::: انا بجد مش حاسس بنفسي من الصدمة ::::
 

ياجماعة بجد الي حصلي النهاردة كان كابوس والله كابوس بعد ماكنت بقول انا هجيب في التمانينات وربنا يستر عشان الامتحانات صعبة لقيت نفسي النهاردة وانا بجيب النتيجة مش حاسس بالدنيا خالص
انا جبت 63% وشايل رياضيات انا مش عارف اعمل ايه واتصرف ايه اذاكر للدور التاني واشوف مدرس ولا ااجل للسنة الجاية ولا اعيد السنة كلها
انا ادبي بس بردوا شايف ان مجموعي ده ميجبش حاجة خالص ولا ينفع انا بجد بنهار لما بسمع مجاميع الطلبة التانيين ربنا يباركلهم في مجاميعهم طبعا انا مش بحقد بس كان نفسي علي الاقل في المعقول خصوصا اني حليت كويس والله في مواد زي الانجلش والتاريخ وناقص فيهم بردوا كتير مش عارف ليه دانا مراجع الامتحان بتاع التاريخ ده يجي 6 مرات وبردوا نقصت 5 درجات كاملين
انا والله مش عارف اعمل ايه انا طلع في دماغي اني اعيد السنة واشد علي نفسي واقضيها بالطول والعرض انا مش قابل المجموع ده خالص ولا مصدق لحد دلوقتي انا فعلا اتظلمت ولا ده حقي
معلش طولت انا بس عايز اسال عن امتاحانت الدور التاني هل بناخد الدرجات بتاعتها كاملة ولا بتبقي مش كاملة؟
وهل لو اجلت اخد درجاتها كاملة ولا لا. ؟
وهل ينفع اعيد السنة خصوصا اني شايل رياضيات وانا الصراحة مبقتش تفرق معايا سنة ولا واكتر المهم اثبت لنفسي اني اقدر
والله انا مش عارف اعمل ايه ولا ايه

والله مش عارفه افيدك بس استهدي بالله وفكر قبل ماتاخد اي قرار وانشاء الله ربنا يسهلك كل حاجه

المشكلة ان في الدور التاني لو جبت مثلا 50/50 في الرياضة بتاخد 25 درجة بس يعني النص

انا جايب 3 مواد اعيد سنة ولا امتحناه دور تانى ارجو اى حد يرد ونبى عشان زعلان

بلاش يا جماعة حكاية اعادة السنة دى واللهى ربنا معنا كلنا انا كمان مصدوم جيب 80 بس الحمد لله ومش هعيد بس هثبت وجودى فى السنة الجاية حفظ ماء الوجة اما ااصحاب خصوصا ان يلا بلاش بقى معنا ربنا

دلوقتى ينفع امتحان تلات مواد دور تانى

ومن هنا يتولد التحدى واثبات الذات
بارك الله فيك
وبالتوفيق إن شاء الله

اللى انا اعرفه انى اللى بيشيل ماده بيدخل يمتحن فيها فى دور تانى لو نجح بيدخل تالته اما لو انت امتحنت فيها ومنجحتش فيها

بتدخل تالته ومعاك الماده دى

انا كمان ادبى والحمد لله وكنت تاريخ بردو

فربنا معاك ويهديك

فعلا بجد شئ صعب جدا بعد ماكنت داخل عشان اجيب مجموع متوسط دلوقتي بدور علي النجاح

مش عارف والله بس انا سمعت من ناس انك ممكن تعيد

طيب انا لو اجلت الرياضيات لتالتة يعني مدخلتش الدور التاني هل ساعتها اخد درجتها كاملة ولا زيها زي الدور التاني بردوا

لا طبعا لو خدت الرياضة معاك هياخدوا بس 25 درجه مش اكتر هى درجة النجاح فى الرياضة كام 20 ولا 25 حد يرد بليز

ااااه
انا كده هبتدي افكر تاني اني اعيد السنة كلها والله

انا عايز اعرف من الاخر هل ينفع مدخلش الدور التاني واخد مواد تالتة عادي + الرياضيات
والرياضيات هتبقي بردجتها الطبيعي ولا درجة النجاح بس