الامتحانات المحترمه شماعه يعلق عليها بعض الطلبه اهمالهم
 

نظرا لان امتحانات هذا العام ولاول مره تكون امتحانات محترمه اتخذها بعض الطلاب شماعه يعلقون عليها اهمالهم طيب ما فى ناس كتير حلت كويس وبكره النتيجه تظهر وتشوفووو اشمعنى انتم اللى بتقولو كدا

ما انا قلتلك انت اللى فالح ابقى ورينا

اة اصل طلاب مصر كلها اغبياء وخايبين ومهملين ومش بيزاكروا ومش فالحين وانت اللي فالح خلاص عرفنا في حاجة تانية عايز تقولها لينا قول الي في نفسك احنا تحت امر سيادتك انت وحضرت البية الوزير

بكره النتيجه تظهر وتعرف ان فى الاف مقفليين الامتحان

محدش قال انا الامتحانات كله صعبة ولكن فى كل امتحان بنلاقى سؤال معقد ومنحلهوش وننقص فى الدرجات ومتنساش انك فى ثانوية عامة يعنى الدرجة حياتك ومستقبلك وعشان يجى كل امتحان ينقصك هو كده ينقص فرصتك فى الحياة والتنسيق مش حينزل كتير وانا متاكد من كده وحتشوف حضرتك ونروح تجارة كلنا..

بص لنفسك وفوق انت فى ثانوية عامة انا بذاكر مذاكرة محصلتش ومش بحل حاجة من الوقت وغيره وانت متعرفش ان معيد فى عين شمس هندسة هو اللىى حاطط الامتحان النهارده

يا بيه مش لازم كله يجيب الدرجه النهائيه فى الامتحان
دى معادله قلنا التنسيق هينزل على الكل

وبعدين هو دا مستوى الامتحانات القادمه جميعها خلاص زمن الحفظ خلص
يبقى نروح نذاكر ونبطل كلام لا هيقدم ولا ياخر

ياعم انت شغال تبع الحكومه يعني ولا الوزير ابن خالتك
العربي دافعت عنه و الانجليزي دافعت عنه و الرياضة دلوقتي بتدافع عنها
ياعم الحج فيه ايه ! و منين حكمت علينا اننا مبنذاكرش اساساً !
ياعم اينشتاين احنا مطلبناش امتحان حفظ و صم
بس في نفس الوقت مينفعش اذاكر منهج 2 ثانوي و يجيلي مسألة لـ3 اعدادي
و ياعم الحج بيننا الايام و هنشوف الطلبه اللي حلوا دول
و انا عليا احليلهم بقهم
بس اهدى شوية طيب انا حاسس انك محامي الامتحانات

i want to say that measuring our brain level can't happen with that damned education as there may be a genius student in electronics but because of forgetting the idea of a particular question he loses the chance to enter the faculty where he can improve their skills so we have to know that the minister isn't mistaken our great problem is stupid lessons , ill-skilled teachers & stupid ways of entering faculties we need to measure our skills by an exam in the field you want to learn not to make all those exams control our dreams & make egypt lose its chances to have new intellectuals

على فكرة انا بلاحظ ان كلامك متناقض يعنى تقول لما النتيجة تظهر هتلاقى الآف مقفلة الرياضيات وترجع تقول مش لازم يجيبوا الدرجة النهائية
فى حاجة لازم اقولهالك انت كده مش بترفع التوتر عن الطلبة انت كده بتنكد عليهم اكتر لأنك بتحسسهم ان كل اللى هما عملوه كأنهم ما عملوش حاجة وبعدين بدل ما تفضل تشكر فى الامتحانات وتمدح فى الوزير لو شايف ان الامتحان سهل خلاص خليك مع اللى جاى وبعدين مدحك فى الوزير ده مش هيخلى الوزير يحتفل بيك او يديلك الدرجات النهائية ومن الآخر خلينا فى اللى احنا فيه علشان احنا فعلا مش ناقصين
وبعدين سؤال يعنى ايه الامتحانات السنة دى محترمة هى قبل كده كانت قليلة الأدب ؟

عموررررر شكلك مبتحلش حاجه وبتشتغلنا وغاوى تعقدنا وخلاص حرام يبقى انت واحمد زكى بدر

عمورررر انت ادبى والا علمى الاول وبعدين تتكلم يابنى

أنا معاك تماما ... و مش موضوع إن هو اللى فالح بس الإمتحان مش صعب بس عايز واحد مش داخل حافظ المسائل يعنى أغلب التعديلات فى أى مسألة عبيطة جدا و مش محتاجة تفكير تقريبا ...

على فكرة استاذ الرياضه بتاعى نفسه قال ان الامتحان صعب جدا