احلام مدرس
 

تعبت كتير ومش قادر
ومليت الوعود والزيف
ولما قالوا ع الكادر
ماصدقتش ياعم نظيف
ولما كترت الأخبار
...وحسيت الحكاية جد
دعيت المولى ليل ونهار
ولايشمتش فينا حد
وجهزت الجيوب للمال
ومنيت البطون فتة
وهلليت وناديت ياعيال
بقالنا وضع فى الحتة
وأحلامى بقت بالكوم
وانا نايم وانا صاحى
بقيت احلم بهذا اليوم
ميلاد "كدرى"وافراحى
وعدى شهر بعده شهر
ولاكادر ولاغيره
وتسقينى مراتى المر
وبيتى نويت اشوف غيره
من قصيدة ...احلام مدرس ...نشرت بجريدة الجمهورية
قصيدة ل../هيثم عبدربه السيد

معانا يارب

ههههههههههههههههه جميلة جدا ربنا ياخد المفترى

من ناحية النقد اللغوى ........
من ناحية رسم صورة الواقع ممتازة والله

ده اللى احنا ممتازين فيه ههههههههههههههههه

لا افهمك
 

لا افهمك سيدى الفاضل ..يعنى ايه ده اللى احنا ممتازين فيه ....ده ابداع..مش عاجب سيادتك اوك دى حرية ورأى وله احترامه .....لكن صيغة التهكم ..لماذا؟..لم اتعرض لشخصكم الكريم.....طاب مساؤك

إنشاء الله خير وهاتتغيير كل هذه العبارات لعبارات تفاؤل وأمل
قولوا يـــــــــــــــــــــــــــــــــــــــــــــــــ ــــــــــــــــــارب

كلام يقلب المواجع

جميلة
لمست احساس كل واحد فينا

ياحلوتك ياهيثم

شاعر موهوب, كلام معبر ,دور ايجابى- نشرت فى جريدة رسمية
هايللللللللللللللللللللللللللللللللللللللللللل