|
الراتب الجديد من اول الشهر القادم
احنا فى الغريبه بنقبض حوالى 362 جنيه . و انهارده مندوب الصرف بالمدرسه قال انه ان شاء الله من اول الشهر الجاى القبض هيكون حوالى 387 جنيه . و لما سألته عن المرحله التانيه من الكادر قال انه سمع ناس بتقول اننا هنقبض المرحله التانيه بأثر رجعن من اول شهر 11 اللى فات و سمع ناس تانيه بتقول مفيش الكلام دا و اننا هنستنى لما المحافظه هى اللى تبعتلنا المرحله التانيه و دا طبعا مع التسكين على وظيفه معلم . بس برده الكلام ده ماجاش بيه منشور رسمى . و اخيرا نصيحه لكل اخوانى المعلمون المساعدون ضروره الانتهاء فى اسرع وقت من اربع ميديولات على الاقل من الرخصه الدوليه للكمبيوتر و تسليم الريبوت الخاص بها الى مختوم من المركز الذى حصلت منه على الشهاده الى الاكاديميه المهنيه قبل يوم 31/6/2010 و ذلك للضروره . و دا اللى أكد عليه مدير الاكاديميه ف طنطا .و بالتوفيق لينا كلنا . قولوا يارب .
|
ربنا معااااااااااااااااااااااااااااااااااااااااك
|
شهر ينويو 30 يوم بس مش 31 هههه
أشكرك علي علي موضوعك |
الزيادة اللى فى المرتب دى نتيجة زيادة الاساسى 30 جنيه ( علاوة 2005 )
بس الزيادة المفروض تبقى اكتر من كده !! |
اقتباس:
لكن فى باقى المحافظات 30 عاتى . فرق فى المسافات مش اكتر |
طب ايجماعة احنا بنقبض 310 بالحوافز اشمعنى بقى
|
يا جماعة بلاش اسلوب التريقة اللى فى ردكم على زميلنا.. الاخ حب يفرحنا ويبشرنا.. فياريت نبقى حاسين ببعض شوية ده لو عايزين ربنا يكرمنا ونتثبت |
ربنا يكرمكم جميعا ومش هتفرق 31 من 32 حتى مش مشكلة بس تتثبتوا ربنا يكرمك باذن الله
|
ربنا يوفقنا جميعا
|
اقتباس:
|
حتى لو كان شهر يونيو 50 يوم
المهم الراجل عمل اللى علية وقال اللى عندة المهم الدولة دى مش حتيجى بالذوق هما اتعودوا على كدة توقف العمل وتحتج وتتظاهر وتشل العمل يحترموك ويجبولك حقك اية الى الدولة تخسرة طالما انتا شغال وراض بكدة انا موافق انى استمر تعاقد لكن المفروض حققوقى الملية اخذها وحسبى الله ونعم الوكيل |
انا كمان من الغربية يعنى كدة المرتب هيزيد ان شاء الله
بشرة خير ............جزاك الله خيرا |
اقتباس:
على فكره انا باقول ( تفائلوا خيرا تجدوه ).. بس نفس المعنى تمشى برضه.. ولا ايه يا باشا؟ ان شاء الله التثبيت جاى قريب وعلى ضمانتى.. بس ساعتها هاخد منك حلاوة كبييييييرة على نشفان ريقى من كتر اقناعى ليكم بالتثبيت وبرضه بشروا ولا تنفروا.. ان شاء الله هاتفرج عن قريب |
http://aadbmedia.gazayerli.net/photo...ImageWidth=240
أزيكوا يا حبيبى يا متعاقدين.............. نشكركم على حسن تعاونكم وصبركم الجميل الذى لم ترى الحكومة مثله على مدى التاريخ. ونتمنى من حضراتكم حسن التعاون والأنتظار حتى يتم تثبيتكم فى 1/7/.............................والله أعلم. |
احنا فى كفر الشيخ بنقبض 317ولما سالت السكرتيرة قالتلى الشهر اللى جاى هنزيد 15 جنيه بس ومفيش اى اخبار عن فلوس الكادر ولا حاجةدة حنى المكافاة السنة دى اقل من السنة اللى فاتت السنة اللى فاتت كانت 1608 والسنة دى خدناها 1562
|
| جميع الأوقات بتوقيت GMT +2. الساعة الآن 07:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.