:) انا مبعرفش اكتب برجراف ممكن اعرف بيتعمل ازاى

[
وياريت اللى عندة براجرافات مكتوبة يحطهلنا]

ابقو اشترو الجمهورية اليومين دول

او اشتروا حاجة اسمها ليلة الامتحان ...هتلاقو فيها ازاى تكتبوا براجراف ... هيا مش هتتعدى 5 جنيه

واى خدمة

لو عرفتوا قولولي

فى واحد كاتب ازاى بيتعمل بس مش عارف صح ولا لاء ياريت مدرسين الانجليزى يقولوا صح ولا غلط

ده مقدمه لاى برجراف in case of talking about___________ we can say that this subject attrats the attention of many people. i think that it has great importance to make us give it due care. [in tha case we can raise the standard of our country amony the developed countries ]. that mean it will be useful for the individual and society. in the same time we can discuss that subject about_________ in different ways first we can say___________ from the other hand we musn't forget the foct that this subject has adifferent aspect which doesn't differ much so we must mention that_____________ فى المسافه الاولى والتانيه اكتب اسم الموضوع وفى الثالثه جملتين من عندك وفى الرابعه جملتين من عندك وبس وربنا معانا

لا والله يا جماعة الحاجات دى غلط جدا


مش هيدوك غير واحد من ستة

طيب قولنا نعمل ايه بسرعة والله بجد انا ضايع فى البرجراف

ياريت اى حاجة تنفع فى البرجراف قولنا

<div align="center">سلامو عليكو يا شباب
بصوا يا شباب الموضوع اتفه ما يمكن
هوا السؤال بيكون طالب منك براجرافين
بس لو عايز درجتك كامله انا هقولك تعمل ايه
الموضوع اللي هنكتبه هيتكون من اربع براجرافات
الاول مقدمه و الثاني و الثالث في صلب التوبيك نفسه و الرابع هيكون خاتمه
تعالوا نشرح كل واحد
في كتابه المقالات عموما بيكون فيه نوعين من المواضيع
الاول بيسموه Argumentative article يعني موضوع خلافي
و دا اللي بيديك موضوع و بيقولك اتكلم عن المؤيدين له و المعارضين ليه
و الثاني بيكون Opinionated article
و دا اللي بيديك موضوع و بيقولك قول رايك فيه
النوع التاني دا مبيجيش في امتحانات الثانويه العامه خالص
النوع الاولاني " الخلافي " هوا اللي بيجي
و دايما بيجي في امتحانات الثانويه عن التكنولوجيا عموما او اي وجه من وجوهها و بيطلب منك انك تتكلم عن المميزات و العيوب
فإحنا لما نيجي نتكلم عن موضوع زي دا هنبدا بكتابه البرجراف الاولاني و هوا المقدمه
و انتا بتكتب المقدمه
اوعى تعمل زي ما الكل بيعمل و تقول مثلا
There is no doubt that the computers became an important part in our live today
دا طبعا بفرض ان الموضوع هيتكلم عن الكمبيوتر
لو انتا عملت الطريقه دي يبقى انتا غلط ميه في الميه
لما تيجي تدرس الانجلش بعد كده في كورسات هتعرف ان المقدمه بتاعه المقال لازم تبقى على شكل مثلث
قاعده لفوق و راسه لتحت
تخيل الشكل معايا كده ... يبقى المقدمه بتضيق من فوق لتحت
المقدمه بتاعتنا لازم تكون كده تبدا بحاجه عامه جدا و بعدين تضيق اكتر و تقرب من التوبيك اللي هوا عايزه اكتر فاكتر لحد ما نوصله في اخر نقطه في المقدمه
يعني كمثال لو هنتكلم عن الكمبيوتر زي ما قلنا
فهنبدا مثلا باننا هنتكلم عن سعي الانسان للتطور منذ بدا الخليقه و نذكر بمنتهى الاختصار بعض المراحل الهامه اللي مر الانسان بيها زي اكتشاف النار و العجله و البخار و الشرائح الالكترونيه
و بعدين نوصل للكمبيوتر .. بمجرد اننا نوصل للنقطه اللي هوا عايزها نبدا نتلكم فيها و نقول قد ايه هى انتشرت و نقول كلام عام جدا عنها " بدون ما نمس نقط الاتفاق او نقط الاختلاف عليها ".
لما تخلص الكلام العام عن التوبيك اللي هوا عايزه يبقى انتا كده خلصت المقدمه.

بعد المقدمه في براجرافين هنعتبرهم قلب الموضوع
البراجراف الاول هنتكلم فيه عن نقط الاتفاق او عن المؤيدين او عن المييزات
و البراجراف التاني هنتكلم عن نقط الاختلاف او المعارضين او عن العيوب
و دا الكلام العادي اللي احنا متعودين عليه

بعد كده هندخل في البراجراف الاخير اللي هوا بيكون الخاتمه
و عشان تعمل خاتمه كويسه فالمفروض انك هتعمل فيها حاجتين
هتقول باختصار اللي انتا قلته في التلات براجرافات اللي فاتت و بعدين هتقول رايك انتا الخاص في الموضوع .

ملحوظات مهمه :
احنا اتفقنا اننا دلوقتي عندنا اربع براجرافات , فلازم قبل ما تبدا كتابه كل واحد تسيب مسافه فاضيه من اول السطر " المسافه دي غالبا بتكون مقدار كلمتين مثلا "

لازم و انتا بتكتب المقدمه تستخدم بعض الالفاظ اللي تشد المصحح
زي
From cradle to grave من المهد الى اللحد
No one can deny = There is no doubt that = Undoubtedly مما لا شك فيه
او تستخدم امثال او اقول ماثوره
وحاول تكون طريقه كلامك مشوقه بحيث ان المصصح و هوا بيقرا بدايه المقدمه يقول ازاي الطالب دا هيوصل للنقطه اللي انا عايزها فحاول ان اول كلامك يبقى فيه شويه غموض وبيدا ينكشف واحده واحده لحد ما توصل للنقطه اللي التوبيك عايزها و دي في نهايه المقدمه زي ما اتفقنا

اعتقد ان دي كل حاجه عن كتابه البراجرافات
معلش يا شباب لو كانت طريقه كتابتي مش قد كده
بس انا قلت احاول اساعد باي حاجه</div>

كلام جمييييييييل ومفيييد جدا جدا

أشكرك

جزاك الله كل خير


بس فى ناس مبتعرفش تكتب من اساسا برجراف وانا اولهم

يعنى لو كتبت فى البرجراف هكتب مقدمة ومؤخرة والمضمون هجيب كلام من القطعة نفسها وهألف فى الباقى

فأنا مش عاوز ألف وأكتب موضوع أخد درجة كاملة علية

لعلمك اهم و اصعب حاجتين هما المقدمه و الخاتمه
لكن زي ما انتا قلت الاتنين اللي في صلب الموضوع بتجيبهم من السؤال و من عندك
الموضوع كله يعتمد على ترتيبك لافكارك بالعربي
بص
انت اول ما تقرى الموضوع بيتكلم عن ايه
هات اخر صفحه و اكتب بالعربي مؤيد و تحتها معارض
و اكتب تحت مؤيد المميزات اللي في بالك بالعربي
و اكتب تحت معارض العيوب برضه بالعربي
و اول ما تخلص المقدمه م هتخش في البراجراف بتاع المميزات ارجع لاخر صفحه و ترجم المميزات
و هكذا في البراجراف بتاع العيوب
الموضوع سهل سهل سهل و متفتكرش انه عشان تاخد الدرجه انك لازم تكتب شعر و عبارات قويه و مختلفه
بالعكس
خللي عباراتك بسيطه جدا و استخدم اسهل الكلمات بس المهم انك تكون مرتب في طريقه تفكيرك اولا و طريقه كتابتك ثانيا

أشكرك جدا جدا

كدا مية مية وأشكرك مرة ثانية على الاهتمام

جزاك الله كل خير

سؤالك جميل والرد عليه من الشناوي اجمل واحب اقولك برضه حاول انك قبل ما تبدأ تكتب كل فقرة ابدا بسؤال وأوكدلك ده حيساعد كتير في الافكار وخاصة الخاتمة

شكرا ليك

جزاك الله كل خير

يا شباب خدو ديه وادعولى ارجو ان يكون مفهوم
بالنسبه لل leteers الخطاب
الخطاب نوعان الاول رسمى (اصدقاء واقارب)
الثانى غير رسمي
بالنسبه لخطوات كتابه الخطاب الرسمى فهى كالاتى
1_اكتب عنوانك ثم التاريخ فى الركن اليمين العلوى من الصفحه
2_ابدأ الخطاب بالتحيه ثم اسم المرسل مجرداا من الالقاب
3_اكتب الخطاب ع شكل فقرات
4_ استخدم الفقره الاخيره فى التعبير عن امنياتك او التوديع واستفسار اى حاجه كده يعنى
5_اختم خطابك بعباره ختاميه وبعدها التوقيع
yours
اما بالنسب للغير رسمى فهو ان شاء الله مش جاى هو جه السنه اللى فاتت فى الفرنساوى وكان غير رسمى
بس فى النجليزى اكيد يعنى هيجيب براجراف ولو جاب الليتر هيجيبه رسمى ان شاء الله



وكمان فى كتاب the best فى المراجعه هتلاقوا فى اول الكتاب شويه جمل يساعدوكوا

علوزين أمثلة ياريت مواضيع هامة .