السلام عليكم ورحمة الله

كيفكم يا شبابنا عاملين أيه ؟؟

إحنا النهارده جايين مش عشان نضايقكم ولا عايزين نكون تقال عليكم

بس عايزن نقولكم كلمتين على طول .. و إحنا عارفين أنكم هتسمعونا

لأنكم لسه بخير .. مش هنطول عليكم

إعتبروا أكنكم هتقرأوا قصة ميكى حتى .. بس عايزنكم تقرأوا بقلبكم

إحنا شباب زينا زيكم .. فى نفس سنكم

بيجمعنا أننا كلنا عرب .. ولينا نفس المشاكل

كلنا زهقانين .. ومضايقين .. وكارهين الدنيا

مش عارفين نعمل أيه ... لا شغل موجود ولا عيشة كويسة متوفرة

بس إللى بيفرقنا عنكم بشوية ..

أننا عرفنا الطريق الصح ,, عرفنا إزاى نخرج من كل المشاكل والهموم ديه ,,

أخيراً .. لقينا حد يسمعنا ويفهمنا

لقينا حد عرف يقدر قيمتنا .. مش يضايقنا بكرمة إننا مش نافعين

تعرفوا لقينا مين ؟؟

لقينا أنفسنا الحقيقية كانت تايهة فى بحار الظلام

إحنا إللى غرقناها من كترة الذنوب والمعاصى .,.

إحنا غرقناها بتجاهلنا لاصلنا .. و نسيانا للحاجات الحميلة جوانا

اقولك على حاجه

انت احسن شاب في الدنيا

والله مخك مش تخين

عندك حق لما تقول اللى حوليا مش فاهمني

انت احسن شاب في الدنيا : لما تكتشف نفسك اعرف مين انت لانك ممكن تكون متعرفش انت ممكن تعمل ايه ..
بس دور في نفسك هتلاقي الحب والدين والاجتهاد هتلاقي كتير كتير بس انت امسك شمعه الدين اللى

هتنورلك الطريق

والله مخك مش تخين : فكر شويه كدة معانا .. مش معقول يعني تبقي شاب عربى

ويبقي دة مستوام بالمدرسه تعيد السنه مرة واتنين طب ليه فكر مع نفسك وبأذن الله هتوصل لحد ولوحدك

كمان ابسط يا عم
عندك حق لما تقول اللى حوليا مش فاهمينى : ليه بقي ... لانك حاطط على نفسك علامه × زي ما تكون

بتقول ممنوع الاقتراب طب ليه عاوز تعيش لوحد طب تخيل شويه لو ربنا خلقك لوحدك مفيش اهل معاك

مفيش غير صحابك صراحه حياه ملهاش معنى ..

ليه يا شباب عملنا فرق بينا وبين أهلينا .. ليه دائما بنقول عليهم دول متخلفين

ومش فاهمين حاجه فى التقدم ؟؟

هو التقدم يعنى نمد أيدينا على اهلنا ,, يعنى نسيئ لهم .. يعنى نشتمهم

لا أبدا التقدم هو أنك تكون ملك العالم ..

و تنزل تبوس أيد أمك و أبوك كل يوم

صدقنى هو ده التقدم

أحنا مش عايزين نطول عليكم فى أول جلسه لينا .. أحنا خلاص بقينا أصحاب

وهنقعد دائما مع بعض .. بس قبل ما نمشى عايزنك تجاوبنا على شوية أسئلة

عشان نيجى المرة الجاية نتكلم معاكم فى إللى مضايقكم أنتم ,,

1 :: أنت حاسس أنك لقيت نفسك فى الدنيا ديه ؟؟

2 :: أنت بجد راضى عن نفسك و عن أفعالك ؟؟

3 :: أنت حاسس أنك بجد لقيت حد يفهمك ؟؟

4 :: حاسس أنك قريب من أمك وأبوك ؟؟

5 :: حاسس أن أصحابك أهم عندك من أمك وأبوك ؟؟

بس دول شوية أسئلة يا ريت تجاوبنا عليهم ....

و أخيراً ويا ريت تقولنا بجد

و أفتح لنا قلبك .... أنت أيه المشاكل إللى بتواجهك ؟؟

أحنا مستنينك ,, بس قبل ما نمشى عندنا ليك هدية

هدية تعارف عشان ديه اول مرة نقابل فيها بعض

دية شوية تصاميم من شياب مجموعتنا هدية ليكم

http://www13.0zz0.com/2010/07/08/11/734944662.jpg


http://store1.up-00.com/Jul10/pJe88373.jpg

http://store1.up-00.com/Jul10/D3G88373.jpg


وكمان الأنشودة الجميلة دية .. يلا أسمعوها .. يلا يا شباب

http://www.rofof.com/7eubkp2/Yla_Ya_Shbab.html

يا ريت ما نكونش ضايقناكم .. بس بجد أحنا بنحبكم .. ومستنينكم .. أنتم كمان أستنونا

مع السلامة ,,, مجموعة قلوب تنبض بالأمل

Hearts Of Hope

^^