القصور موجود في البيت وفي كل أب وفي كل أخ وفي كل شاب مش بنتقي ربنا في بنات الناس هتترد هتترد داين تدان فيك .. في أختك .. في مراتك .. فى بنتك .. للبنات........انتي غالية ماتسمحيش لحد يدخل م الشباك وافتكري انك غالية واللي عايزك يجي يدق الباب ومن الباب يدخل للشباب..........اتقي ربنا في بنات الناس وفي أختك ..........حب اختك واديها اللي ناقصاه.............. وده دور الأب والأم............................ وربنا يحمي كل الشباب والبنات من الوقوع في الغلط يارب وتقبلوا أرق أمنياتى محمد فرج |
آها موضوع خطير فعلا
ياريت الشباب اللى بيعملوا كدا دول يروحوا يعملو ا حاجة مفيدة تنفعهم و تنفع اهلهم و دينهم و وطنهم و البنات بردو مش هنقول المسؤلية كلها على الشباب لان البنات هما اللى بيدوهم الفرصة انهم يمشوا معاهم وكدا يلا ربنا يصلح حال الجميع جزاك الله خيرا |
جزاكم الله خيرا
رائعة نفسي افهم ليه الشباب بيتباهو ويفرحو بكده انا اعرف دي وبكلم دى ومصاحب دي وبشتغل دي والبنات برده بتقول ده مين جرى ورايا ؟؟ ومين فضلت اسبوعين يعاكسنى ؟؟ ومين ؟؟ ومين ؟؟ الكل مهيمن بيا في ايه ؟؟؟؟ هو احنا لسه مسلمين :mad::mad::mad: هل دي فعلا حاجة تشرف ويحقلهم يتفاخروا ؟؟ الله اعلم :frown::frown: |
في ايه ؟؟؟؟
هو احنا لسه مسلمين :mad::mad::mad: الله اعلم |
اقتباس:
اولا اشكرك جداااااااااااا على مرور حضرتك الكريم ثانيا وجزاكى مثله يارب العالمين |
جميل موضوع حضرتك
جزاك الله خيرا وربنا يهدى شباب المسلمين |
اقسم بالله انا هاين عليا اطبع الموضوع دا
واوزعه ع شباب العالم كله وانشر الموضوع دا ف كل منتدي ادخله كلام حضرتك قاسى اوي وصحيح مليون ف الميه لان الحقيقه دي قليل خالص اللي يعرفها مش هقول انا عرفتها بإجتهادي لا والدي ووالدتي قالوهالي ان الشباب كلتها الزمن دا مفكرين والمصيبة ان بعض الشباب البطولة الحقيقية بالنسباله انه يتنطط على أصحابه بانه مقطع السمكة وديلها.......... وفاكر الموضوع هيعدي مع ربنا كده........ والله مش بعض الشباب (معظم الشباب) ربنا يهدينا يارب اللهم إهدنا وتوب علينا وإرحمنا فإن رحمتك وسعت كل شي |
بجد يامستر الموضوع جميل
بس فى شوية تلمحات اتمنى انكوا تخدوها منى اولا انا بنت شبه اى بنت عايشه حياتها بس فى حاجه اسمها حدود شوفى انتى لو عملتى حاجه غلط يبقا بتخونى نفسك قبل ماتكونى بتخونى حد تانى بتخونى اهلك الى وثقوا فيكى واحترموكى اتقى الله وبقول للولد شوف بقا حرام تغدر بالبنت البنت دى اختك وامك وبعد كدا هتكون بنتك اكيد هتحافظ عليهم واخيرا يامستر معلش انه جه اخر تعليق انا بجد عجبنى موضوعك جدا لان فى ناس كتير مش بتتقى الله فى نفسها ولا فى الناس الى حواليها |
فعلا كلام جميل بس ده بيبقى ناتج فعلا من تقصير الاب والام وان فى مسافه كبيرة جدا بين البنت وامها يعنى البنت لازم تكون مصاحبه والدتها لازم وبالذات فى سن المراهقة والاعجاب والحب ده شىء وارد فى سننا عشان كده لازم البنت تحكى لامها على كل اللى جواها لانها هتحتويها وترشدها وتوجها بدل ما مثلا تحكى لاصحابها او قرايبها فأنا مش بنكر ان الحب غلط وخصوصا فى السن ده لكن دى فطرة ربنا سبحانه وتعالى اوجدها فينا وخاصة فى السن ده فلازم نتحكم فيها ونربط زمام الامور عشان ما يؤديش للغلط اما الشباب فبعضهم للاسف الغلط مش عليهم الغلط على البنت اللى سمحت بده وده طبعا نتيجه للتقصير والكسور فى علاقتها بأبوها وامها انا اسفه انى طولت اوووووووووى بس انا بحكى كده لانى الحمد لله ربنا رزقنى بأم هى صحبتى وكل اهلى ودى نعمة بشكر ربنا عليها بجد وميرسى يا مستر على الموضوع الشيق ده بجد
|
موضوع متميز ومجهود جميل
جزاك الله خيراً لازم فعلا الواحد يعتبر نفسه أمانة لأن العصر ده عصر فتن الصح باه غلط والعكس صحيح ربنا يهدي الجميع ويلطف بعباده ومشكور مرة تانية ع الموضوع الرائع |
| جميع الأوقات بتوقيت GMT +2. الساعة الآن 05:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.