|
شعورك ايه لما تلاقي مشاهدات كتيرة على موضوعك ومتلقيش ولا رد ؟والله حاجة تكسف
يلا قولو رايكم يمكن نغير الطبع ده في اغلب الناس بجد والله حاجة تكسف ببقى نفسي احذف الموضوع احسلي انتو عارفين لما نلاقى موضوع محدش رد انا والله بقصد ادخل وارد علشان صاحب الموضوع ميزعلش انا يمكن مزوداهاشوية بس يلا احنا مش ورانا حاجة حد وراه حاجة .؟؟؟؟ |
هى فعلا حاجة تزعل
أكدب يعنى وأقولك مش تزعل لكن بصبر نفسى وأقول كله عند الله المهم يكونوا استفادوا يمكن بيخافوا من الأخطاء الإملائية وعلى فكرة فيه ناس اقترحت أن المنتدى يكون بنظام ضع رد ليظهر لك المحتوى عارفين الحكاية دى طبعاً بس بصراحة الادارة والمسئولين عن الموقع رفضوا لأنهم اعتبروا ما يقدمونه خدمة دون مقابل حتى ولو كلمة شكراً وأخيراً أقنعت نفسى أن ما أقدمه لوجه الله جزاؤه عند الله تصدقى ارتحت خالص الشكر والتحية على موضوعك الرائع تقبلى مرورى |
بصي والله انا بزعل شوية
بس بضحك على نفسي واقول ما يمكن المشاهدات دي من الزوار اللي مش متسجلين او يعني يمكن الموضوع مش عجبهم وفي الحالة دي بيجيلي احباط بس زي ما قالت الاستاذة ام شاهندة انه بيحتسب عند الله سبحانه وتعالى |
شئ مؤلم جدا جدا
ولكننا نعتبر عدد المشاهدات ردود ! وعدد التحميلات ردود ! وثواب الله أعظم وأجل |
اقتباس:
شكرا لمرور حضرتك الكريم ده وفعلا الااجر عند الله ايه رايكم ناخد عهد على نفسنا نرد على كل موضوع نقراة هي صعبة شوية بس بالتعود عادي شكرا لحضرتك |
اقتباس:
والله فكرة بردو شكرا ليكي يا قمر |
اقتباس:
مرور حضرتك يعد شرف لي شكرا لحضرتك |
الموضوع عادي جداا
انا لو هزعل يبقي مش هكتيب مواضيع تاني انا مسجلة في المنتدي من 2008 كان في الوقت دا انا كنت بكتب موضوع بالليل وشوف اصبح الاقي ردود ونقاش كثير جداا وناس تقعد تتنقاش في نفس الوقت ام دلوقتي الحال اختلف كثير ع العموم شكراا ع الموضوع |
اقتباس:
شكرا لمرورك العطر |
عادى جدا المهم استفادة الاعضاء والمشاهدين من الموضوع ان كان به افاده
اما موضوع الردود فاعتبره تواصل من الاعضاء ومناقشه للموضوع او مجامله وطبعا الاحسن الرد والمناقشه مشكوره |
سؤال محرج.. بضايق صحيح بس مش أوى
الأول كان بيجيلى إحباط دلوقت لا بتقبل الأمر عادى وبحاول أعمل الأحسن وشكرررررررا يا جميلة لموضوعك |
اقتباس:
اقتباس:
اقتباس:
اقتباس:
اقتباس:
اقتباس:
الموضوع مؤلم جدا ويزعل انا هضيف حاجة واحد العضو صاحب المشاهده هو اللي خسران و خصوصا اللي مش مسجل في احلي وأكبر منتدي في مصر والعالم العربي المشاركه والمناقشة ده تميز وانا نفسي الكل يكون متميز بس الحمد لله احنا متميزين انا أديت الصدقة (المعلومة ) من غير ماعرف هي رايحة لمين وكده او كده خت الحسنة يعني انا كده او كده اللي كسبان لو شكرني علي المعلومة يبقي كتر خيره انسان محترم ولو عمل غير كده برضه أنسان محترم العلم رسالة مش مشاركه خليها علي الله وانا والله بحبكم في الله |
طبعا بدون لف ودوران وادعاء المثاليه
أنا بزعل وببقى هفرقع كمان هو أنا كاتب الموضوع علشان أحمصه ولا أهوى عليه ؟ شكرا ع الموضوع الجميل |
بالنسية للردود
العبرة عندي بالكيف لا بالكم فهناك رد على الماشي وهناك رد يعبر عن فهم الموضوع والغرض منه وهناك رد يضيف معلومة للموضوع أما حجم المشاهدات فهو أيضا مهم بالنسبة لي لأنه يعبر عن كم الافادة المقدمة للآخرين وإن قلت المشاهدات فربما لأن عنوان الموضوع غير جذاب أو أنه مكرر مثل ( حدث في مثل هذا اليوم ) أو ربما أكون أسأت إختيار الموضوع فأستفيد من أخطائي ولا حرج تتعوض في مواضيع أخرى وفي النهاية ( موضوعك غاية في الروعة ويمس كل الأعضاء خاصة النشطين منهم ) |
الصراحة هوا موضوع يكسف فعلا
مش عارف ليه الناس بتكسل ترد وفيه ناس حتى لو ردت بترد ردود تافهة ملهاش لازمة انا طبعا مش بتكلم على المنتدى هنا لاني لسة جديد ومش عارف النظام بالظبط لكن بتكلم على منتديات تانيه كتير وطبعا الاتنين بيعملوا احباط لصاحب الموضوع وانا عن نفسي بضايق جدا لو ده حصل معايا وربنا يهدي |
| جميع الأوقات بتوقيت GMT +2. الساعة الآن 06:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.