|
عمري 19 وعايزة عريس وسيم فهل أجد طلبي عندكم !!!
السلام عليكم ورحمة الله وبركاته ازيكم ياجماعة؟ طبعا العنوان مش عندي لاني ببساطة عندي 18 :d المهم انا كنت بدور في النت لقيت موضوع مكتوب ايه اريد عريسا قلت ادخل انتم عارفين ان معظم المواضيع بتبقي عنوانها جذابة لجذب المشاهد لقيت الموضوع حقيقي مكتوب انا عندي 19 سنة وعايزة عريس وسيم وحاجات من الحاجات دي يعني ولقيت مواضيع مرتبطة بالموضوع دا وفتحت موضوع تاني لقيت مكتوب صديقتي منتقبة ومحفظة قرآن وعمرها 22 سنة وشعرها بنفسجي هههههه:d وترغب في الزواج من وسيم عجباني اوووي من وسيم دا ع كدا كل اللي عايز تتجوز عايز تتجوز وسيم:006et4: ياريت اللي اسمه وسيم يظهر بئا بقالهم كثير بيدوروا عليك:bosyht9: وبردو وانا بتفرج علي التليفزيون في قناة بيبقي فيه شريط تحت في القناة شات يعني بنت داخلة وتكتب اريد الزواج من شخص جاد وانا مرة بدور ع صور في جوجل لقيت مكتوب لمن تبحث عن شاب مسلم فضولي خلاني ادخل اتفرج:d فلقيت ان المسلمين كمان بيبقوا في المواقع بتاع الزواج طبعا كنت عايزة اشوف المسلمات هل هم محجبات ولا لا؟! لقيت ان فيهم نسبة كبيرة محجبة والمصيبة الكبري انهم حاطيين صورهم:(:( ومسلمات أجانب كمان أصل فيه اختر البلد قعدت اتفرج :d اخترت مصر وتركيا لقيت فيها بنات من تركيا وحاطيين صورهم ومحجبات طبعا مش شرط ان كل الفتيات التركيات كدا طبعا انا بس بقول ع حاجة تخدم موضوعي لدرجة اني مرة لقيت اعلان بيعلن عن زواج مسيار(معرفش يعني ايه) وزواج عرفي (هو دا المصيبة الكبري:bosyht9:) المهم يعني الموضوع دا عن طريق ان العروسة بقت هي اللي تعرض نفسها والمشكلة ان سنهم صغير يعني مفيش واحدة فيهم دخلت سن العنوسة يعني اللي عمرها 19 اللي لسه بتدرس بدور ع الجواز دلوقتي ليه بالله عليكم !! نفسي افهم !! انتم ايه رايكم في اللي تعرض نفسها وبالذات ع الانترنت والشات في التليفزيون!! وتحطي صورتها كدا عادي! فكل من هب ودب يشفها وممكن تتحط ع مواقع مش محترمة !! وغير انها ولد يمكن يظن انها رخيصة فيأخذ رقم تليفونها ويقولها نتعرف والكلام الاهبل كدا وبعد كدا ممكن يحصل ما لا يحمد عقباه ... ونقول ياريت اللي جري ما كان من راي ان اللي تعرض نفسها ع الشاب للزواج بترخص نفسها والعنوسة اكرم مليون مرة من الكلام دا لان ببساطة البنت المسلمة مش رخيصة فماذا عنكم؟! سلالالالالالالالالالالالالام |
عندى شاب فيه كل المواصفات المطلوبه واسمه
وسيم جاد مسلم مسيار العرفى ورقم تليفونه 0123456789 وممنوع الاتصال لانه رقم تليفون وهمى سالتى ياأخت تسابيح وجاوبتى مع احترامى لفكر وعقليه كل من يفعل ذلك لكن هل هى مقتنعه من صحة ماتفعله ؟ لا أظن - ولكنها تسير مع تيار الموضه -- وكله تغيير شكرا ع الموضوع الجميل |
هههههههههه
المواقف دى بتموتى من الضحك ودى موجودة من زمان والله دى مصيبة من مصائب الزمن ده ربنا يستر |
اقتباس:
ههههههههه أنا صدقت بجد وانا بقرأ أول الرد:romarioxp6: أنا فعلا سألت ورديت بس ردي الشخصي:d فعلا موضة الله يهدي شكراا لحضرتك نورتنا:av4056bb7jp3: |
اقتباس:
فعلا يارب تبقي مبتسمة دايما ياروز شكراا ياروحي ربنا يستر |
يعنى انا مثلا او هاتجوز ...ازاى أفكــر اتجوز واحــده ملهوفة ع الجواز ومش واثقة فى نفسها وعمالة تعلن هنا وهنا و....الخ ..
ازاى يعنى ؟؟؟ مقدرش اتجوز طبعا غير المحترمة اللى واثقة فى نفسها ...و ايه ؟؟ شكرا ع الموضوع |
اقتباس:
الرجل لازم يتجوز واحدة محترمة عشان تحفظ بيته بس فيه بنات كثيرة مش فاهمة النقطة دي شكراا لك ربنا يهدي الجميع نورت:av4056bb7jp3: |
موضوع جميل ومهم ان البنات تعرف انهم مش سلعه تباع وتشترى والمهم فى الزواج كرامه البنت والنظره لها باحترام من زوجها
|
أنا لقيت عريس لقطة .......روش آخر تلات حاجات ووسيم كمان ..... الأسم: أبو ضب الأسم المستعار: أبو ضحكة جنان السن:150 سنة النوع:تابع لفصيلة الكائنات الحية ودى صورة شخصية للعريس ......بس للأسف هو بيدور على عروسة تكون من توبه وبنت حتته .....وبيقول كمان انه عايزها بشنطة هدومها ..بس أهم حاجة تجيب معاها فرشة أسنان...أصله عايق أوى... http://forum.egypt.com/arforum/attac...8&d=1223572037 ملحووووووووظة : كل ده كلام محصلش وأنا اللى مألفه من دماغى (لزوم الشغل يعنى) |
اقتباس:
البنت المسلمة غالية جداا شكراا لك أستاذة نورتينا:av4056bb7jp3: |
اقتباس:
شكراا لك ربنا يستر ولا تجد رسائل تريد الارتباط بهذا الشخص ههه نورت:av4056bb7jp3: |
هههههههههههههههههه بـجد تحــــــــفة
وشـــــــــكراً |
الموضوع رائع وياريت كل بنت تستفاد منه
|
صدقتى يا تسابيح
ربنا يكرمك بس توقيعك حلووو اوى و اهو بيتعلق بالموضوع |
كيف يتم هذا ونحن فى زمن العولمة والانفتاح التكنولوجى
الا بمعرفة دينا كويس جدا ...................... جزاكى الله كل الخير |
| جميع الأوقات بتوقيت GMT +2. الساعة الآن 08:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.