السلام عليكم ..


اتمنى تكونوا كلكم بخير يا بشمهندسين .. انا طالب ثانوى و عندى سؤال سابق لأوانه شويه بس يهمنى انى احدد كل حاجه من بدرى أصلى مجنون تخطيط و ترتيب :)

كما هو واضح فى العنوان انا ان شاء الله ناوى حاسبات بس سؤالى هل ادخل جامعة المنصورة ( انا من المنصورة - مدرسة اللغات التجريبية -) و خلاص ولا ادخل الجامعة الألمانية / البريطانية احسن ؟؟

بالنسبة للمجموع انا مستوايا الحمد لله كويس ( جبت فى الإعدادية 98% ) و ان شاء الله اجيب مجموع المنصورة بس انا استفسارى بالنسبة لنوعية التعليم هل هتفرق و هل ( خصوصا فى امريكا و اوروبا ) شهادتى من الجامعة الألمانية / البريطانية افضل من شهادة المنصورة ؟؟ و هل الفرق يستاهل المصاريف ؟؟

شكرا مقدما على مساعدتكم و أتمنى ليكم التوفيق دايما يا رب