بوابة الثانوية العامة المصرية - خواطر طالب ثانويه عامه(هلوسه امتحان)

دخلت جوه لجنتي مستني ورق الاسئلة
دخل المراقب عندنا وفي جبهته علامة صلى
رحنا بصين لبعضنا
وقعدنا نقرا في سرنا
يس والناس والفلق والزلزلة
المصدر: منتديات كريزى مان http://www.crezeman.com/vb/showthread.php?t=74541

شويه وراح دخل المدير وبصوته هاتف
ممنوع الهمس واللمس ولغة الشفايف
وادي المراقب عندكم صاحي وشايف
والي يخالف امرنا يبقى عارف

هيقضي اوقاته هنا من غير هنا
ولا فيش امل في عطفنا
احنا بنرضي ربنا
وبنرضي طه حبنا
الي امرنا وقال لنا ليس منا من غشنا

عنينا زاغت كلنا
وقلنا يستر ربنا
ومسكنا ورق الاسئلة وكأننا
لا نسمع ولا نرى

فجأه لقينا جنبنا
واحد طالب زينا
جياله ورق الأسئلة محلولة وحياة ربنا
قمنا زعقنا كلنا اشمعنا هو وسطنا
قام رد واحد مننا
احسن لنا نحط لسنا في خشمنا
دا يبقى ابن المدير الي وصانا وقال لنا
ليس منا من غشنا