|
الى كل اللى دخل هندسة
معلشى يا جماعة انا محتاجة مساعدة منكم ضرورررررررررررررى انا فى تانية ثانوى وجبت 86 فى الميه وقدر الله وماشاء فعل يا ترى لو موت نفسى ف المذاكرة السنة الجاية اجيب هندسة ولا مش هلحقها مهما عملت خلاص انا كدا ضعت
|
رد
السلام عليكي ورحمة الله وبركاته الف مبروك انسة رشا وان شاء الله بالتوفيق والنجاح الباهر انا رايي ان الاول حضرتك تصلي صلاة استخارة وربنا يكرمك وتتوجهي للي فيه الخير لكن اعتقد انك لو بذلتي مجهود كبير في تالتة ان شاء الله تلحقي هندسة لان المجاميع السنة دي منخفضة جدا علي المستوي العام وكمان انا اخويا كان جايب 94 في تانية وشد حيله في تالتة وجاب الحمد لله 100% فأكيد تالتة ان شاء الله افضل من تانية وربنا يوفقك ان شاء الله |
ميرسى جدا على ردك ومرورك
انا كنت سامعة ان هندسة بتاخد من 95 و 94 بس انا هتوكل على ربنا واخد رياضة 2 وربنا يوفقنى والحق هندسة |
اولا عايز اقولك الف مبروك علي النتيجه وان شاء الله تجيبي اعلي في 3
ثانيا اسمحيلي اني اقولك نصيحه تنفعك ان شاء الله في اختيار السنه الجايه سواء علمي او ادبي مش مجرد كلام يرفع الروح المعنويه بس يارب تستحمليني المهم ندخل في الموضوع دلوقتي انتي بتقولي انك جبتي 86 في تانيه تمام كده فدلوقتي لازم تكوني عارفه ان تالته علمي رياضه اصعب من تانيه بس الواحد بيبقي خد خبره وبيبقي عارف النظام فمبيتعبش اوي ان شاء الله بالنسبه بقي انك لو تعبتي في المذاكره ياتري هتجيبي مجموع وتدخلي هندسه ولا لاء الاجابه عن السؤال ده محتاج اني اعرف حاجات كتير اولها درجات بقيت الناس وياتري هل الدرجات كلها قليله فالتنسيق هينزل جامد ولا لاء؟ تاني حاجه انتي فعلا ذاكرتي وعملتي اللي عليكي السنادي ولا لاء لو كنتي عملتي اللي عليكي يبقي منصحكيش بصراحه تكملي علمي لو كنتي استهترتي شويه فانتي اكتر واحده ادري بده وادري بنفسك انك لو عملتي اللي عليكي هتقدري تجيبي كام اعتقد هو ده كل الموضوع من وجهه نظري ويارب مكنش نسيت حاجه واخيرا عايز ابشرك واقولك اني كنت جايب 95 في تانيه وجبت في 3 100% واعرف واحد قبل كده كان جايب في 2 90 وجاب في 3 100% برده واعرف واحد دلوقتي في البكالوريوس في هندسه خلاص كان جايب 88 في 2 وعوض في 3 ودخل هندسه فالموضوع مش صعب ان شاء الله بس لازم تكوني عارفه نفسك كويس لاني اعرف برده امثله عكس كده بس مش لازم اقولها ومتنسيش الاستخاره وبرده كل ده يتوقف علي التنسيق لانه ممكن يوصل لدرجه تخليكي مهما عملتي هيبقي صعب تجيبي هندسه بس ان شاء الله مش هيحصل ومعلش طولت عليكي شويه بس يارب تكوني استفدتي من كلامي وربنا معاكي |
اقتباس:
مين :d في حد من 94 يجيب 100% :d __________________________________________________ ____________________ هو طبعاً في امل انك لو عليتي مجموعك كتير في تالتة تحلقي هندسة هندسة مش حتاخد اكتر من 91% ونص مثلاً لو جبتي في تالتة بتاع 95 او 96 حتجيبي المعدل المطلوب بس ده لو انتو متأكدين إنه كل التنسيق حينزل والمجاميع قليلة لإني على قد ما سمعت إنه في ناس نزلت للتمانينيات والسبعينات في ناس كتير مقلتش عن 97% |
لا بصراحة انا كنت مستهترة جامد ف تانية ومكنتش بذاكر مش عارفة ليه !!! واتظلمت جامد فى التصحيح وكنت عاملة لنفسى 92 دا يوم ما انقص جامد يعنى وقدر الله وماشاء فعل و الحمد لله على كل شىء وربنا يقدرنى يارب والحق هندسة
|
|
شدي حيلك بس السنة دي
|
ماهو بصى انتى مش هتتعبى وربنا هيضيع تعبك اكيد لأ
مهما كان اللى هتخشيه حتى لو معهد ام عبده للتطريز :d بس الفكرة كلها انك لازم تتعبى السنة الجاية عشان اولا ماتقوليش كانت غلطتك وتبقى عارفه انك عملتى اللى عليكى وربنا اللى عايز يهديكى لحاجة افضل وان شاء الله اساسا هتخشيها لان المجاميع كلها قليلة وانا متوقع ان التنسيق هينزل نزلة حلوة يعنى :d اللى هو ممكن تلاقى نفسك فى الاخر داخله مستريحه لو شديتى حيلك السنه الجاية |
اقتباس:
بس تلحقي قبل 15 يوم من ظهور النتيجة .. معرفش باقيلها قد ايه بس محدش يكسل |
ا فى2 ثانوى وجبت190.5يعنى 93 وانا علمى علوم وكان نفسى التحق بكلية الصيدلة بس ده صعب وممكن بمجموعى ادخل كلية العلوم قسم تحاليل بس انا نفسى اكمل
وفى مدرسين نصحونى وقالولىادخلى علمى رياضة بس نفسى اعرف قبل الالتحاق بكلية الهندسة لازم امتحان الرسم للمبانى ولا لا ولو فشلت مينفعش اخش كلية الهندسة بس لو بذلت اقصى مجهود والتوفيق من عند الله طبعا ممكن ادخل كلية الصيدلة وانا بحب مواد العلوم من صغرى بس الرياضة 2 بتنقص كثيير علشان كدة خايفة اخش علمى علوم حتى كلية العلوم عن طريق العلمى رياضة مفهاش القسم الى انا بحبة ونفسى ادخل علمى علوم وان الله لم يريد لى كلية الصيدلة ان شاء الله كلية العلوم قسم تحاليل وياما نصحونى وقالولى ادخلى حسب ميولكم وفى يقولولكملىعلمى علوم وفى يقول كملى علمى رياضة وانا والله صليت صلاة استخارة يعنى اعمل ايه اكمل علمى علوم ولا لا الهندسة قبل الالتحاق بها يوجد امتحان اريد الرد فورااااااااااااااااااااااااااااااااااا |
اولا اول مره اسمع عن الامتحان اللى قبل هندسة ده
ده اولا ثانيا 93 لو شديتى حيلك السنة الجاية هتقدرى تخشى ان شاء الله اللى عيزاه بالمجاميع دى وعموما استنى التنسيق ان شاء الله |
[quote=ALLALL;2418116]ا فى2 ثانوى وجبت190.5يعنى 93 وانا علمى علوم وكان نفسى التحق بكلية الصيدلة بس ده صعب وممكن بمجموعى ادخل كلية العلوم قسم تحاليل بس انا نفسى اكمل
وفى مدرسين نصحونى وقالولىادخلى علمى رياضة بس نفسى اعرف قبل الالتحاق بكلية الهندسة لازم امتحان r]قدرات زى كلية الفنون الجميلةفشلت مينفعش اخش كلية الهندسة بس لو بذلت اقصى مجهود والتوفيق من عند الله طبعا ممكن ادخل كلية الصيدلة وانا بحب مواد العلوم من صغرى بس الرياضة 2 بتنقص كثيير علشان كدة خايفة اخش علمى علوم حتى كلية العلوم عن طريق العلمى رياضة مفهاش القسم الى انا بحبة ونفسى ادخل علمى علوم وان الله لم يريد لى كلية الصيدلة ان شاء الله كلية العلوم قسم تحاليل وياما نصحونى وقالولى ادخلى حسب ميولكم وفى يقولولكملىعلمى علوم وفى يقول كملى علمى رياضة وانا والله صليت صلاة استخارة يعنى اعمل ايه اكمل علمى علوم ولا لا الهندسة قبل الالتحاق بها يوجد امتحان اريد الرد فورااااااااااااااااااااااااااااااااااا[ حد يرد على |
انا جايب 83 % مرحلة اولى لو شديت حيلى وجبت فى 3 ثانوى 95% او 96% ممكن احصل هندسة حكومى ياريت الرد ياجماعا بليز
|
بصراحة انتى موقفك صعب اوى لان درجتك مش هي الكويسة ولا هى اللى مش كويسة
هو انتى ممكن تكملى علمى رياضة بس هيكون صعب ان تلحقى بأحدى كليات الهندسة مع العلم بأنه شئ مش مستحيل ومفيش حاجة بعيدة عن ربنا سبحانه وتعالى بس انتى شيدى حيلك ولو ملحقتيش هندسة اكيد هتلحقى حاسبات او هندسة الكترونية او فنون تطبيقية والله خير موفق ويارب نشوفك فى كلية هندسة علشان نكون زمايل :d:d:d |
| جميع الأوقات بتوقيت GMT +2. الساعة الآن 06:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.