|
محتار بين علوم و بيطري
يا جماعه
انا محتار بين علوم وبيطري وكتبت علوم الاول انتو ايه رائيكو ويا ريت حد يقولي ايه فرص العمل لكل كليه بعد التخرج سواء علوم او بيطري |
علي فكرة انا كمان زيك
بس كله بيقولي علوم كويسة اوي ممكن تعمل دبلومة فيها يعني زي دراسات كدا بعد ما تخلص الاربع سنين وتفتح معمل تحاليل وتبقي دكتور تحاليل او ممكن تعمل دبلومة صيدلة فيها حاجات كتير وبيطري كويسة جدا بالبنسبة للولد بردو من حيث فرص العمل بتكون متاحة دايما ياريت تبقي تعرفني دخلت ايه عشان اعرف انت زيي ولا لاء:) |
وانا كمان يا جماعه زيكم بالظبط بس كتبت بيطرى الاول وبعدين علوم ابقوا طمنونى اول ميوصلكم التنسيق ربنا يكرمكم
|
بيطرى طبعا الاحسن
|
انا كتبت بيطري الاول
يعني لو في فرصة وجتلك تبقي افضل بس علوم كويسة بردو مش وحشة يعني ومستقبلها مضمون زي بيطري تمام |
دا يرجع لميولك الشخصية بس انا افضل علوم لو انت حاسس انك هاتتميز فيها وربنا يوفقك ويحقق لك حلمك
|
بص يا سيدى علوم طبعا احسن
لان فيها مجالات كتيرة وجديدة وهتفتحلك مجالات اوسع وممكن تتخصص فيها وبعد كدة تحضر فيها فيه مثلا مجال الكيمياء الاكلينكيه الطبيه( الباثولوجيا الكميائه) وهو علم الكيمياء المسئول عن تشخيص الامراض سواء كان امراض كلي او كبد او قلب او سرطان وارورام الخ فيه مثلا مجال الميكروبيولوجيا الاكلنيكه الطبيه وهو العلم الذى يشمل دراسه امراض البكتريا والفطريات والفيروسات والمناعه والتحاليل الخاصه بيهم فيه مثلا مجال الكيمياء التطبيقيه والصناعيه ودة يفتحلك مجال فى مصانع الادويه ومستحضرات التجميل وكل المصانع الكميائه الخ فيه مثلا مجال البترول والغاز الطبيعى والجيوفزيا ودة يفتحلك مجال في البترول غير كدة ممكن تشتغل ميدكال ريب في شركات الادويه وفيه حجات تانيه بردو زى اخصائي السموم واخصائي مكافحة العدوى واخصائي التحاليل الطبيه واخصائي اطفال الانابيب والكميائي الشرعى والكميائي التطبيقي والكميائي الطبي والميكروبيولوجى الطبي والميكروبيولوجى التطبيقي |
ربنا يوفق الجميع بس انا شايف البيطرى افضل 00000
|
اه نسيت اقول حاجة دلوقتى بقي فيه حاجة زى معادله في الجامعه الامريكه لكليه علوم عشان تاخد الرخصه الدوليه في التحاليل وتبقي دكتور تحاليل معترف بيك من الجمعيه الامريكه للباثولوجيا الاكلينيكه
ودى بردو حاجة جامدة جدا لو انت طموح شويه ممكن تسافر في امريكا او اي دوله اوربيه وتشتغل فيها دكتور تحاليل وبردو انت ورغبتك وميولك يعنى شوف للي انت بتحبه ايه وميولك ايه واختاره |
انا طبيبة بيطرية على فكرة الكلية صعبة وعاوزة التزام وجهد كبير ومفيش شغل الا فى شركات الادوية ولغاية سن محدد او المزارع واعتقد ان دة قليل في مصر او السفر للخارج يعنى اللى عاوز يبقى دكتور بيطرى لازم يتعب اما علوم انا شيفاهم شغالين فى المعامل وشركات البترول ومدرسين لمادة الscience فى المدارس الدولية وعشان الانسان ينجح لازم يشوف هو يحب يشتغل ايه عشان يتميز فيه
|
بالنسبه للولد طب بيطري أفضل
بالنسبه للبنت علوم أفضل |
على فكرة انا خريجة علوم ونصيحة لكم اخوانى بلالالالالاش علووووووووم صدقونى مالهاش مستقبل فى مصر واليقول غير كدة بيكدب عليكم هتتخرج هتشتغل مندوب دعاية واعلان اما بيطرى كويسة خصوصا للاولاد وشكراااااااااا
|
اقتباس:
|
اقتباس:
علوم مجالتها كويسه وواسعه عن بيطري كتير زى مجال الكميا الاكلينيكه والميكرو الاكلينيكه والباثولوجى ودة يبقي دكتور تحاليل وزى مجال المصانع والشركات زى الادويه والبترول والاسمدة والاسمنت والميه الخ وزى مجال الميدكال ريب او دعايا الادويه اينعم كليه علوم مش واخدة حقها بس مجالتها افضل اما خريج بيطري فمش متاح ليه الا اخر نقطة وهى دعايا الادويه فقط اما علوم فهتبقي العمليه مفتوحة ادامك شويه |
فمثلا عندنا في كليه العلوم كذا مجال منها
مجال التحاليل الطبيه تنقسم لكمياء طبيه اكلينكيه وميكروبيولوجى طبيه اكلينيكه وهيماتولوجيا اكلينيكه وباراسيتولوجى اكلينيكه مثال للكميا الاكلنيكه http://up6.up-images.com/up//uploads...3c75086e45.jpg.. الدكتور سمير المصري وكان شغال علي تشخيص سرطان المثانه عن طريق الكشف عن بعض دلالات الاورام السرطانيه مثال للميكروبيولوجيا الاكلينيكيه http://up5.up-images.com/up//uploads...e725b78300.jpg الدكتور انور وكان شغال علي الفطريات للي بتصيب العين والقرنيه وانتاج مضاد حيوى ليها .................................................. ................................................ مجال تصنيع الادويه ينقسم الي كمياء تطبيقيه و ميكروبيولوجى تطبيقيه الكمياء اي تنصيع الادويه من المواد الكميائيه الميكروبيولوجى التطبيقيه زى تصنيع الادويه من البكتريا والفطريات والطحالب والاقسام داخل مصانع الادويه تنقسم الي كمياء وميكروبيولوجى مثال للكميا التطبيقيه http://up6.up-images.com/up//uploads...02a65d55f3.jpg.. الدكتور حسين الكاشف وكان شغال علي انتاج دواء من مادة pyridazino (4,5-b) indol لتثبيط تجمع الصفائح الدمويه مثال للميكروبيولوجيا التطبيقيه http://up5.up-images.com/up//uploads...fbf9a371da.jpg الدكتورة ايمان كانت شغاله علي انها تعمل دوا للسرطان والاورام من الفطريات عن طريق استخراج بعض المواد الكيماويه من الفطريات وتجربتها علي السرطانات والاورام المختلفه |
| جميع الأوقات بتوقيت GMT +2. الساعة الآن 10:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.