|
الاستاذ بلية (عشرة نصائح لاستقبال نتيجة الامتحانات)
السلام عليكم ورحمة الله وبركاته النتيجة قربت وكل واحد فيكم حاتط ايدة على قلبة وعلشان كدة ومن واقع خبرتى قررت انى اديكم شوية نصائح عن كيفية استقبال نتيجة الامتحان والله الموفق . اولا : ياريس لازم تحبكها فى البيت قبل النتيجة بمعنى اية انك لازم تفرهض فى السرير بتاع اربع خمس ايام كدة ويجيلك كل الامراض اللى ما تخترش على بال بنى ادم علشان اللى فى البيت قلبهم يحن يامعلم وياجلو المواجهة لو النتيجة جت لاقدر الله زى ما انت متوقع وشلتلك بتاع اربع مواد كدة . ثانيا : تبتدى تمرن نفسك على كيفية البكاء المستمر وتتعلم ازاى تتشحتف علشان تصعب على كل اللى يقبلك . ثالثا : تدرب على بعض الفنون القتالية زى المصارعة او الكارتية مثلا ودة ضارورى لية بقى يانجم هقولك انا علشان هيبقى فى ام لا اله الا الله واقفة على النتيجة فلازم انت تكون مستعد لكدة علشان توصل فى اسرع وقت ممكن علشان انت عارف بيبقى فى هواة تقطيع الورق دول عرفهم طبعا الواحدة من دول تعرف انها شايلة السنة تروح مقطعة الورقة وحلينى انت بقى يا معلم عقبال ماتعرف النتيجة بتاعتك . رابعا : لازم يا نجم تروح تجيب نتيجتك بنفسك علشان ماتبقاش واقف هيغمى عليك وانت مستنى صحبك يجبهالك وتلاقية بعد دة كله خارج يقولك انت شيلت 3 مواد لية دة ظلم (اليعنى الواد حل اوى) . خامسا : انك تتحلى بكل انواع البرود علشان انت هتقابل اليوم دة اللى عمرك ما شوفته يعنى انت خارج كدة وشايل اربع مواد وتلاقى ام احمد الفراشة بتقولك الحلاوة يابية فا انت لو مكنتش هادى هتعمل حاجة من الاتنين ياتموتها لا تموت نفسك فلازم تبقى هادى وتستحمل علشان اللى جاى اصعب . سادسا : لازم تؤمن وتصدق ان النتيجة دى بتاعتك ومفيش غلطات مطبيعة (احنا هنمثل ما انت عارف انك شايل شايل) سابعا : تاخد بعضك يا معلم وعلى اقرب مطعم وتاكل اكبر كمية من الاكل علشان انت الفترة اللى جاية هتكن فى اوضتك ومافيش اكل (ولا انت معندكش دم وهتقعد تاكل مع باباك وممتك على اساس انك احمد زويل) ؟ ثامنا : نيجى لاصعب لحظة الا وهيا نقل الخبر للأعداء (باباك ومامتك) وهنا هنرجع للبند رقم اتنين بتاع الافلام الماسوية والبكاء المستمر . تاسعا : اول ما تشوف باباك اول كلمه تقولها حرااااااااااااااااااام دة ظلللللللللللم ويغمى عليك يا معلم وماشوفش وشك فايق غير بعد 14 يوم اتفقنا . عاشرا : رقم بوليس النجدة 122 اوعى تنسى ( دة فى حالة لو الناس عندك فى البيت ما بيخلش عليهم الحاجات دى ) الموضوع منقول التعليق ع الموضوع طبعا يا جماعة الكلام دة للناس اللى .............ان شاء الله احنا شباب المنتدى مش منهم وكلنا نحصل على مجموع القمة باذان الله عشان دى سنة بدر المنتقم وربنا معنا كلنا شباب ثانوى وبالتوفيق ان شاء الله وتمنياتى لكم بالنجاح والتوفيق . ومش هتعملوا كل الكلام الفاضى ده ان شاء الله |
إن شاء الله الكل ناجح
سأترك الموضوع كنوع من الدعابة وتخفيف حدة التوتر ولكن لا زال أمام النتيجة عدة أيام ترفقوا بأعصابكم والله الموفق |
بارك الله فيك أستاذنا الفاضل
خالص تحياتى لمجهود حضرتك جعله الله فى ميزان حسناتك وبصراحة انا كنت هموت من الضحك لان كلامك دة بيحصل وحقيقه هههههههه |
ههههههههههههههه شويه كلام زى العسل
|
اقتباس:
اقتباس:
|
هههههههه هو الموضوع جامد
بس الحقيقة انا خايفة جدا واللي عندى في البيت بقي منتظرين وحطين امل كبير ربنا يستر علينا |
اقتباس:
كلمة أستاذ تعتبر أحترام وتقدير لحضرتك مش شرط تكون طالب أو أستاذ بمعنى ألكلمة وشكرا |
جدع يا اد ابو مهند ضحكتني والله
|
بارك الله فيك وجزاك الله كل الخير
|
شكراااااااااااااااا على الكلام الجامد ده فطستنا من الضحك ............
|
والله أنا حاسة أني يا أما حموت ياأما حنتحر في اليوم اللي هتظهر فيه النتيجة وخايفة لاحسن أخيب أمل بابا وماما فيا دول تعبوا معايا قوي أنا عارفة أني هجيب مجموع وحش جداااااااا بس ربنا يهون هذا اليوم ع الجميع..........:bosyht9: :bosyht9: :bosyht9:
|
اللهم أسترها مع الجميع ...آمين ................................
|
ان شاء الله هنكون مبسوطين
لأن(ان الله لا يضيع اجر من احسن عملا) |
بجد موضوع جميل
انا داخلة ان شاء الله تانية ثانوى هى نصيحة مفيدة هدرب عليها من النهاردة لحد السنة الجايه اصل الواحد فاشل جداااا ^_^^_^^_^^_^ |
شكرا لردود حضرتكم والاهتمام دة الى الامام ان شاء الله
|
| جميع الأوقات بتوقيت GMT +2. الساعة الآن 06:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.