|
زهقت قرفت تعبت
زهقت قرفت تعبت
أعيش عمرى كدا زى الجدران مجرد جدار لمليون بستان وكام واحد عايشين فى أمان والباقى فى الغلب والحرمان تزينوه بهواكم وتشوهوه بهواكم و تهدموه وقت الطوفان زهقت قرفت تعبت -أعيش مجرد ستار للكبار وبلاعنوان زهقت قرفت تعبت رب الكون خلق لى لسان زيكم وفصيح والمطلوب منى دايما تمثيل دور الجريح تمثال للغلب والهم وسط بيوت م الصفيح مقطعه هدومه وكمان أعمىأخرس كسيح ويوم فى السنه لاغير أنا الشعب أناالكبير وباقى السنه ورقه فاضيه فى مهب الريح زهقت قرفت تعبت أكون تمثال الحريه على باب القصر الجمهورى يتغنى بيه الكل والكل بيتقرب منىويغازل عيونى مجرد إعلان يصدر كام بيان وكأنى مش إنسان ولما يوصل المذكور لمبتغاه فى المجهول يرمونى زهقت قرفت تعبت من استغلالى لتثبيت السلطان زهقت قرفت تعبت إنى أكون شعله لفتن الشيطان زهقت قرفت تعبت من أنى أعيش كدا بلا عنوان ياعالم ياخلق أنا المصرى رغم أنفكم أعظم إنسان نفسى أكون أنا صاحب كلمتى وأبنى بعرقى دولتى زهقت من الباشا والبيه اللى دايما بيخطف لقمتى قرفت من الدكاتره فى شخص واحدوبيرشدخطوتى تعبت من تعبى اللى تعب قلبى وراعبنى فى خلوتى ونخبه راحت ونخبه جايه وقرود بتتنطط وتشكك فى زمتى وأنا اللى بحب البلدى وياويله فى اللى هيهمل قوتى إهداء إلى كل مصرى حقيقى اتعلم فى مدارسها ويعتز بعاداتها وتقاليدها ويتصدى لأى إنسا ن يسىء لمشاعرهاوتاريخها وأنا واحد من الشعب وبتكلم باسم الشعب |
اولا كل واحد يتكلم باسم نفسه ياعم بلاك وانت اللى علمتنا كده..صح ولا انا غلطان..
وعلى راى محجوب عبد الدايم فى فيلم القاهرة30 (0ياقناطر يابلدنا اختشى عيب ووزعى خيرك بين ولادك بالعدل محمود ابن ستيته العجانة درجه اولى قطر ومحجوب ابن عبد الدايم مكانه فى الترسو..طظظ ) وعمار يابيه |
هيا بلدنا كده .. دايما وقفه مع ابن ستيته العجانة..ويجعله عامر
|
معنى كدا ياأستاذ نا إنك مش موافق على كل كلامى عن عامة المصريين
وحضرتك أكيد بتناصر نخبه من الاتنين اللى فى البلد مبرطعين ومنعمين إذا كان عز واكلها والعه يعنى البرادعى ونور وحمدين يا عينى مساكين حكمه واسمتعها زمان إذا جه المال لازم وحتما تيجى القصور والبساتين ومفيش قصور فى مصر على مقاسهم غير قصور الرئاســــه والسلاطين ونطلع من مطب ننزل فى نفق والنخبه هى النخبه والتغيير عشره أوعشرين وإذا كنت سمحت لنفسى اتكلم باسم كل مصرى ده من حقى فيهم أهـل ودين ولا هتجردنى من حقى دا كمان علشان توصلوا لهدف فى نفوســـكم دفين وإذا كنت أنا ابن عبد الدايم طيب ابن ستيته فى نظر حضرتك هيكون مين وشكرا على كل حال لكن عمرى ما هكون وحيد وحواليه ملايين المصريين وشكرا على مرورك الغريب والعجيب والذى لم أتعوده من حضرتك ;) |
فى تعليق قريته فى جريده عاجبنى أوى
احنا اللى بيضنا الأرنب بالفهلوة وحلبنا التور احنا اللى كعبلنا النملة وجبنا لبن العصفور احنا اللى عشان رغيف ناكله واقفين فى طابور احنا اللى نص مرتبنا رايح فى فاتورة مية ونور احنا اللى أ كلنا الفول ابو سوس فى طبق بنور احنا اللى عاوزينا نهاجر م الدنيا نبعد ونغور احنا اللى اعضاء مجاليسنا جايين بالزور احنا اللى ييجى يقول حقى فى القسم يتشد على خابور احنا اللى يغلط فينا يقول: انا يابيه عبد المأمور احنا اللى فى كل حياتنا متعلقين فى سواقى بتدور احنا اللى دهنا الهوا دوكو وخرمنا القرش بلا شنيور احنا اللى طلعنا من المية وجننا عروس البحور احنا اللى رجعناها حلوة جميلة العجوز ام منخور احنا اللى ريسنا حبيبنا راجل جدع مش عايش الدور احنا اللى كل مايتكلم يقولنا :كتر عددكم وانا معذور احنا اللى 30 سنة فى طوارئ وعشان جمالنا جه الدستور احنا اللى كاتمين على صوتنا داخل بلدنا وبرة السور احنا اللى لازم نتحرك ونطالب برجوع الحق المهدور |
إحنا الشعب يا أيه ولا احنا احنا اللى ربنا يجعل كلامنا خفيف عليهم
هى جامعات مصر اللى مليانه بأساتذه ودكاتره معتدلين -- جفت فى نظرنا هى مؤسسات مصر العلميه والصحيه والثقافيه --- خلاص هاجروا ليه مفروض علينا نعدل نخبه فاسده بنخبه أخرى الله أعلم بيها ليه دائما الشعب كبير بس لحد مايوصلهم للحكم وبعد كدا يندبح ليه فيه ناس مننا تقبل تعيش زى القرود وتتنطط على أكتاف الناس علشان تقدم السلطه على طبق من فضه لأسياده وهو يعلم جيدا أن معظمهم من مخلفات النظام الحالى ولو شاور لهم بصباعه الصغير هيترموا فى أحضانه زى ما حصل فى الحركات السابقه ليه وليه اللى بيقول الحق يبقى مغيب - يمكن يكون ده شعار المستقبل ربنا يلطف بينا وبعدين لما البلد مفيهاش حريه -- طيب إزاى إتنشر كلام خطير زى ده دول ناس بيدعوا البطوله ليصلوا إلى مبتغاهم وبرده على أكتافنا صدقونى مفيش حد هيخسر غيرنا فى كل اللعبه دى وشكرا ياأيه |
شكرررررررا لحضرتك على الموضوع
بس أنت طبعا عارفنى ...أنا لا مع ده ولا ضد ده بس أنا ضمن دول :confused::confused: فسر بقى يا أستاذنا مين ده وده ومين دول ههههههههه:):) |
يعنى من المــلايين اللى شاربين المــــر وساكتين
ولا بيراضوا ده و ده ولا بصراع السلطه مشغولين لكن مصـــــر بالنسبه لهم أصل وفصل وأهـل ودين وشكرا يا أيه |
اقتباس:
طيب حضرتك زهقت وقرفت وتعبت ليه ما البلد حلوه وزى الفل مش حضرتك بتقول كده مش دى ام الدنيا هو فى حد بيزهق من امه ويقرف منها ودى بلد الامن والامان طيب فين الدليل على كده وكام واحد عايشين فى أمان والباقى فى الغلب والحرمان انا قبل كده كتبت تعليق يدل على ان فى ناس كتير مش بتاكل ومش عارفة تعالج اولادها حضرتك قلت هو عشان واحد مش عارف يعالج ابنة يبقى نلغى تاريخ البلد انا مش بلغى تاريخ البلد انا بقول اللى انا بشوفة مش انا بس كلنا عشان دى الحقيقة والواقع شكرااااااااا جدااااااااا لحضرتك |
سؤال : وذنب البلد وتاريخها إيه فى كل اللى بيحصل؟
خللى واحد جزايرى يطلع كدا ويقول مصر مش أم الدنيا وشوفى رد الناس عليه وبقولها للمره المليون أنا لست مع أحد ضد أحد لكنى مع البلد وأظن ده من حقى و هاتى لى مشاركه فيها شكر للحكومه أو تأييد للنخبه زى ماهو واضح عيانا بيانا من الأخرين الصوره كانت مقلوبه ياريت تكونى عدلتيها وفين الكلام اللى بيدل على إنى زهقت من البلدهو أنا لى غيرها وبلاش تبقى زى الناس اللى عايزين الكرسى مع مسح الماضى نهدمها وبعد كدا نبنيها على هوانا وتبقى أمريكا جديده بلا ماضى شكرا يارووووز |
الكلام الكلام بياعين الكلام فقط وساقول
" والشعراء يتبعهم الغاوون الا ترى انهم فى كل واد يهيمون " الكلمه الصادقه لا تتغير مهما اختلف الزمان او المكان اما الكذب والخداع له الوان ويتلون كالحرباء حسب المكان والزمان عجبت لك يازمان:av4056bb7jp3: |
وسام على صدرى من إنسان مثقف ومتحضروبرادعى وصاحب مبادىء-- وإذا كان مزعلك كلامى عن مصر ماتزعلشى
تحيا أمريكا وشعب أمريكا وأفكار أمريكا وزبانية أمريكا مش عيب لو خدت الشعر ده إذاكان يرتقى لهذه المنزله وتديها لواحد كبير هيقولك الراجل ده بيتكلم عن شعب مصر اللى أصبح سلعه فى إيد النخبه اللى بتناصر جماعه منهم لامبار ك ونختبه ولابرادعى وشلته وشكراوبلاش تستخدم دستورنا المجيد فى وصف إنسان قد يكون عند الله أفضل منك |
احب اضيف حاجة من لوحة مفاتيح كمبيوتر بيتنا على الموضوع الجميل ده
احنا اللى دهنا الهوا دوكو:078111rg3: |
شكرا -- نورتى المحكمه
|
نكتفى بهذا القدر وشكرا للجميع
|
| جميع الأوقات بتوقيت GMT +2. الساعة الآن 08:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.