عـــــاجـــل لمعالى وزير التربية والتعليم ( الكمبيوتر الى أين ....
 

نرجو من سيادتكم الاهتمام بمادة الكمبيوتر فى المرحلة الاعدادية والثانوية

وعيب قوى لما يكون الكمبيوتر ( لغة العصر ) واللى بنطلب من المعلمين ضرورة الحصول على شهادة icdl يكون عليه ( 20 درجة ) فقط على مدار الترمين ونصفهم ضايع فة الانشطة يعنى المحصلة ( 10 درجات ) يعنى ولا حاجة وعايزين ولادنا يهتموا بالكمبيوتر وينموا عقولهم وهما عارفين ان المادة على الهامش .

أما المرحلة الثانوية للأسف لا يوجد منهج ولا كتاب ( اسف يوجد كتاب بس فاضى ( فارغ) من حيث المحتوى )
ولا يضاف للمجموع يعنى سد خانة

فنرجو من معالى الوزير الذى يسير على خطى التصحيح ( وربنا معاه ويوفقه ) ان معاليه يلقى نظرة على هذا الموضوع ويحاول يرفع درجات الكمبيوتر اكثر من كدة لان ده الوقت اللى لازم نعلم فيه ولادنا الكمبيوتر .

وارجو لكل مدرسى الكمبيوتر أن يشاركونى وتعاونوا معايا فى هذا الموضوع .

انا مؤيدك في كلامك

فعلا كلامك صح والا ماهى فايدة تعليم المدرسين الكمبيوتر
والطالب عنده معلومات شخصيه افضل من المدرس عن الكمبيوتر

وأنا معاك ومؤيد ليك فعلا المادة . لازم تحصل على إهتمام أكثر من كده .
ويكون الكتاب منظم أكثر من كده بلاش الخطاء العلمية اللى موجوده فيه .
عيب الكتاب يكون فيه اخطاء كده . حتى المدرسين بيشرحوا بعض المسائل والبرامج وهما مش مقتنعين بيها اصلا . والحمد لله بعض البرامج لا تنفذ .
الكتاب عباره عن نقل وترجمة من الكتب الأجنبية وخلاص . وياريت نقل وترجمه صح لأه خطأ وبدون تفكير .

فعلا لازم يتم رفع درجات الكمبيوتر من الابتدائى للثانوى والمادة تاخد اهتمام اكبر دا حتى الموجهين من يوم ما بقى الكمبيوتر نشاط فى المرحلة الابتدائية معدوش بيزوروا المدارس الابتدائية وتم تهميش المادة كليا

ياخى المكرم
اين الكتب
اين الاجهزه
اين المدرسين اللذين يقومون بتدريس هذه المواد
ولو كان هناك مدرسين كمبيوتر او حايوب
فانهم مشغولين فى اعطاء دورات
لمدرسى المدارس
وسلامتك وتعيش

لابد ونحن نتحدث ونحكم ندرك ان الغالبية العظمى من معلمى مصر شرفاء شرفاء شرفاء والقلة القليلة التى دخلت مؤخراً فى ظل التلوث الاجتماعى وهم محدودون جدا هم من اساء للعملية التعليمية أخى algazzr

انا لست مؤيد هذا الكلام لان الطالب مش ناقص وبعدان انا مش بحس ان احنا بنستفيد حاجة من كتاب المدرسة وعارفين كل اللى فى عملى

أولا يجب عدم تكليف مدرسى الحاسب بأى أعمال إدارية مثل الحكومة الألكترونية لأن ذلك يعطل مدرس الحاسب عن تدريس المادة