بوابة الثانوية العامة المصرية

لما قالولنا القافله هترسي

قلنا خلاص اتحلت ازمة

اكل وشرب اطنان م هتخلص

لما الحلو بعته لغزة

جه تاني يوم وقالك نكسه

وقفو القافله::ضربو القافله

يادي الوكسه

ليه حصل ايه؟

قالك هم اساس البلوه

وحمه فوشك يادي الوقعه

ضربو القافله؟

قتلو العالم من غير رأفه

وفين الامه؟

قالك غابو ::قالك ماتو

دايما تاخد علقه وعلقه

فين الامه؟

آدي الأمه تشجب تسحب تيجي وتقعد وحياتك م قرار راح يخرج

طول ما فداهية طعم العزه

قمه وقمه هيصه ولمه

قعدو وقامو طب بعدين؟

قالك هاسحب سفرا الكلب يوم الاتنين

لا نتعاهد لو نتخانق يبقي استني

سيبو القافله فيها ولادنا

واتفرج علي قالو وقلنا

والفرخه من البيضة والا نقعد تاني ونعمل لمه؟

سيبك منهم هم يومين والدنيا كلها راح تنسي

كأس العالم يابني هيبدأ

فيه اسبانيا علي فرنسا

وجاي تقولي قافله يا بيه:: كل العالم غمي عنيه

وادي الحادثه حصلت ايه ؟حصلت قفله؟

رجعت راحت مش هيهم بكره الدنيا بحالها هتنسي
=======================
مع تحيات ايمان سالم