2011
 

السلام عليكم ورحمة الله وبركاته

لكل مدرسين المنتدي

الرياضيات

احنا دفعة تانية 2011

عايزين نعرف نعمل ايه

علشان نتفادي الي حصل في التفاضل


يعني عايزين من المدرسيم مراجعات علي المنهج التراكمي حاجات بسيطة في التيمز

علشان نقدر نعمل اي حاجة في الاجازة لان الامتحانات هتيجي تراكميةة

ممكن حد يساعدنا ويقولنا نعمل ايه؟

سؤالك جميل جدا ويحتاج مناقشات كثيرة
هناك طالب يأخذ المعلومة وتبقى معه لا ينساها كمثال بسيط في الأعدادي كله درس المثلث المتساوي الساقين ومنصف زاوية رأسه ومحاور التماثل والمتوسطات في المثلث والمثلث القائم ونقاط كثيرة كانت نظريات زمان وأصبحت حقائق الأن في هذه المناهج المهم عندما يصل هذاالطالب إلى الثانوية العامة نجده متفهم لكل ما يتعلق بها وهناك الكثير من الطلبة متبعي أسلوب الحفظ والطرش في الأمتحانات ولا يتبقى عندهم أي شيء بعد خروجه من الأمتحان طيب ده تعمل معاه أيه
ليس من الممكن مراجعة مناهج 6 سنوات سابقة مع منهج السنة الحالية ولكنها أمكانيات

طب يا مستر احنا ممكن نعمل ايه دلوقتي

الحاجات الي حضرتك قلتها في الرد انا فكراها

بس في التيميز زي الي كانت في اعدادي وابتدائي

عايزين مثلا مذكرة بتجمع الحاجات دي واحنا نقدر نراجها وتفكرنا احنا فاكرين

بس مش بنفس المستوي

يعني عايزين نقوي نفسنا ازاي

ابحث بنفسك متستناش حد ياكلك المعلومة

انا مش بقول حد يأكلني المعلومة انا بقول عايزة المدرسين يقولوا نذاكر ايه في التراكمي

على فكرة التيمز كان موضوع وأنتهى كما هي الهوجة في كل شيئ في مصر وكان لتنمية المهارات مثله مثل أولمبيات الرياضيات

أما التراكمي فهو ما تم دراسته مسبقا ولا يمكن تحديد جزء منه

طب يعني نعمل ايه

والله من الممكن ان تفعلوا الاتى
كل موضوع يمكن ان تدرسوه فى المنهج تدرس كل ما يتعلق به من معلومات سابقه وذلك من خلال مدرسك او من بحثك انت
وربنا معاكم

طب ما انا كدا هضيع وقت جامد اني اعد ابحث وانا عندي مناهج تانية

ما مدرسين ثانوي يقولوا المواضيع ونبدأ بيها في الاجازة وكدا يبقي وفرنا وقت كبير

يا فراولة مدرس ثانوي مش حايجيب منهج اعدادي وابتدئي يشرحهم تاني

أقوللك على الحل

1- تأكدي من العمليات الحسابية جيدا وهذا ضروري " شوفي اللي يقول في الأمتحان جمعت 5 - 3 = - 2 "
2- من منهج الأبتدائي والأعدادي نبدا في ملزمة صغيرة نقسمها إلى أجزاء جبر ، هندسة ، مثلثات
3- في الجبر نكتب عمليات التحليل وتمارين مختلفة عليها - قانون حل معادلة الدرجة الثانية ومتى يكون لها جذور - عملية قسمة المقادير الجبرية - ضرب المقادير الجبرية - الأسس وقوانينها التباين وخواصه
4- في الهندسة نقسمها أجزاء للمثلث وخواصه ومحاور تماثله - الشكل الرباعي متوازي أضلاع مسنطيل مربع معين شبه منحرف وخواص كل منهم - الدائرة مساحة محيط والتعاريف الخاصة بها وتر نصف قطر مماس والزاوية المحيطية والزاوية المركزية وكل منهم لها خواص
5- في المثلثات يتم تعريف الدوال المثلثية ومقلوباتها من أولى ثانوي والعلاقات بينها ولا مانع من استخدام بعض المتطابقات عن طريق العلاقات الأساسية
أنا كتبت اللي جاء في الذاكرة الآن بعد مارجعت من التصحيح عسى أن يفيد

للاسف كانت مهزلة فى الامتحانات السنة دى ..
 

ربنا معاكو