ايه هو احسن طب فى مصر؟؟؟
 

بسم الله الرحمن الرحيم
موضوع محيرنى من و انا لسه فى اولى ثانوى..لما ادخل الجامعه ان شاء الله ادخل فين؟؟
و بعد لما جبت فى 2ثانوى 97.3% زادت حيرتى علشان كده بقى فى امل كبير فى طب
فلو ممكن بعد اذن حضراتكم حد يقوللى ادخل فين لو جالى طب
ومع انى لسه قدامى سنه بس بفكر....
ومع انى اعرف ان الطب فى محاظتنا الغاليه_اللى هو طب المنصوره_ كويس جدا الا انى مش عاوز ادخله
لان خالى_خريج صيدلة المنصوره_ قاللى فى مرة :لو ربنا كرمك ودخلت طب ابعد عن الجامعه بنت ال.... دى و طبعا كان يقصد المنصوره و رشحلى طب القاهره او عين شمس مع ان زوجته دكتوره بشريه متخرجه من طب المنصوره بتقدير جيد جدا 6 سنين

و ليا اصحاب فى طب المنصوره ماشاء الله بيجيبوا تقديرات كويسه و بيقولوا ان مفيش مشكله_بس دول مقضيينها كورسات_...... و دكتور اعرفه_اتخرج خلاص_و لسه لعند دلوقتى بيلعن اليوم اللى دخل فيه طب المنصوره
انا خلاص دماغى هتضرب و مش عارف مين صح و مين غلط
فياريت تفيدونى فى الموضوع ده
اشكركم

:dاولا انا في طب المنصورة ومن ناحية ان الكلية صعبة فهى مش صعبة للدرجة اللى انت متخيلها وكده كده اي واحد دخل طب قابلته مشاكل في البداية وممكن لو مقدرش يصمد اكيد هيحول صيدلة بس لازم تعرف معلومة مهمة هي انك قررت تدخل طب فلازم تعرف خطورة القرار ده يعني لازم تذاكر بجد لان المنافسة شديدة اوى وميزة طب المنصورة انك بتتعرض لكل انواع الضغط واكيد ده هيفيدك فيما بعد فتوكل على الله وشد حيلك وخش وانت مش اول واحد ولا اخر واحد يخش طب المنصورة

اجمد طب اكيد هو طب اسماعيليه وده لعده اسباب :
1- الكليه المصريه الوحيده الحاصله علي الاعتماد الدولي
2- الكليه المصريه الوحيده بنظام الامريكان سيستم
3- الكليه المصريه الوحيده اللي مفيهاش كورسات
4- كليه الطب الوحيده في مصر اللي فيها طالب سنه اولي بيتدرب في الوحدات الصحيه والمستشفيات الصغيره

هههههههههههه ضحكتني على طب الاسماعيلية
يا سيدي ناس كتير معايا من الاسماعيلية و من السويس سايبنها و بيدرسوا ف القاهرة و معايا ف عين شمس
دي كلية أي كلام و كله بيجيب فيها امتياز و على رأي واحد صاحبي من السويس الفاشل فيها بيذاكر فالاخر يجيب جيد جدا
بلاش التحيز من كل واحد لكليته و جامعته خلي عندك موضوعية
معروف ان أحسن كلية طب ف مصر هي طب القاهرة و دي مش وجهة نظري دي وجهة نظر ناس كتير

بسم الله الرحمن الرحيم
اولا : احب اشكر حضرتك يا دكتور احمد على الرد و الافادة
ثانيا : انا مقلتش ان طب المنصورة صعب بدليل اصحابى اللى كانو بيجيبوا تقديرات دول...... انا لما خالى كلمنى كان الكلام بخصوص الدكاترة_و اظن حضرتك فهمتنى_ و حكالى كام موقف كدة حصلتله و هو فى صيدلة و كمان مواقف لاصحابه اللى كانو فى طب
و انا مبنكرش ان جامعة المنصورة من احسن جامعات مصر
بس انا اصلا مش حاببها ....و بصراحة مش عارف ليه
المهم.ايه رأى حضرتك فى عين شمس و القاهرة؟؟؟
و معلش لو مش هدايق حضرتك سؤال كمان...ايه طب مانشستر اللى فى المنصورة ده؟؟؟
و اخر حاجة_انا كدة طولت بس معلش_ انا سمعت ان فى نظام امريكى لدراسة الطب فى مصر..هل النظام ده بيطبق فى المنصورة؟؟
شكرا لحضرتك ..

بسم الله الرحمن الرحيم

مهم اوى يا د.احمد حكاية الموضوعية دى
واضح ان الاراء مختلفة_شكلها كده هتسخن_
على فكرة يا د.احمد وجهة نظر حضرتك_مع احترامى ل Dr.Villa _ بتتوافق مع رأى معظم الدكاترة اللى اعرفهم الطلبة وحتى اللى اتخرجم
المهم..بعد اذن حضرتك(د.احمد حواس)...حضرتك قلت ان احسن طب فى مصر هو طب القاهرة فلو ممكن حضرتك تقوللى ليه فضلتها على عين شمس اللى حضرتك فيها؟؟ و ايه اللى بيميزها عن اى كلية فى اى حته تانيه؟؟
<<<>>>
و د/Villa .. مشكور لان كلام حضرتك كان مع اسباب
لكن ليا طلب عند حضرتك..ممكن تقولى ايه هوه الاميركان سيستم ده؟؟
و ايه اللى بيميزه عن النظام اللى فى باقى الجامعات؟؟؟

مشكورين .. و منورين التوبيك

ياريت بلاش اسلوب الاستهزاء والضحك (احنا كبار علي كده) وحضرتك انا اتكلمت بموضوعيه والدليل اني جبتلك اسباب ليه طب اسماعيليه احسن !!
حضرتك طب اسماعيليه الكليه الوحيده في مصر اللي واخده الجوده . ده مش كفايه ؟؟
حضرتك طب اسماعيليه بتدرس بنظام الامريكان .ده مش كفايه ؟؟
وبالنسبه لموضوع التقديرات احب اقول لحضرتك :
ان مش كله بيجيب امتياز ولا حاجه
وتاني حاجه احنا نظام مختلف عنكو فحكايه ان انت تقارن تقديراتكو بتقديراتنا دي غير منطقيه
وتالت حاجه احنا 144 واحد في الدفعه ...اعتقد لما 70 يجيبو امتياز (نتيجه السنه دي ) اعتقد انه ده شئ عادي
يعني انتوا معندكوش حوالي 300 جايبين امتياز ؟؟؟
وبالنسبه للموضوعيه حضرتك لما تقول طب القاهره او عين شمس احسن يبقي المفروض يبقي فيه اسباب مش احسن لمجرد ناس بتقولك انه احسن



هرد عليك بعدين

ارجو الرد سريعا انا في حيره............فهل من الممكن ان ادخل طب؟ انا ثانيه ثانوى وحصلت علي 94%

لا يأس مع الحياة ولا حياة مع اليأس
طبعا ممكن و ممكن جدا
المهم اللى فات يتنسى و التركيز يكون فى تالتة ثانوى بس
وممكن نقول ان طب هياخد من 97% يبقى (100+94)/2 = 97
يعنى 205 /205 و تبقى دكتور قد الدنيا
و كمان المستوى الرفيع ممكن 5 درجات و ننقصهم من المواد الاصلية يبقى طـــــــب بشــــــــرى
المهم تشد حيلك و ربنا معاك و اهم حاجة تنظيم الوقت صح
و اياك و شد الاعصاب لان الموضوع ده ضيع ناس كتير

متشكر يا دكتورة

فعلا الكلام ده صح لكن انا مش عارف ايه اللى مخلينى مش حاببها
يمكن علشان منها؟؟
ولا زى مبيقولوا "زمار الحى لا يطرب "
ربنا يوفقنا للى فيه الخير
و شكرا ع الرد

لما نبقى نعدى من تالته نبقى نفكر فى الكليه
انا بقول كدا مع انى همووووت وادخل طب بشرى اسكندريه

ارجو الرد بسرعة