مجلت عمل كلية علوم
 

مجالات عمل خريج علوم
البعض يسأل ما هى مجالات عمل خريج علوم، والآتى بعض المجالات:

1- اخصائي تحاليل(دكتور تحاليل) وتفتح معمل باسمك وتكتب عليه دكتور كزا بالبنط العريض
2- اخصائي اطفال انابيب
3-اخصائي مكافحة عدوى
4- كيميائي في شركات الادويه ودلوقتى بيفضلو الكميائيين عن الصيادله في شركات الادويه وبردو بيطلق عليك لقب دكتور
5- كيميائي في شركات البترول والمياه والاسمدة والاسمنت والحديد والصلب والملح والصودا والاغذيه والالبان والعصائر والزجاج والبلاستك والسيراميك والصبغة والقطن الطبي والمناديل والزيوت والصابون الخ
6-ميدكال ريب medical repزى الصيادله بردو وبيطلق عليك لقب دكتور
7-مهندس جودة في الشركات
8-مهندس بترول في شركات البترول
9- خبير سموم في الطب الشرعى
10-اخصائي اشعه
11-فيزيائي في معامل الاورام والمستشفيات ومراكز البحوث
12- ممكن طبعا لكل اقسام كليه علوم انها تشتغل كباحث في مراكز البحوث المختلفة في مصر

والمقصود ان علوم مجالاتها واسعة، يعنى الكيميائي ملقاش شركة ادويه يروح بترول ملقاش يروح شركات مياه يروح شركات حديد وصلب يروح شركات اسمنت يروح شركات اسمدة يروح شركات بلاستك يروح شركات زجاج يروح شركات دهانات يروح شركات بويات يروح شركات سكر يروح شركات غزل ونسيج يروح شركات صباغة يروح شركات قطن طبي يروح شركات الملح والصودا يروح شركات المونيموم

وللعلم فكرة علوم في الشغل كويسه اكتر من حاسبات واكتر من هندسه نفسها يعنى يوجد حاجة اسمها ميدكال ريب (مندوب شركات ادويه )ممكن يشتغلها ممكن اول مرتب ليه يبقي 1500 جنيه وبالنسبه لموضوع مهندس لأنه بيكتب في البطاقة مهندس جيولوجى مثلاً.

هذا الموضوع أعجبنى فنقلته بتصرف، وأضيف مجال آخر وهو 13- مبرمج أو مهندس برمجيات لأنه يحصل على شهادة مثل حاسبات ومعلومات بل هى أقدم منها، ويزيد عليها فى الخلفية الرياضية الكبيرة، وله نفس فرص عمل حاسبات، بالأضافة فى الدراسات العليا مثل حاسبات أيضاً.
ولا ننسى التعيين معيد لأن المتفوقين عدد قليل ولديهم فرصة لله خيرا
[/align]











ميرسي جدااااااااا علي الموضوع
خليني اضيف حاجة صغيرة
اسمها ميدكال ريب ممكن يشتغلها ممكن اول مرتب ليه يبقي 1500
ميديكال ريب يعني(مندوب ادوية) بيبقي وظيفته انه يبيع الادوية للاطباء من خلال (call) من خلال مقابلة مع الدكتور في عيادته او في المستشفي
ودوره هو اقناع الطبيب بالدواء الذي تنتجه الشركة التي يعمل بها
ولا يتم الموضوع عشوائي ولكن يتم من خلال (meeting) اجتماع تقوم به الشركة مع الاعضاء قبل ان يتجه كل عضو اللي المنطقة التي يعمل بها
حيث ان كل عضو يعمل في منطقة معينة وليس من حقه ان يبيع لاي اطباء خارج منطقة عمله
وفعلا بيبقي مرتبها عالي جداااااا
وكل ما الشخص يحقق اعلي من التارجيت بتاعه(مبلغ معين بيطلب منه ان يبيع ليصل لهذا المبلغ) كل ما يزيد مرتبه ويزيد ترقيته الي(sales maneger)
وبيكون عنده فرصة اكبر انه ينتقل من شركات محلية(local) الي شركات (international)
الوظيفة تحتاج تفرغ تام للوقت وتحتاج الكثير من المجهود
ولا يشترط فيها اي قسم من علوم لان جميع اقسام كلية العلوم لها الحق في العمل بها
عكس اي وظيفة اخري التي تتطلب قسم معين من الكلية(كقسم الكيميا فقط)

اسفة علي الاطالة
..[







مهندس بترول فى شركات بترول؟؟؟؟؟؟ طب ازاى دى

أعتقد حضرتك تقصد خريج علوم جيولوجيا ...يقوم بعمل مهندس الجيولوجيا فى شركات البترول
أو علوم كيميا ...يقوم بعمل مهندس التكرير فى شركات البترول


انما مش مهندس بترول


دى تخصصات يا دكتور معلش




هو اية المقصود
ب
-مهندس جودة في الشركات





مهندس الجودة Quality Engineer هو المسؤول عن جودة المواد في الموقع وجودة العمل ويعمل تقارير يومية واسبوعية وشهرية.


وهذا هو التعريف بالتفصيل:
مهندس مراقبة جودة

يبحث ويدرس طبيعة الإنتاج ويطور معايير ضبط الجودة ويشرف على إجراءات تطبيقها : يبحث ويدرس الإنتاج من حيث خصائصه ووظيفته ويحدد النقاط المتحكمة في ضبط جودته، يحدد معايير ضبط الجودة في ضوء معايير الإنتاج المنافس والمعايير المحلية والعالمية المعتمدة ويتدارسها مع الجهة المعنية مثل مهندس التصميم ومهندس التصنيع واختصاصي التسويق ويدخل التعديلات المتفق عليها، يطور أساليب وإجراءات التحقق من الجودة والنوعية في ضوء المعايير المعتمدة، يختبر فاعلية ومصداقية أساليب قياس معايير الجودة ويتخذ الإجراءات التصويبية في ضوء التطبيق التجريبي، يقوم بتأمين الاحتياجات الخاصة بأجهزة وأدوات ضبط الجودة مثل أدوات الفحص والقياس والأجهزة المخبرية التحليلية والتصويرية، يدرب المرءوسين على استخدام الأجهزة وتفسير وتحليل النتائج، يحدد نسبة وتكرارية عينات الفحص والاختبار، يشرف على أعمال ضبط الجودة ويحدد نسبة الفواقد، يقوم بإعداد وتقديم تقارير العمل الفنية للمؤولين، يتابع تنمية كفاءة الفنيين المساعدين، يعزز أسس وإجراءات السلامة والصحة المهنية ويوفر وسائل الحماية والوقاية.
[/align]

كلام مظبوط
بس فيه نقطه
بس ميدكال ريب مش بيبع الادويه وملوش علاقه بالبيع
الميدكال ريب دكتور كميائي او صيدلي
يعنى عنده خلفيه طبيه وفي نفس الوقت خلفيه كميائيه
الميدكال ريب وظيفته انك بتبقي عارف تركيبات الادويه للي انت بتشتغل عليها وبتاخد عليها تدريب كويس اوى في كل حاجة قبل ما تشتغل من شركتك
وبتدخل للطبيب وتقنعه بانه يكتبه
وتثقوله الدوا دة فيه المادة الفلانيه للي بتعمل كذا وكذا
والمادة الفلانيه للي بتعمل كذا وكذا
وتقول الاثار الجانبيه للدواء
و جرعات الدوا
وبس
بعد ما بتروح للطبيب دة اول مرة بتسيب اسبوع وترحله تانى
وايه اخبار الدواء معاك
لو ناسيه ومش فاكره كلمه عنه تانى
وهكذا لغايه لما يكتب

ولو ماكتبش
يبقي غيره وسيبك منه وبترزح لطبيب تانى

وانت بيبقي ليك عشرة اطباء في اليوم بترحلهم

لو الطبيب اقتنع هيكتبلك الدوا ولو ما اقتنعش مش هيكتب الدوا
وانت بتعرف انه كتب من الصيدليه للي جنبه وبتسال فيها

دى هى الميدكال ريب

اولا شكراااااا ع الموضوع الجمييل دا
ومنتظرين مزيد من مشاركاتك معانا
عشان تبقى عضو ممتاز

اديني حطيت للموقع فيلم الديلر علشان ابقي عضو متميز علي فكرة انا ملقتش بكان احط فيه الفيلم فحطيته في منتدي الصف الاول الثانوي

هههههههه
اشمعنا يعنى؟؟!!
دلوقتى تلاقيه اتنقل

اريد أن أعرف
كيف يتم تحديد القسم لطالب كلية العلوم ؟
هل يتم على أساس درجات الطالب فى مادة الكمياء والاحياء والفزياء ؟

كل جامعه ليها شروط خاصه بييها
فيه جامعات بتعمل كدة وفيه جامعات بتسيبها بالرغبه