بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   تيجو نفتكر؟ (https://www.thanwya.com/vb/showthread.php?t=229309)

أ/رضا عطيه 19-07-2010 01:38 PM

تيجو نفتكر؟
 
نتفق جميعا على أن أفضل أيام فى حياتنا هى مرحلة التعليم الابتدائى :romarioxp6:
براءة -- مفيش مسئولية -- صداقه وزماله بجد -- لعب ومرح :av4056bb7jp3:-- مدرسين ومدرسات زى العسل
كتاب كله صور وأناشيد وفاكهه وشجر وبساتين وحيوانات أليفه وحصص ألعاب وطبيخ وموسيقى ورسم وحفلات:av4056bb7jp3:
كتاب برىء بلاجزيئات ولاذرات ولابطليموس واسكندر ولاجا وجتا ولامفعول به وله وعليه وكمان لأجله ومطلق:blush:

تيجوا نفتكر ؟:)
يلانقول ونتكلم عن مدرس أو مدرسه أثروا فينا ولسه بنحبهم:078111rg3:
ومدرس أومدرسه كنت مابرتاح لهم بدون ذكر أسماء:stickjo4:
المهم تقول وتفتكر وتنسى شويه ثانوية الأعصاب :049gc0:
يلا افتكر
يلا
يلا

أ/رضا عطيه 19-07-2010 02:26 PM

هبدأ وأمرى لله
أتذكر جيدا مدرس الرياضات وأنا من صغرى وبينى وبين الرياضيات علاقة مش ولابد
لكن كان هذا المدرس قمه فى مادته رحمة الله عليه
فى يوم كتب لى مسأله على السبوره وطلب منى أحلهاوكانت طرح
حاولت معاها شمال يمين مفيش فايده وكنت منتظر العقاب بفرع شجره ولارجل كرسى ولاحاجه
لكن عمل معايا حاجه تأثيرها معايا لحد الان
بعتنى للعامل وقال لى إسأله على حلها وفعلا حلها العامل صح
فماكان من هذا المعلم القدير إلا وطلب من التلاميذ يصفقوا لى ولعم مصطفى (العامل)
ودارت الأيام واصبحت زميلا له فى نفس المدرسه وكان ناظر لها ولكنى كنت مدرس دراسات
وفى يوم سألت التلاميذ عن المحاصيل الصيفيه والشتويه فى مصر
فلقيت نص الفصل مش عارف
فعملت إيه ؟فقررت أخدهم للجمعية الزراعيه ورحت اٍستأذن من الناظر لقيته ضحك وقاللى بس أنا بعتك للعامل مش للجمعيه الزراعيه - يعنى هو كمان فاكر ودا اللى خلانا ضحكنا بطريقة غريبه
أخدت الفصل كله للجمعيه الزراعيه وكانت ملاصقه للمدرسه وكل تلميذ ومعاه كراسته وسألوا فى كل درس البيئه الزراعيه
وزى ما أنا فاكر اللى حصل معايا -- الفصل كله فاكر اللى حصل معاهم--والأجمل لما تلاقى المدرس هو كمان فاكر
قصه بلدى بتحاول وزارة التربيه والتعليم تنفيذها الأيام دى وربط الطالب بالبيئه اللى عايش فيها
شكرا للجميع

أ/رضا عطيه 19-07-2010 03:15 PM

إيه الحكايه
هو كله كاره طفولته ولا إيه؟
ماتقولوا حاجه ----------------

**تسابيح** 19-07-2010 04:17 PM

اقتباس:

تيجوا نفتكر ؟:)
يلانقول ونتكلم عن مدرس أو مدرسه أثروا فينا ولسه بنحبهم:078111rg3:

مرحلة المدرسة دي مرحلة رهيبة بجد
أنا فعلا بعتز باساتذة كثير جداا جداا
كل شخصية فيهم أثرت فيه جامد جدااا
كان عندنا أستاذ عربي متميز في العربي
جداا وعنده فكر رهيب
لما كان حاجة تحصل في التليفزيون او الجرنال
غلط وممكن تأثر علي تفكرنا
كان يجي ع طول ويحكي معانا وايه حكم الدين والشرع
كان أزهري

ويقول ان الناس دي بتهاجم الإسلام
ساعتها كنت صغيرة في 3 اعدادي
ولا كنت فاهمة حاجة
لكن لما كبرت وقرأت نفس الموضوع
اللي حكي عليها الأستاذ
بجد استفدت جداا من فكره وارائه
ولحد اللحظة دي فاكرة كلام كثير من كلامه
يمكن مش بيطلع في دماغي الكلام
الا لما يخصلي موقف او يحكي لي موقف
انا واصحابي
كنا بزعل اووووي لما ينقصنا الأستاذ
علي غلط صغير زي نقص الهمزة وحاجة زي دي
فقلنا للأساتذة فهو حضرتك عمرك ما بتغلط في العربي مرة
قال لا طبعا مش تحاولوا كان غيركم اشطر
في مرة شرح حاجة لمعلوماتنا احنا ان لو فيه راجل
وملايين النساء يبقي لازم نخاطب بالمذكر للتغليب
في مرة دخل الأستاذ وقال:السلام عليكم ورحمة الله وبركاته
وكلنا كنا بنات
فقلت للأستاذة ان دلوقتي فيش راجل يعني
حضرتك مش المفروض تقول السلام عليكن
فقال :ياناصحة(الأستاذ ديما كان بيمدحني ههههه)
مش احنا دلوقتي في مجلس علم
قلت :اه
الأستاذ:والرسول(عليه أفضل الصلاة والسلام)قال ان في مجلس العلم
تجتمع الملائكة
وانا بخاطب بالمذكر عشان معانا ملايكة:d


اقتباس:

ومدرس أومدرسه كنت مابرتاح لهم بدون ذكر أسماء:stickjo4:
المهم تقول وتفتكر وتنسى شويه ثانوية الأعصاب :049gc0:
يلا افتكر
يلا
يلا





ع فكرة مرحلة الثانوية دي اجمل مرحلة في حياتي بجد
احسن من الجامعة كمان :)
مع ان اول سنة في الكلية بس بجد مشتاقة للثانوي ..
شكراا لحضرتك موضوع تحفه
موقف حضرتك بجد رائع ...
جزاك الله خيراا أستاذنا

أ/رضا عطيه 20-07-2010 11:39 PM

شكرا على مرورك الكريم
ومشاركتك الطيبه

يالا بينا 21-07-2010 12:50 AM

كانت مرحلة جميلة فعلا


واهم مايميزها (النقاء) اللي كان سائد

دا غير مدرس اثر في جدا .. واذكره طوال حياتي بالخير

أ/رضا عطيه 21-07-2010 03:16 AM

اقتباس:

المشاركة الأصلية كتبت بواسطة يالا بينا (المشاركة 2431251)
كانت مرحلة جميلة فعلا


واهم مايميزها (النقاء) اللي كان سائد

دا غير مدرس اثر في جدا .. واذكره طوال حياتي بالخير



شكرا يالا بينا
ونورت الدنيا
وشكرا على مرورك الجميل

mahmoudasus 30-07-2010 07:10 PM

احلى مرحلة فى العمر الطفولة مافيش مسؤليات

عيشه حره نقية

& اميرة الحب & 30-07-2010 08:00 PM

اكيد مرحله الطفوله اجمل مرحله ولكن عمرها ما هتتكرر مره اخرى

ولكن نتذكرها دائما

love ur life 30-07-2010 08:13 PM

إيه الحكايه
هو كله كاره طفولته ولا إيه؟
ماتقولوا حاجه ----------------


شكلنا كدا

shimaa2009 30-07-2010 09:34 PM

انا اجمل مراحل عمرى الطفوله
هاقولكم على موقف حصل معايا انا كنت فى الابتدائى مابحبش الرياضه خالص ففى يوم كنت رايحه الدرس متاخر
لقيت المدرس موقف الدرس كله علشان يحلو مسأله والكل مش عارف يحلها المهم دخلت متاخره فالاستاذ قالى شيماء انتى جايه متاخره طيب حلى المسأله دى قولت ياحلاوه الدرس كله مش عارف يحلها انا اللى هاحلها كانت مسأله صعبه المهم بدأت احل المسأله براحه كده ولقيتنى بحلها من غير ما أفكر ومن اليوم ده وانا حبيت الرياضه اوى ولقيته ضرب الدرس كله وتغيرت حياتى كلها
بدأت اثق فى نفسى اوى واثق فى قدراتى
بجد توبيك حلو اوى

أ/رضا عطيه 31-07-2010 04:54 AM

شكرا على مرورك الطيب
ومين ناوى يفتكر بعد شيماء

Doctor S.E 31-07-2010 09:12 AM

انا انا انا هقول

Doctor S.E 31-07-2010 09:22 AM

اولا شكرا لاستاذنا الفاضل لطرح الموضوع
ثانيا شكل كل الناس ذكراياتهم متعلقه بالرياضه مش عارفه ليه
ثالثا بقى و بدون ضحك :d

انا و انا صغيره في kg1 مكنتش بقعد في الفصل دقيقتين :d علطول هربانه من الحصص :d
و بعدين المستر بتاع الرياضه الي كان بيعلمني الارقام في البيت ...كان هو نفسه مدرس اعدادي و لا ثانوي في المدرسه و متسألوش ازاي :d الي حصل بقى
بعدين كنت مره هربانه من الحصه و طلعت فوق عند فصول ثانوي
و المستر شافني و عرفني طبعا و اداني شوكلاته على عددنا في البيت :d
ميعرفش اني بموووت في الشوكلاته :blush:
و بعدين للاسف مروحتش بالشوكلاته البيت اصلا ...اكلتها كلللها
و لما جه الدرس سأل اختى الي كانت في اولى ابتدائي ساعتها ...حلوه الشوكلاته ؟؟؟ :d:d
قالتلوا شوكلاته ايه :d:d
انا ساعتها استخبيت تحت طربيزه الدرس و مطلعتش تاني :d
و الى الان بتزل بالشوكلاته الي اكلتها :d
اتعلمت الامانه بقى من ساعتها :blush:

أ/رضا عطيه 31-07-2010 12:56 PM

الأمانه طبعا فى كل شىء
إنما مع الشوكلاته نهس شويه

نورت الدنيا يادكتور



ومين هيكمل ويقول


اتكلم افتكر الحاجات الحلوه وبلاش حكايات الضرب والذى منه

مين هيقول


جميع الأوقات بتوقيت GMT +2. الساعة الآن 09:02 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.