|
" عمو السيد "
بسم الله الرحمن الرحيم الحياة عطاء, وتضحية مادام فيك قلب ينبض الحياة صراع, وكد , واجتهاد ما دامت انفاسك تحرك ضلوعك ده _يا احبائي_ مش كلام كتب او شعارات مدونة في الاماكن العامة , او كلمات رنانة تقال في المناسبات , لا دا حقيقة , وواقع بنشوفو كل يوم , ولكن ممكن مش متعوده عينينا انها تشوف الحجات الحلوة ..... هسيب الكلام جانب بسيط من موضوعي واسيب الحقائق والواقع اللي بشوفهم كل يوم هما اللي يتكلموا .... من وانا صغير كان في "عمو السيد " الراجل الكبير اللي بيبيع طماطم عندنا في الشارع , راجل زي العسل لسانو بينقط سكر زي ما بيقولو كان اللي مش عايز يشتري يشوفه لازم يشتري . المهم عمو السيد دا جه فترة وقطع ومعدش بينزل , كل الناس راحت تسال عليه ومفيش حد يعرف حاجه عنو ... بعديها بحوالي شهر لقينا عمو السيد الراجل الجميل راجع بعربيتو هيا هيا والطماطم الجميلة المنورة هيا هيا , لكن ... لقيناه لابس نضاره سوده .." الف سلامة يا عم السيد .. مالك ؟ " عمو السيد " اتعمى " .. صدقوني انا مش بحكي فيلم عربي .. متتخيلوش حجم الزعل اللي كان على وش كل واحد اتكلم مع عمو السيد او اتعامل معاه في يوم ... المهم ... لقينا مراة عمو السيد الست الكبيرة اللي عمرنا ما شوفنهاها في يوم في اللي سايقة العربية وبتبيع مكانو وهو قاعد في اخر العربية ... متتخيلوش قد ايه المنظر ده اثر فيا جامد وحسسني ان بجد الدنيا لسه بخير , ولسة في تضحية , واخلاص . دا نموذج من عشرات النماذج اللي في ذاكرتي ونفسي انقلهالكم , لكن الغرض من موضوعي اوصل رساله مش الغرض اني اكتب كمية كلام ممكن يكون رسالته في سطرين بس ... واتمنى ان موضوعي يلمس حاجة جواكم , واتمنى اني اكون رسمتلكم صورة _ ولو بسيطة _ عن الاخلاص , والاجتهاد , والتضحية , اللي اتفقنا انها مش شعارات او كلمات في خطب رنانة . المشاركة مفتوحة للجميع ولو حد عندو نموذج يخدم فكرتي وموضوعي يتفضل .. تحياتي |
احنا كان عندنا واحدة ست جوزها مات وسابلها 4 او 5 عيال مش فاكر بالضبط
المهم الست مستسلمتش لكنها قعدت تشتغل في الغيطان ولما كبرت ومبقتش قادرة على شغل الغيطان قعدت تعمل افران بلدي وتبيعها يعني الاسقف بتاعت الافران ودلوقتي اولادها كبروا واتجوزوا وخلفوا كمان وانا الصراحة بافرح اوي لما اشوف الست دي ربنا يحسنلنا ويحسنلها الختام ويجزيها خير على اللي عملته |
بصراحة فعلا لسة فى الدنيا خير
بس تفتكروا ان الناس كانت هتهتم بواحد الا اذا كانمعروف بصيبته وامنته واخلاصه وحبه للناس الانسان سمعة يااصحاب تخيلوا واحد نصابوغشاش ممكن حد يسأل عليه لما يغيب |
اقتباس:
صح يا احمد دا بردو نموذج الواحد يتشرف انو يتكلم عنه او حتى مجرد انه يعرفو شكرا ليك |
اقتباس:
اعتقد ان ربنا كافئة بحبه واخلاصه واجتهاده وسمعته الطيبة بحب الناس ليه ودي بتهيالي نعمة كبييييير قوي وصعب ان اي حد ينولها شكرا ليكي |
الدنيا بخير ياباشمهندس
وشكرا ع الموضوع |
موضوع جميل قال الرسول الخير في امتي الى يوم القيامة بارك الله فيك يا هندسة |
|
اقتباس:
شكرا على رد حضرتك تحياتي |
اقتباس:
صدقت يا رسول الله تحياتي لحضرتك |
اقتباس:
شكرا لحضرتك |
شكرا علي الموضوع الرائع دا
|
اقتباس:
شكرا على رد حضرتك الاروع |
| جميع الأوقات بتوقيت GMT +2. الساعة الآن 04:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.