بوابة الثانوية العامة المصرية

السلام عليكم

اولا جزاكي الله كل خير على العمل الجميل ده

انا كنت عايزة اخد راي حضرتك في حاجة
انا طالعة 3 ثانوي باذن الله
و بجد تعبت جدا جدا و عملت اللي عليه و زيادة و الله و مسبتش كتاب غير لما حفظته و حليته
بس انا كنت بخاف جدا و مع الامتحانات اللي جت لافة شوية يعني مقدرتش اوصل للي انا كنت نفسي اجيبه
بس انا لما خلصت امتحانات و رجعت اجاباتي و حطيت لنفسي درجة باسوا الاحوال كنت هجيب 92 %
و و الله كنت متاكده من كل مرجعتي
بس لقيت درجات كل المواد زي ما توقعتها ما عدا الكيمياء و الرياضيات نقصت فيهم ضعف الضعف اللي حسبته
مع اني و الله متاكده
و على فكرة مش انا لوحدي ده معظم اصحابي ناقصين نفس الدرجات في الكيمياء

انا دلوقتي مجموعي 84% و مش عارفة اعمل ايه
بجد عمري ما توقعت كده خالص و بجد عندي حالة من الياس و الاحباط جدا
و الله ربنا يشهد تعبت اد ايه
انا علمي علوم
بس مش عارفة ناس كتير قالولي التنسيق هينزل كملي
و ماما بتقولي حولي ادبي (مع اني بحب المواد العلمية جدا و شاطرة فيها)
بس مش عارفه اعمل ايه
الحيرة هتقتلني
ارجوكي قوليلي راي حضرتك
اكمل علمي ولا احول ادبي
و هل في امل ولا انا كده خلاص
انا على فكرة اصحابي اللي في المدرسة عندي معظمهم جايبين اقل مني بكتير
و في درجات اوحش مني كتير جدا
بس مش هو ده اللي كنت عايزاه ابدا
قدر الله و ما شاء فعل
انا هصلي استخارة باذن الله
ثم هنتظر راي حضرتك
و ربنا يجعله في ميزان حسناتك