هندسه ولا تربيه رياضه يا جدعاااااان
 

بص انا خريجة من كلية تربية لغة عربية أى نعم ما لقتش شغل حكومى لكن كان قدامى فرصة إنى أشتغل وأنا بدرس بأخد خبرة ف التدريس بس نصيحة بلاش رياضة أختى فيها وبتشد ف شعرهاوالله قسم صعب جدا أما الانجليزى مستقبله حلو لو مشتغلتش ف التدريس يبقى حلو فى أى شركة مترجم وكده يعنى لكن ما اقدرش افيدك ف الهندسة لآنى بصراحة ما عنديش أى معلومة عنها وربنا يهديك ويوفقك وصلى صلاة استخارة وربنا هيكرمك إن شاء الله

هندسة طبعا التربية اخرك مدرس وحتلف طول النهار على الدروس لكن الهندسة ليك شغل كتير جدا

لا طبعا هندسه احسن

اكيد الهندسة احسن طبعا دى مفيهاش كلام ......

شوف انت بتحب ايه وهتدى فين
لان موضوع الشغل لو بصتله هتلاقيه ممكن تلاقي خريج هندسه قاعد وتربيه بيشتغل او العكس

فكل الطرق تؤدى الي روما
فشوف انت بتحب ايه وادخله

يابني متغلطش غلطتي سيبت هندسه ودخلت تربيه ولحد دلوقتي ندمان زملائي المهندسين بياخدوا أربع أضعاف مرتبي وكفايه انه اسمه باش مهندس

ميرسى كتير على ردودكوا بجد استفادت منكم كتير
ان شاء الله هندسه واللى فى الخير يقدمه ربنا

برافو كده يا بااااااااااش مهندس وبالتوفيق يا هندسة

من الآخر مدرس لسه متعين جديد فى الحكومه مرتبه 500 جنيه ولما يوصل معاش بيكون فى حدود 2500 جنيه على درجة مدير عام
أما لو مدرس بيشتغل بره مصر الحد الأقصى لمرتبه ده لو تخصصه عملى يعنى كميا أو رياضيات إلخ بيكون 8000 جنيه
طيب لو مهندس
شوف ده بيرجع لشطارتك فى التخصص وكورساتك طول سنين الدراسه وتدريبك فى مكتب هندسى أو شركه
فتقدر تشتغل فى مصر وانت لسه متخرج طازه بحوالى من 1000 إلى 2000 جنيه ولو خبرتك تعدت الثلاث سنوات بيوصل لـ 4000 جنيه وانت طالع بقى
أما خارج مصر فطبيعى برضه هيتوقف على الخبره وفى العادى بتكون 3 سنين فى الحاله دي بيكون مرتبك من عشرين ألف وطالع يعنى أنا واحد قريبى فى قطر مرتبه 30 ألف بس بيشتغل هناك بقاله 8 سنين وعادة المرتب بيبقى بالدولار
كل الكلام اللى كتبته ده مؤكد وانت قارن بنفسك وشوف عايز إيه وأنا لو مكانك هختار هندسه بدون تردد صحيح هذاكر زياده شويه عن تربيه بس هتخرج ألاقى شغل وبمرتب محترم وكلمة محترم دي معناها إنى هتعامل على إنى بنى آدم يعنى هعيش عيشه كويسه وهتبقى كل حاجه متوفره معايا وربنا يوفقك للخير

حرام عليك لما تقارن الهندسة بالتربية فالهندسة احسن كلية على مستوى العالم