السلام عليكم
مسئلتوش نفسكم انا ليه بكتب دايما عن الفراق

تعرفو ليه علشان ما فيش قصة حب سمعت عنها نجحت

تعرفو انا دلوقتى ضد مبدأ الحب نهائيا

ما من حب الا وضاعت فية الكرامة

طبعا كل الى بيحب بيقول الحب ما هو الا تضحية تقدرو تقولولى ايه هى التضحية من وجه نظركم
انا سألت السؤال كان

لو حاولتى تضحى ممكن تضحى بحاجة زى ايه ممكن تضحى بكرامتك

الرد كان اضحى بعمرى ما فيش حاجة اسمها كرامة فى الحب طيب والانسان ممكن يعيش فى الدنيا من غير كامة

لا اعتقد ذلك والى يفقد كرامته مرة يفقدها دائما

واوعدكم ان شاء الله هكتب

وهسأل اسئلة كثيرة اسألة بدون اجوبة

تعرفو لية هسبكم انتو الى تردو عليها لكى اعرف وجه نظر كل شخص منكم ووجه وبعد كده نحدد انى يو جد حب ام لا يوجد حب

المرةو الى جاية هكمل كلامى
السلام عليكم



كان حب غالى
والله كان حب
كان حب غالى حبيته ليك
كان قلبى خالى مليتو بيك
واتاريك خاين بطبعك
والقسوة ساكنه قلبك
بعد العشرة الجميلة
على غلطة واحدة
اهون عليك
كان حب غالى حبيته ليك
دى عشرتنا دامت
مش يوم وليلة
اللحظة كانت سنين طويلة
دبت فى هواك
وجريت وراك
ولا كان فى بالى
اهون عليك
كان حب غالى حبيتة ليك
حاولت يوم أكرهك
لقيت كيانى بيعشقك
سا محنى وارحم حبى ليك
وانسى انى كنت فى سكتك
زى الى قبلى
أكيد كتير
وصلتهم نفس المصير
كدا زى حالى
كان حب غالى حبيتة ليك

على فكرة يا جماعة انا لسه هكملها لان لسه فى حجات كتير ناقصة ياعنى ان شاء الله اكملها وتعجبكم

اهههههههه
اه اه اه اه
يعيني على الكلام بس برده في قصص حب نجحت بالفعل

طبعا الحب موجود
وممكن تسالى وليد

مين وليد الى أسألة على الحب يا ابنى فوقو بقة

لا يوجد حب فى هذا الزمان

حب ايه الى انت بتتكلم عنه بدعيلك انك تجرب علشان تقتنع

باسى انا وراكو لحد متقتنعو انى مفيش حب اسألو مجرب

وشكرا على مروركم

<div align="center">بص ياكابتن نور
هو انتا تلقيك وخدلك لسه صدمة خفيفة متقلقش كله فى ايدينا
أنتا بس امشى على الدواء ومتكلش سمك ولا بيض وإن شاء الله هتكون كويس
بس اسمع كلامى انتا
وهنا استشهد بمقولة الفنان الكبير (اللمبى ) حب ايه الا انتا جاااااااااااى تقول عليه
وشكراااااااااااااا :D </div>

شكرا على النصيحة وبعدين نور دى بنت وليست ولد وكمان فى اسئلة هطرحها عليكم وبعد كده نقدر نحدد ان كان

فى حب بالفعل ولا ملحوظة انا اثق انى فى حب باسى انا اقصد حب بمعنى اخر اصل الحب يختلف

بصي يانور الكرامة أساس الحب وحب من غير كرامة يبقى مش حب وبعدين الحب الصح هو اللي يكون نهايته الزواج يعني لازم الطرفين الله بيحبوا يكونوا مقتنعين إنه نهايته الزواج يعني مش لعب عيال وحب يكون مافهوش مخالفة للدين
بس أنا متأكد إن في حب زي مانتي بتحبي والدك ووالدتك وإخواتك وزوجك في المستقبل أنا رأيي توفير الحب للزواج يعني هقولك حاجة أنا أغنية بعدت كتير اللي كتبتها بتجسد قصتي كنت مرتبط بواحدة وأنا جرحتها وسبتها بسبب بسيط طلبت منها تلبس الخمار وماوافقتش وبصراحة كانت حجة عشان أسيبها وبعد ماسبتها وفي أول يوم تلبس فيه الخمار ماتت بعديها بكام شهر يعني ماتتخيليش تانيب الضمير اللي انا فيه عذاب بجد الكلام ده من فترة كبيرة ولكن أنا دلوقتي بحب واحدة وهي بتحبني ولكن متفقين مانفتحش الموضوع ده أبداً غير لما نخلص دراسة وأروح اتقدملها وفي البيت عندي عارفين يبقى ملخص الكلام إن فيه حب ولكن لازم يكون قائم على أسس من الإحترام المتبادل وإتباع أوامر الدين بجد لإن ناس كتير من اللي عايشين قصص حب بيغفلوا عن الحتة دي وبيقعوا في ذنوب كتيرة من غير ماياخدوا بالهم
أخيراً إياكي وتعميم تجربة شخصية على الموضوع بصفة عامة لإن كده فيه فقدان للمصداقية والحيادية وبصي للدنيا بعين المتفائل هتلاقيها حلوة أوي
أنا آسف طولت عليكي :) :) :) :) :)

اشكرك اخى على الكلام الجميل

باسى مش انا لوحدى الى مجروحة معظم الناس مجروحين باسى للاسف الجرح لما بيجى من اقرب حبيب ليك بيبقى صعب اوى

وللاسف انا عملت كل النصايح الى حضرتك قلت عليها كنت بسامح كنت بضحى وكنت بعمل كل حاجة تتخيلها

وفجأه يخون اخلاصى وحبى وبعد ده كلة فاكرنى هقدر اسامحة هى فعلا كانت غلط

والحمد لله انى الغلطة انتهت لحد كدة

اشكرك اخى للمرة الثانية على مرورك

السلام عليكم ورحمة الله وبركاته
انا معاك يا نور مفيش حب
دى حقيقة.
كلمة بحبك د ى حد يقدر يقولى معناها ايه؟
عادى انا مش بتفرق معايا لانها اتقالتى كتير بس بحس ان ممكن طفل صغير يقولهالك
بقت كلمة سهلة قوى.
عشان كده بقول مفيش حب

اسمحوا لي أعترض على النظرة التشاؤمية دي ياجماعة زي مافيه وحش فيه حلو وتفائلوا :) :)

جميله كلماتك اوى وانتى عارفه رايى
اما عن سؤالك فالحب موجود بس اللى يقدر

بيتهيئلك الكلمة موجودة لكن المعنى فقد