|
وما زالت المهزلة مستمرة
السلام عليكم وصلت نشرة إلى المدارس بمركز فاقوس بحضور المعلمين المساعدين اجتماع في مركز ثقافة فاقوس وذلك يوم الأربعاء 23/6 وبالفعل حضر كل المعلمين المساعدين اليوم الساعة العاشرة صباحا وظل الجميع في انتظار معرفة سبب الاجتماع وبعد طوووول انتظار خرج علينا مسئول هيئة محو الأمية بالمركز وقال : إنه كان من المفترض حضور رئيس مجلس المدينة إلا أنه اعتذر بسبب كثرة مشاغله . المهم أخبرنا أن امتحانات الدارسين في محو الأمية ستبدأ من يوم 5/8 وطلب منا أن نقوم بعمل امتحانات تجريبية لكل دارس ونسلمها في الاجتماع القادم المحدد له يوم 8/7 وذلك بتسليم كشف بأسماء الناجحين في الامتحان التجريبي تمهيدا لذهابهم إلى الامتحان النهائي . وبما أن الكثير منا لم يتقدم أصلا بكشوف محو الأمية فقد اعترض الكثير على هذا الاجتماع الذى لم نكن نتوقعه . ووسط الفوضى والاعتراضات من جانبنا قال الرجل : إن موضوع محو الأمية أمر جاد ولابد لكل متعاقد من اتمامه . ثم أضاف : إن العقد الجديد الذى سوف نوقع عليه هذا العام به بند يتعهد فيه المعلم المساعد بمحو أمية من 2 إلى 5 أميين سنويا . طبعا قابلنا هذا الكلام باستنكار واعتراض . وغادر البعض القاعة قبل أن ينفض الاجتماع ونخرج جميعا ساخطين على تلك القرارات المجحفة . وبعد الاجتماع ذهبت إلى الإدارة قسم العقود لأسأل عما إذا كانت وصلت عقود جديدة لنا (( العقود الحالية تنتهي 30/6 أي بعد أسبوع )) وهناك سألت أ/خيري (مسئول العقود) فأخبرني أنه لم تأت عقود جديدة لنا بعد . وبالنسبة لموضوع محو الأمية فهو لا يعرف عنه شيئا وقال : إن هذا الأمر خاص بهم (( هيئة محو الأمية )) والآن نحن في حيرة من أمرنا هل نصدق ما قاله ذلك الرجل في الاجتماع وقد أكد كلامه بأن هذا القرار من المحافظ . أما أن هيئة محو الأمية تحاول استغلالنا إلى أبعد الحدود . وعلى كل حال سوف ننتظر - نحن المتعاقدون بمركز فاقوس - لنرى ما سوف تسفر عنه الأحداث في الأيام القادمة . والله المستعان |
الموضوع ده مش عندكم بس ده كمان حصل فى محافظة المنيا من فترة كدة ان المعلمين المساعدين لازم يمحو امية 10 افراد أو اقل على ما اتذكر بس مش فى حد عارف الحقيقة فين ربنا يسترها عليكم
|
حسبى الله ونعم الوكيل
|
الموضوع ده عايز وقفة من جانب المتعاقدين
والرجاء من جميع المتعاقدين عدم القيام بهذا العمل وهو التدريس لمحو الامية وذلك لايقاف هذه المهزلة وحفظا لكرامتنا وانا متأكد ان لو الكل قال لأ مش حنعمل أكيد الكلام ده حيتلغى وحتى لو متلغاش يبقوا يورونا ايه حيعملو فينا حيث أن التعليم الان معتمد اعتماد كلى على المتعاقدين |
موضوع محو الاميه دا استغلال من المحافظين
وخير مثال ان احنا فى الازهر مفيش عندنا الكلام دا خالص ولا سمعنا عنه اى شىء لان الازهر تابع لشيخ الازهر فقط وليس للمحليات اى لا يتبع المحافظ فياريت تقفوا مع بعض لان حضراتكم مش ملزومين بمحو اميه حد |
الله يكون فى عونكم ياطه
|
بس ممكن اعرف من حضرتك انت تبع محافظة ايه تانى حاجة استحالة يفسخوا عقد حد عشان محو الأمية الأمن اه مممكن يفسخو العقد ثالثا اقصى حاجة يعملوها معاكم فى الموضوع ده وده لو نزلوا شرط محو الأمية فى العقد انكم تتحولوا على الشئون القانويه وتخدوا جزاء ده لو نزل شرط فى العقد يقول الكلام ده |
حسبى الله ونعم الوكيل
|
حسبى الله ونعم الوكيل
|
يا اخ طه في بند في العقد اللي انت مضيت عليه يلزمك بمحو الامية
لو انت عقدك زي عقدنا يبقي مفيش اي حد يقدر يجبرك علي كده وبالقانون لانكم مضيت عقد وله بنود فلو في اي بند يلزمك بكده يبقي لازم تنفذ بنود العقد غير كده محدش له عندكوا حاجة ولا يقدر يعمل معاك حاجة وانا نفسي اشوف المتعاقدين حاسين بقيمتهم مش اي حد يبيع ويشتري فيهم المشكلة احنا اللي عاملين كده في نفسنا لازم تعرف حقوقك وواجباتك(يعني اللي ليك واللي عليك) |
لو بتفهم طنش ولا تعملهم حاجة
|
اسف كل الاسف لقولى هذا ولا اقصد اهانة احد ولكن نحن بيننا بعض العيال
ما ان يسمعوا بأى قرار حتى يهرولوا لتنفيذه ظنا منهم بانهم سباقون وبالتالى يورطون انفسهم ويورطون الاخرين معهم انا على فكره متعاقد من عام 2007 وطلبوا منا محو الاميه وهرول الكثير لعمل ذلك ولم اقوم بالتنفيذ رغم التهديد بالفصل ولم يحدث شىء والحمد لله وها انا موجود ودخلت امتحان الكادر يا جماعه لازم نحفظ كرامتنا ومش لازم نكون لعبه فى يد الاوباش دول محو الاميه مسئوليه البلد كلها وليس المتعاقدين فقط كمان لازم يجهزوا الاماكن ويحضروا الدارسين والكل يشارك فى العمليه مش نروح نتحلل على الناس علشان تيجى تتعلم ياريت محدش ينفذ الموضوع ده ولابد من وقفه لنيل احترام الجميع فنحن لسنا لقطاء او من الشارع حتى يتم استغلالنا بهذه الطريقه بلد عيزه الحرق اسف لحدتى فى الكلام |
على فكرة اى حد مهما كان سلطتة سواء فى المديرية
او اى شخص مهما كانت نفوذة فى هيئة محو الامية لا يقدر ان يلزم احد بمحو امية اى شخص وصدقونى ودة من كلام مسئول فى الوزارة قال بى الاتى ( اى شخص يجا لك بموضوع محو الامية خد منه الورقة وفى اى صندوق زبالة ارميها ومحدش يقدر يعمل لك حاجة) الكلام دة من فترة وانا كل مايثار الامر لا اعطى اهتمام |
والله العظيم دول شوية ...................خرجوا الناس عن شعورهم ناقص يقولوا ان البيه المحافظ قرر ان كل متعاقد يمسح شارع من شوارع المحافظه او يمسح جزمة اعضاء المجلس المحلى ... والله العظيم ده استعباد وذل دااحنا رجعنا لزمن السخره ...وده كله علشان ناخد اقل حقوقنا فى التعيين ورغبتنا فى اننا نعيش حياه كريمه ...حسبنا الله ونعم الوكيل فى كل انسان ظالم ينظر للمنتعاقدين على انهم كلاب ....والمفروض ان درنا جه .
والجماعه بتوع الازهر اللى مش فى دماغهم لازم يعرفوا ان الكلام ده لو اتطبق على المتعاقدين العام يبقى مليون الميه هيطبق عليهم والموضوع مش موضوع محليات دا موضوع بلطجه بتتمارس على كل المتعاقدين الغلابه ونحن لانحرك ساكن وانتظروا المزيد من الاهانه.... |
اقتباس:
يا أخي احنا عقوداتنا مفيهاش بند خاص بمحو الأمية ولكن المسئول النهارده تكلم عن العقد الجديد اللى احنا لسه ما شفناه وبما إن الرجل من هيئة محو الأمية فكلامه عندنا غير موثوق فيه ولكن المشكلة إن محافظ الشرقية كغيره من المحافظين يهمه إن نسبة الأمية تنخفض في محافظته وطبعا السادة المسئولين مش هيلاقوا أفضل من المتعاقدين يستغلوهم في هذا الأمر . لأنهم من ناحية التأهيل مؤهلين تربويا ومن ناحية الاضطرار مضطريين لفعل أي شيء من أجل التثبيت ولكن هيهات احنا الشباب مش ناقصين متاهات وهنطنش ومش هنحضر تاني اجتماعات ولكن الخوف كل الخوف من البنات البنات كالعادة سباقين لإطاعة الأوامر والتنبيهات وربنا يسترها معانا ومعاكم وخلينا دايما متواصلين في الأزمات |
| جميع الأوقات بتوقيت GMT +2. الساعة الآن 02:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.