"معلمى الجيزة" يطالب بإقالة "بدر" بسبب وفاة مراقب سوهاج
 

طالب اتحاد معلمى الجيزة بضرورة استقالة وزير التربية والتعليم الدكتور أحمد زكى بدر، والتحقيق مع مسئولى مستشفى التأمين الصحى، وذلك بعد وفاة زميلهم أحمد محمد عاكف (40 عاما) مدرس كيمياء ومراقب بإحدى اللجان إثر تعرضه لأزمة قلبية نتيجة شعوره بآلام فى الصدر توجه بعدها إلى التأمين الصحى، إلا أنها طلبت منه مبلغاً مالياً كبيراً، وحاول زملاؤه الاتصال بوكيل الوزارة ثم الوزير ولم يجبهم أحد.

كما طالب الاتحاد فى بيان له اليوم الثلاثاء، بإلغاء كافة القرارات العنيفة التى تمنع المعلمين من الاعتذار عن امتحانات الثانوية العامة أو الاعتذار عن استكمالها لأسباب صحية، وتوفير رعاية صحية لمراقبى الثانوية العامة وكذلك توفير أماكن آدمية للمبيت.

وقال البيان إن وفاة المعلم أحمد عاكف يثبت مدى حالة الإهمال التى تدار بها وزارة التربية والتعليم الآن، بدايةً من رفض أى اعتذار للمعلم عن امتحانات الثانوية العامة ولأى سبب من الأسباب، ومروراً بتوزيع المعلمين على محافظات بعيدة عن محافظاتهم الأصلية، ووضعهم فى استراحات غير آدمية تفتقر إلى الحد الأدنى الآدمى للإنسان.

وأضاف البيان أن عدم توفير الحد الأدنى من الرعاية الصحية فى المحافظات النائية، والتشديد على التأمين الصحى بعدم إعطاء إجازات للمعلمين أثناء الامتحانات، كل هذا يجعل موت المعلم فى كهوف الوزارة وحجرات العزل أمر وارد، وبحكم الوزارة، فالوزير يوفر كل شىء لإهانة المعلم وإرهابه.

وتمنى المعلمون فى بيانهم من الوزير أن يترك مكتبه ويبيت جوار المعلمين فى استراحاتهم على نفس الفراش، ويدخل نفس الحمامات الغير آدمية، ويعانى عدم توفر أى طعام للمعلمين.

http://www.youm7.com/News.asp?NewsID=244130

أيها السادة أولا ده قدر عمنا أحمد عاكف ويمكن رحمة الله عليه توفي ليكون سبب في تغيير هذا النظام الظالم
أنا شاب لم يتعدي علي تعيني عشر سنوات وأساسي مرتبي بالظبط 171.84 وأتت لي ثانوية عامة في لجنة في مدرسة كفر الزيات وأنا من الأسكندرية
تخيلوا هذا الموقف
مطالب أني أكون متواجد في كفر الزيات قبل الساعة التاسعة لذلك أصرف موصلات يوميا ما يقارب عشرين جنيهاما بين موصلات داخلية داخل بلدي وأجرة البيجوه وموصلات داخلية في كفر الزيات وطبعا المبلغ عالي عشان أنا برفه نفسي وبروح بموصلات أدامية لان لو روحت بالقطر مش وركبت مشاريع مش هتفرق كتير أذن 30 في 12 يساوي 360 جنيه
وطبعا بقا أكل وقهوة 10 في 12 يساوي 120 جنيه
أذن 360 + 120 يساوي 480 جنيه ده المصروف
أمبارح بقا الإدارية ندهتنا بقا عشان نعمل الاستمارات تخيلو الكارثة لقيت القبض بتاعنا 7 في المية من الاساسي يعني يومي واقف ب 12 جنيه وبدل موصلات عن الفنرة كلها 20 جنيه ده علي اساس أننا قعدنا في الاستراحة وبدل مبيت 6 جنيه في واقع 16 ليلة للملاحظ تخيلوا
يعني انا هقبض بالظبط كدا
12 × 12 يوم = 144 بدل ملاحظة
20 × 1 = 20 موصلات ذهاب أول يوم ورجوع أخر يوم
6×16 = 96 بدل مبيت
الاجمالي = 260 جنيه
في ضرايب عشرة في المية بيتخصموا يعني هاخد 234 جنيه
وأنا صارف 480 جنيه هل ده عدل يا ناس
لازم حل أحنا مش هنقول مش عاوزين نراقب بالعكس ده فعلا واجب قومي غير أننا بنطلع بالايام دي أننا بنتعرف علي ناس جدعة هي دي الحسنة الوحيدة وكمان بناخد خبرة في حياتنا
بس لازم يكون في حل مثلا الاستراحات بدال ما تكون مدارس تكون شقق وكمان الناس اللي الاساسي بتاعها صغير يكون لها حد معين زي المكفأة كدا
أرجو النشر
ورحمة الله علي الأستاذ أحمد عاكف

انا لله وانا اليه راجعون

ان شاء الله يكتب من الشهداء
ربنا يرحمه

لا حول ولا قوة الا بالله العلى العظيم ... انا لله وانا اليه راجعون

لا اله الا اللله

البقاء لله
نفس الكلام بيحصل في الدبلومات الفنية بس مش عارفه مابيشتكوش ليه .
وأنا واحدة منهم ومعايا زملاء كثير وكل سنة نكتب لاأرغب وبيجيلنا جوابات في محافظات بعيدة وطبعا متزوجات وعندنا أطفال يعنى ماينفعش نبات في استراحات وخصوصا انها غير صالحة للبنى آدمين .
ياريت لو لقيتو حل لمدرسي الثانوية العامة تلاقو حل لمدرسي الدبلومات الفنية فالمشكلة واحدة .

اقسم بالله العظيم انني لو كنت من زملاء الفقيد رحمة الله عليه وشاهداً على ما حدث لكنت توجهت الى النائب العام وتقدمت ببلاغ ضد الوزير ( جزار التعليم ) وضد رئيس اللجنة عديم الرجولة متهماً الاثنان بتهمة القتل العمد ولكن للاسف لم اكن من بينهم .
لو انكم رايتم صورة الفقيد وكيف ملقي على الارض لكنتم احسستم بما احس به من مهانة . هذا الرجل لايصلح ان يكون وزيراً لكنه جاء لاهداف معينة .حسبي الله ونعم الوكيل .

انا لله وانا اليه راجعون
غفر الله لفقيدنا وجعلة مع النبيين والصديقين والشهداء
امين

دخل علينا دخلة مبشرة,قال هرجع هيبة المعلم وهرجع الطلبة المدارس....الخ,ودلوقت بهدل المدرسين ,وسعرهم بأسعار اقل من الحيوانات,ورقة الاسئلة اهم من حياة المراقب ,اعرف مراقب اصيبت بجلطة فى المخ ليلة ذهابه للمراقبة,وراح علشان ما ينقطعش عيشه,لانه وقع فى ايد ناس لا ترحم,وترك الزوجة المريضة لأقاربه,ده غير المصحح المصاب بدوالى المرىء ولم يذهب بسبب تهور صحته ويحصل اللى يحصل,لأنه لا يستطيع السفر للجنة الاعتزارات التى فى القاهرة,آلاف الحالات التى فى امس الحاجة للأعتزار يقابلها عشرات الآلاف من المدرسين الباحثين عن المراقبة فى الثانوية,ولا يوجد تنسيق من حكومتنا الذكية