|
حلم عمري
السلام عليكم
ازيكو يا باش مهندسين ارجوكم انا محتاجه دعواتكو قوي انا تالته ث وحاسه انا احلامي بتضيع قدام عنييا وانا واقفه اتفرج عليها ومش قادره اعمل اي شئ شعور قاتل باذنب هيموتني مش قادره اذاكر لباقي الموا لسه عندي فيزياء وكيمياء وانا اضربت في الرياضه 2 بما فيه الكفايه كل اللي اتمنيته في حياتي حاجه واحده هي كليه الهندسه ولما امنيتها واتعلقت بيها قوي خلاص مش قادره اتخيل اني ادخل اي كمليه غيرها انا بعدد كل صفحه وكلمه ذاكرتها بكتب جنبها كليه الهندسه زبعد اللي حصل فيا ده خلاص حتي اني احاسيسي اتلخبطت في بعض بدل ما اضحك ببكب وبدل ما ابكي بضحك وبقي عندي لا مبلاه من الدنيا كلها حرااااااااااااااااااااااااااااااااام تعبت من كتر الصدمات وقلبي اتحطم خلاص ادعولي انا عايشه في متاهه ومحتاره قوي اظن كفايه يا دنيا لعب بيا كده خلي الوزير يلعب بيا شويه هو كمان من نفسه ادعولي انا دايما كنت بدخل هنا علي امل اني هانضم ليكو في يوم من الايام لكن 0000000000000000 ربنا يستر |
اقتباس:
و ماتشتليش هم اى حاجه المه طالما انتى تعبتى ربنا مش هيضيع تعبك و ياما هتحطى فى مواقف اصعب من كده لسه الحياه طويلة و مش اخرها الثانوية العامه |
ربنا يوفقك ان شاء الله وكل اللي في الثانويه وكل اللي بيمتحنوا
وانا عايز اقول حاجه واحده بس وهي اللي يستاهل انه يخش كليه معينه هيدخلها ان شاء الله الموضوع ملوش علاقه بامتحانات صعبه او سهله لان كل كليه بتبقي محتاجه عدد معين فلو الامتحان جه سهل وانتي مثلا جبتي 97 وكان ترتيبك علي ثانوي مثلا ........ اي رقم يعني فلو جه صعب كل الحكايه ان المجاميع كلها هتنزل وبما فيهم انتي طبعا ولكن هيفضل ترتيبك هو هو ان شاء الله وبالتالي التنسيق هينزل وتدخلي برده نفس الكليه ان شاء الله اهم حاجه يبقي عندك ثقه في نفسك وقدراتك وقبل كل ده طبعا ثقه في ربنا وبعدين السنادي عدد الطلبه في سنه 3 ثانوي قليل فاعتقد ان الجامعات هتبقي محتاجه طلبه والتنسيق مش هيبقي عالي ان شاء الله وربنا معاكي ومعانا |
انا متشكره قووي لردودكو ودعواتكو بس والله انا حالتي النفسيه صعبه قوي واكيد انتو جربتوا الايام دي
بس اهلي حطين امل كبير عليا واللي بيقولي يا ياش مهندسه وده حمل كبير قوي عليا وخايفه مبقاش قده والاهم من ده كله ان زي مقلت ده حلم عمري انا ممكن تحصلي حاجه او اعمل في نفسي حاجه لو مدخلتش هندسه انا مش قادره اتخيل نفسي غير كده لما بفكر مجرد تفكير في غير الهندسه حالتي بتقي صعبه قوي وانهلر من البكاء فما بالكر لو لا قدر الله....... كلمه مرعوبه ومكتابه ومحبطه ويائسه من الحياه اقل تعبير لوصف حالتي يا رب ساعدني ارجوك ارجوكو ادعولي دعاء الغيب ده مستجاب ح ل م ع م ر ي ه ن د س ه |
ان شاء الله هتدخليها وتتبهدلي معانا
|
مستعده اتبهدل بس ادخلها
يا رب شكرااااااا ليك |
هو فين المشكلة ؟ انه انتي مذاكرتيش ولا الامتحانات كانت صعبة ؟
لو بخصوص الامتحانات فدي مش مشكلة ابداً لإنه الصعب صعب على كله وبعدين انتي فرصتك السنادي اكتر نظراً لقلة العدد وبلاش التشاؤم ده دلوقتي لسه شوية لما تدخلي اعدادي وتاخدي الجرعة اللى بنديها لاي حد جديد هنا :d |
اقتباس:
ربنا معاكي ان شاء الله تدخلي هندسة وتتفوقي وتبقى من الأوائل بس نصيحه من مجرب لو محصلش نصيب متزعليش لان مفيش حاجه تستاهل زيها زي غيرها انا كنت منبهره بهندسه دي أوي قبل مادخلها بس أول مدخلتها حسيت ان انا دخله كليه نظري ده حتى الرياضه بنحفظها ياله ربنا معاكي وان شاء الله تحققي كل أحلامك |
مظنش ان زيها زي غيرها انتي بتقولي كده علشان خلاص انتي فيها
واظن كلمه مهندسه كل مره بتسمعيها بتجدد احاسيسك وانتي في ثانوي وانتي بتتمني الكليه دي انا الموت عندي اهون من الكليه دي تضيع مني حاليا انا حاسه اصلا اني بتعذب وبموت بالتصوير البطء وندمانه علي كل ثانيه اكلت وشربت ولعبت واتنفست ومذاكرتش فيها يا الله انت الكريم المعين يا رب اللهم لا تعاملني بما انا اهل له وعاملني بما انت اهل له |
اقتباس:
يا ستي الندم مالوش لزمه في ناس ممكن تلاقيها ذاكرت قدك ميت ره وبرده مجابوش المجموع الي بيحلموا بيه وبطلي دخول ع النت بقا واقعدي ذاكري ياه علشان نفرح بيكي :p ياله يا بشمهندسه المستقبل ربنا يوفقك الى ما يحبه ويرضاه لكي |
ان شاء الله ربنا هيكرمك وطالما الامتحانات وحشة فهي وحشة علىا لكل انتي بس اعملى اللي عليكى وربنا هيوفقك ويحققلك احلامك وتبقي معانا فى هندسة
|
اهم حاجه متقلقيش خالص خلي بالك رايق علشان التوتر مش حلو وخلي دايما عندك ايمان انك هتدخلي كليه الهندسه وركزي دلوقتي ازاي تدخليها وتكوني موفقه في الامتحانات واالله انا دخلت كليه الهندسه وكنت جايب درجات يعني مش كبيره اوي يعني مثلا في الرياضه 2 كنت جايب 44.5 والفيزيا كنت جايب 47 الدرجه النهائيه الوحيده اللي جبتها كانت في الدين والتربيه الوطنيه
وانتي اكيد لو جايبه مجموع حلو في تانيه هيساعدك تدخلي الهندسه واقل كليه هندسه علي فكره بتاخد من 93 في الميه وان شاء الله علي سنتكم علي حسب التوقعات هيكون92 في الميه بس انتي اهم حاجه تذاكري وبعد النتيجه نبقي نشوف عملتي يلا سلام وادعولي يجماعه انا بمتحن |
انا حبيت ابشركو انا حليت كويس ان شاء الله في الفيزياء بس لسه ما راجعتش
لكن ان شاء الله كويس وشكرااااااااااااااا ليكو قوزوي انتو كنتو بتصبروني والله ادعولي بقي فاضل الكيمياء ربنا يعديها علي خير |
اقتباس:
خلصتي الفيزياء ولسه الكيمياء :D انتي علي علوم؟ :mad: ربنا معاكي يارب |
اقتباس:
على فكرة ما دام سندرلا بتحب الهندسة بمجرد ما تاخد صدمة الإعدادى و توصل للقسم الى عاجبها هتستقر الأمور إن شاء الله بس الأول تدخل هندسة و نقولها مبروك و نقطة و من أول السطر بالتوفيق للجميع |
| جميع الأوقات بتوقيت GMT +2. الساعة الآن 10:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.