|
سؤال بخصول اللى نازل بمواد ارجو الاجابة يسرعة ضرورى جدا
السلام عليكم ورحمة الله وبركاته
اولا بجد مش عارف ابدأ منين بس بجد بجد والله انا مخنوق جدا ومش عارف اعمل ايه انا طالب ثانوى عام فى سنة ثانيه علمى رياضة وللأسف نزلت بمادتين الرياضة والكيمياء وبجد مش عارف اعمل ايه يعنى امتحنهم دور تانى واخد نصف الدرجة ولا ايه بالظبط تانى حاجة انا عايز اسألكم لو حبيت اعيد السنة كلها من اول وجديد اعمل ايه لانى بجد والله مش راضى ابدا عن مجموعى ولا نتيجتى ابدا وكان عندى امل ادخل كليه هندسة او حاسبات ومعلومات ارجو الافادة من الجميع ولكم جزيل الشكر |
لو هتعيد ومش هيكون عبء عليك او علي والدك عيد
انما لو العكس اتوكل علي الله وخش دور تاني ..ده المعيار الوحيد اللي ممكن يحدد انك تعيد ولا لأ .. ولو قررت انك تعيد لازم تعيد منازل .. |
اقتباس:
|
انت امامك كذا اختيار
1- انك تكمل علمي رياضه وتظلع بمجموع قليل وتدخل هندسة خاصة .. لانك لو كملت مش هتقدر تعمل حاجه ( لايكلف الله نفسا الا وسعها ) يعني مفيش حاجه اسمها انك تجيب 80 % مثلا وتقدر تلحق هندسة الحكومة لو ذاكرت السنه الجاية ده كلام مش منطقي خالص والناس بتقوله عشان يطمئنوا بيه نفسهم انا هعمل وهعمل السنه الجايه ) انا مش بحبطك لكنه امر واقع ... 2- لو هتعيد يبقي خلاص سيب الثانوية دي باللي فيها وروح قدم ثانوية عامة منازل من السنة الجاية ( بس انا مش عارف هل لازم عشان تعيد تكون خلصت القديمة ولا لأ -الاعضاء ممكن يكونوا ادري مني في النقطه دي ) بس انا كنت اعرف واحد دخل تجاره ومعجبوش الحال عاد الثانويه في نفس الوقت اللي هو في في كليه التجاره ودخل كلية العلوم ) 3- انك ترضي بالامر الواقع وتكمل وتدخل كلية اي كلام وتتفوق فيها وتصبح مدرسا بها وده ممكن يكون افضل اختيار... |
مفيش حاجة اسمها اعادة مينفعش
اسال اى مدرس و هيقولك كدة انا لو مكانك مش هدخل الدور التانى هيبقى فى مشكلة و هى انى عندى 7 مواد فى تالتة فهقسم تالتة على سنتين 3 مواد فى سنة و اربعة فى السنة التانية و بكدة ممكن تجيب درجة عالية ان شاء الله لكن القرار فى الاخر ليك فكر و قرر |
طبعا انا بشكركم جدا والله على تعبكم معايا بس انا ليا سؤال بسيط معلش انا عارف انى طولت عليكم
هو لو انا خدت المادتين اللى انا نازل فيهم لتالتة وقسمت السنة سنة تلات مواد وسنة اربع مواد هل انا فى المادتين اللى انا رفعتهم لتالتة اللى هما الرياضة والكيمياء لما امتحن فيهم هاخد درجتهم الكاملة ولا هاخد نصف الدرجة كأنى امتحنتهم دور تانى ايضا وهل بالطريقة دى ممكن ادخل كليه كويسة بعيدا عن الكليات الادبية وماهى الكليات المتاحة ليا فى هذه الظروف ارجو تكونوا فهمتوا قصدى ولكم جزيل الشكر |
انا اتوافق مع راى احمد الزنارى
|
انا متشكر جدا بس يا ريت حد يرد على اخر سؤال ليا
معلش انا عارف انى طولت عليكم هو لو انا خدت المادتين اللى انا نازل فيهم لتالتة وقسمت السنة سنة تلات مواد وسنة اربع مواد هل انا فى المادتين اللى انا رفعتهم لتالتة اللى هما الرياضة والكيمياء لما امتحن فيهم هاخد درجتهم الكاملة ولا هاخد نصف الدرجة كأنى امتحنتهم دور تانى ايضا وهل بالطريقة دى ممكن ادخل كليه كويسة بعيدا عن الكليات الادبية وماهى الكليات المتاحة ليا فى هذه الظروف ارجو تكونوا فهمتوا قصدى ولكم جزيل الشكر |
اقتباس:
|
اقتباس:
لو خدت المادتين السنة الجاية بس لو هتقسم خلى المواد اللى انت سقط فيهم السنة الجاية و معاها مادة أو اتنين براحتك و باقى المواد السنة اللى بعديها بالنسبة لموضوع الكلية حسب درجات التلات مواد اللى ناجح فيهم و بالتوفيق |
اقتباس:
جزاكم الله كل خير |
انا زيك يااسلام بس انا علمي علوم وبفكر ادخل الدور التاني وان شاء الله هنجح فيهم و هكمل عادي في سنة تالتة وهدخل اي كلية ربنا يكون كتبهالي لان في البلد دي حتي لو بقيت دكتور هتقعد علي القهوة وبأذن الله تنجح انت كمان
|
على فكره امتحان الدور التانى بتاخد الدرجه كاااااااااامله
دى تصريحات الوزير الجديده وبالتوفيق ان شاء الله |
اقتباس:
هل انتى متأكدة من هذه المعلومة بأن اللى يمتحن اى مادة دور تانى بياخد الدرجة كاملة ولا هذا كلة مجرد توقعات فقط |
اقتباس:
لا يمكن للطالب الانتقال إلى الصف الثالث الثانوي إلا بمادة رسوب واحدة فقط أي سيصبح مع الطالب 6 مواد في هذه الحالة وإذا امتحن هذه المادة مع 5 مواد من الصف الثالث فلن يحصل إلا على 50 % من النهاية الكبرى المقررة لهذه المادة أما إذا فعل ما ذكرت بترك مواد فسيحصل على الدرجة النهائية فيها |
| جميع الأوقات بتوقيت GMT +2. الساعة الآن 09:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.