بسم الله

اولا يا جماعة لازم نحل التمارين كلها او نعرف فكرتها على الاقل وخصوصا الصعبة

ثانيا في المعدلات الزمنية في مثال محلول هام جدا بتاع طريقين الزاوية بينهم 60 هنستخدم فيها قاعدة الجيب دي فكرة جديدة

وفي التطبيقات على سلوك الدوال في امثلة محلولة حلوة وهامة جدا

في التطبيقات الهندسية بقالة كام سنة بيشد فيها اوي لازم نركز عليها كويس وانا لقيت كام مسألة مهمة جدا وافكارهم حلوة

يعني مثلا ازاي نجيب مساحة المثلث بين المماس والعمود والاحداثيات - ولما المماس يعمل مع الاحداثي مثلث متساوي الساقين او لما يعمل مثلث متساوي الاضلاع

ودي ارقام الصفح والمسائل في النماذج _ صـ58 رقم27 , صـ 59 رقم 29 و 30 و 31

ملاحظة :
( مثلث متساوي الساقين يعني الميل بيساوي + , - 1 ) ( مثاث متساوي الاضلاع يبقى الميل يساوي ........)

مش هحرق عليكم التفكير بس ياريت تجربوا تحلوهم


واخيرا :

الاهتمام بالخمس اختبارات اللي في كتاب الوزارة ومستواهم كويس جدا

وربنا يوفقنا كلنا يا شباب وندعي لبعض


الله المستعان

شكرا قوىىىىىىىىىىى
ياريت تبقى متابع عشان ممكن تقف مسائل معنا

شكرا جزيلا

انا فعلا ملاحظة المسأله بتاعت حساب مساحة المثلث متكرره كتيييييير ياريت نركز عليها
وهيا عموما سهلة

السلام عليكم ورحمه الله وبركاته
بصراحه انا اول مرة اشوف السوالين دول

ملاحظة :
( مثلث متساوي الساقين يعني الميل بيساوي + , - 1 ) ( مثاث متساوي الاضلاع يبقى الميل يساوي ........)
ياريت تقول حلهم ازاى او حد سياعدنى ويعرفنى حلهم

شكرا جدا يا صديقي بارك الله فيك

ان شاء الله نضغ الحلول

العفو يا شباب " لا خير في كاتم العلم " وباذن الله كلنا نستفيد من بعض

ولازم دلوقتي يا جماعة خلاص المفروض اننا عرفنا اغلبية انواع المسائل لازم نركز على الجديد واللي ممكن يجي مش الجديد واللي صعب تعقيد
يعني في المشتقات العليا لازم نتاكد اننا هنستخدم المعادلة الاساسية وكل خطوة بنشتق فيها عشان نعمل الاثبات
والتطبيقات الهندسية كلنا بيعرف يجيب معادلة وميل مماس وميل عمود لازم نتعود ازاي نرسم ونفهم المسالة


<div class='quotetop'>إقتباس(nido @ Jun 11 2007, 05:27 PM) [snapback]324540[/snapback]</div>بص يا سيدي طبعا مفيش رسم بس حاول تتخيل معايا :

لما المماس والعمودي ومحور الاحداثيات يعمل مثلث متساوي الساقين هيبقى عندك زاويتين للميل واحدة اللي 45 والتانية مكملة للزاوية الاخرى 135 يعني الميل هيبقى + 1 او -1

وبرضة لما يبقى مثلث متساوي الاضلاع هتبقى الزوايا 60 او 120 في الحالة دي هتبقى ظا الزوايا + او - جذر 3

انت حاول تحفظهم كدا لو بيعملوا مثلث متساوي الساقين يبقى الميل يساوي كذا لو متساوي الاضلاع يبقى كذا

والله المستعان

بالتوفيق للجميع

بصوا يا جماعة انا جاتلي معلومات من اساتذه بيقولوا تقسيم مسائل الامتحانات كالتالي

30% من الخمس اختبارات اللي في كتاب الوزارة

30% من العشر اختبارات اللي في النماذج

20 % امثلة محلولة وتمارين كتاب المدرسة

20% مسائل نماذج او امتحانات ثانوية عامة سابقة


والله اعلم

شكرا عبقرينو على النصايح دي وبإذن الله ما يخرجش منها الامتحان

كلام جميل
جزاك الله خيرا...

جزاك الله خيرا يا عبقرينو
و ربنا يكرمك إن شاء الله على مجهودك ده

يـــــــــــــــــــــــاريت ياجماعه حد يفكر في السؤال ده
ظا 2أ = 4/3 فأوجد بدون استخدام اله حاسبه قيمه ظا أ

<div class='quotetop'>إقتباس(محمد فوده @ Jun 12 2007, 06:26 PM) [snapback]325711[/snapback]</div>قك قانون ضعف الزاوية بتاع الظل
فيكون لديتا معادلة من الدرجة الثانية في ظا أ
ومنها يمكن ايحاد قيمة طا أ