الشهر مقسوم نصين نص ميه ونص طين
 

معلشى ياأخوانى أصل أنا م الريف الجوانى
اللى كل الجديد فيه قطر وصفارته سورانى
وكل المسئولين اللى أعرفهم العمده والغفير حمدانى
أصله قريبنا قوى وواسطته وجمايله مغرقانى
أه ياغلبى وأأأأ أه يانى :d

الحضاره كانت هنا من زمان لكنها رحلت مع اللى كان
بس تركت فى قلوبنا إنسان يصلح لكل وقت وكل أوان
يصبر ويتحمل الهوان علشان يحافظ على أمن الأوطان
وإن قلت كده ياناس تلاقى كل خلق الله مخصمانى
والإهانه تنزل عليا زى التهانى :angry2:

الشهر عندى مقسوم نصين نص ميه ونغنغه ونص فقر وطين
نص عدس نص فول ياموحدين وان دخلت اللحمه نبقى مبذرين
وكل اللى حيلتى مرتب وظيفتى وتلات أولاد محروسين م العين
إتربوا على حمد ربنا وكل أحلامهم مؤجله وصارت أمانى
ويعنى للغلابه هيكون إيه تانى ;)

اللى على قلبى دايماعلى لسانى وده طبع ومفيش عندى تانى
واللى يزعل ياعم يزعل مادام رب العرش فى قلبى ووجدانى
واللى ينصحنى يوفر نصايحه لنفسه لأنى كدا أنا بفكر إنسانى
لابجيد النفاق ولا الرياق ولابرسم حياتى بفيلم وأغانى
ولافكرى ليبرالى ولاحتى إخوانى :)

اتعودت أحترم وأقدركل الناس وأكن لهم كل الموده والإخلاص
وأكره قوى اللى يغدر بينا ويكون رفيقه أشر الناس والوسواس
واحنا فى زمن العجب وكل شىء انقلب والحب بح خلص خلاص
كل واحد بيقول يلا نفسى وعفوا معظمنا صبح أنانى
والوطن لو راح هنجيبه منين تانى :bosyht9:

خلى الصراحه تنفعك

اكيد طبعا الصراحه هتنفعك
بس ايه الكلام الجميل ده تسلم ايدك
شكرررررررررررا يا أستاذنا على الموضوع

يااااه داحنا فعلا مساكين ::::::::::احمد ربنا انك بتلاقى العدس والفول
غيرك مش لاقى حتى الفتات والله يرحمنا برحمته ويشل يد كل مسئول
يمنع المساكين قوتهم ويقتل طموحهم وشبابهم ويغتال احلامهم
وبسبب غلبهم وهما فى ريعان شبابهم اصبحوا كهــــــــــــول

فيه مقوله إتعلمناها واحنا صغيرين
(الصراحه راحه والأرزاق على الله )
(وعندى شعور كدا أن الكلام ده لناس أعرفها):d
وع العموم شكرا لحد ماتأكد:stickjo4:

أعتذر ما عادتش لاقى كلام
مش عارف أقول لك إيه
ع العموم خللى البساط أحمدى
وتقبلى تحياتى وتقديرى
وياااااااااااااااااااااااااااااااااارب يوفقك دايما:022yb4::d

زمان كانت والدتى بتعمل حلة العدس تكفينا إحنا والجيران - والجيران كذلك بيردوها حاجه تانيه فى يوم تانى وكان العدس مركز
إنما دلوقتى إحنا بنطبخ عينات الربع عدس والباقى شوربه
كان المفروض أكتب شوربة عدس علشان واضح إن العدس بقى أكل المرفهين- ماعادوش سايبين لنا حاجه
يلا ربنا يسترها معانا جميعا
وشكرا لك أستاذ إبراهيم وبارك الله فيك:078111rg3:

وبارك الله فيك ياأستاذ طارق
وشكرا لمرووووووورك الكريم

والله حضرتك عندك حق
بس بردا دى مصر يعنى اكل العدس مع الحبيب اجمل من اكل الذبيب
هههههههه
موضوع تحفة بارك الله فيك
تقبل مرورى
مصرية

العدس كمان هيخدوه ولاد الإيه من الغلابه:d
ياريت نرجع لأيام (الحميض والرجله والسلق والفريك والسريس والجعضيض والكرات والمش وفطير الدرة )
ياريت تحاولى تترجمى المصطلحات دى ومش هتلاقيها فى كتاب أبله نظيره:d
بس كانت مخلي أهالينا بنى أدمين صح - صحه ومعامله وشهامه لأنها كانت طبيعيه ومفيهاش هرمونات ضاره
وشكرا يا أغلى مصريه :078111rg3::078111rg3:

ممكن اعرف حضرتك منين اصل انا من الارياف انا من المنيا
ممكن نكون جيران
على فكرة انا عارفة كل الحجات اللى حضرتك قولتها ولسة باكل منها كمان

يابختك يامصرية
لسه الحاجات دى عندكم ؟
إحنا عندنا الحاجات دى بس المشكله فى اللى هيعمل
كان يسعدنى أكون من المنيا لكن أنا من الغربيه
ومدام الميه واحده والروح المصرية واحدة
دى كفايه
وشكرا لك يا أغلى وأجمل وأطيب مصريه

احسن واجدع ناس ناس الغربية
ومدام انا مصرية وحضرتك مصرى دا كفاية اننا نبقى اخوات مش بس جيران
اتشرفت بمعرفة حضرتك

موضوع جميل جدا

تقبل مروري


http://i75.servimg.com/u/f75/12/45/24/80/7fd21c11.gif