طب وصيدلة بسرعة اتجمعوا
 

اولا مساء الخير ! يارب تكونوا كلكم بخير وتكونوا دخلتم احسن كليات وحققتوا امانيكم
انا بعد ما ظهرت النتيجة مليت بصراحة زيكم لانى مش عارف امتى التقديم وكل واحد بكلام وناس راحت ويارتها ما راحت وناس استخدمت التليفونات وبرده مستريحتش لكن اعتقادى الشخصى انه التقديم هيبقى مع بداية الشهر القادم وقولوا امين ! خلينا نخلص بقى احنا تعبنا قوووووووووووى .
ندخل بقى على الجد انا جاتنى فكرة كويسة هى قديمة شوية بس لحد دلوقتى محدش عملها السنة ديا انه الناس اللى دخلت جامعة واحدة او كلية واحدة تتعرف على بعض من قبل ما يبدا العام الدراسى ( طبعا انا عارف دلوقتى ممكن ناس تقرا دلوقتى ولا تهتم لانه دى مش عارف اصبحت عادة مزمنة فى المنتدى ) المهم بقا انا دخلت الحمد لله صيدلة عين شمس يا ترى مين هنا فى جامعة عين شمس او فى نفس الكلية ودول ممكن يكونوا قليلين شوية فا احنا نخليها اللى دخوا صيدلة او طب بس ياريت يقولوا جامعة ايه عموما وفيه سوال للى دخوا صيدلة انت كنت عايز تخش طب مثلا بس مجموعك مجبش فدخلت صيدلة ولا انت عايز صيدلة اصلا ؟؟؟؟؟؟.......... ها ايه رايكم مستنى ردودكم يا جماعة ياريت لا تخذلونى :022yb4:

الحمد لله حلمت بطب واتحقق

انا دخلت صيدلة بس مجموعى جايب طب وصيدله
بس انا من زمان بحلم بصيدله وغير كده انا بموت فى حاجه اسمها كيمياء وتفاعلات والحاجات ده
انا كنت بفكر احول لعين شمس بس هاشوف انا جامعه اسكندرية وانت كنت عايز طب ولا ايه

أنا الحمد لله بحلم بهندسة من زمان لكن ... اتغير رايي ودخلت علمي علوم .............. ههههههههههههههه

والحمد لله دخلت طب عين شمس
^___^ ^____^ ^_________^ ______^

الف مليون مبروك يا دكتور وجدان وان شاء الله من نجاح لنجاح

يا دكتور ميسى انا مش عارف انت خلاص ثبت على صيدلة ولا هتحول لانك عامل موضوع محتار فيه بين طب وصيدلة عموما انا رايى خليك فى اللى بتحبه لانك هتنجح فيه وبالنسبة ليا انا كنت عايز صيدلة من زمان لانى مبحبش اشوف دم وحاجات زى كده فمكنتش هنجح فى الطب . واخيرل لو مش عجباك لا طب ولا صيدلة رايى انك تفضل فى برشلونة ههههههههههههههههههههه

الف مليون مبروك وهى الاحلام بتتغير وكل واحد فينا ربنا رسم ليه طريق

يا جماعة الموضوع بالشكل ده مخالف لقوانين القسم والمنتدى

عليكم بالتوجه إما إلى قسم الجامعات (لو الموضوع خاص بالإستفسار )
وهناك قسم المجموعة الطبية الخاص بكليات الطب والصيدلة

أو قسم إجتماعيات طالب لو عاوزين تتعرفوا وتتناقشوا فقط


سأضطر لغلق الموضوع