الجديد مع الحكومة شرط محو الأمية
 

السلام عليكم انهاردة فى مدرسة قمن العروس التابعة لإدارة الواسطى محافظة بنى سويف تبعا للمجلس المحلى على كل المتعاقدين التقدم بملف يحتوى على 10صور بطاقة شخصية لكبار السن وصورة بطاقة شخصية له وورقة مختومة من المدرسة وصورة شخصية ودوسيه مكبسن والتقدم إلى مبنى الشروق وتقديمه إلى المسؤل
ولما سألنا ليه ٌالوا منعرفش
مش بقلوكوا إن الحكومة مش ناوية تعين
طيب قلنا أكاديمية وقلنا ماشى
قالوا icdl وقلنا طيب
طيب إفتكاسة محو الأمية دى إيه

فى الشرقية قدمنا من زمان والامتحان 3/8

ياناس حد يرد
على من المحافظات اتانية الكلام ده وجود عنهم ولا لاوالجميل إن آخر معاد يوم الخميس شوفت الحلاوة

حضرتك ده امتحان محو الامية بس عندنا 5 افراد والامتحان على مرحلتين مرحلة يوم 3/8 والمرحلة التانية فى شهر 10
وانا زميلة مش زميل

احنا قلنا الكل يقاطع محو الاميه
والله العظيم حرام عليكم كل ما يقولو حاجه تجروا على طول وتعملوها
انتو متصورين انهم يقدروا يفصلونا طيب حيجيبو مين والدراسة خلاص
احنا عدد كبير جدا يعنى هما اللى محتاجين لينا ولو محدش عبرهم فى محو الامية مش حيطالبو بيها
على فكرة احنا مش موجودة عندينا فى محافظتنا ولو وصلت محدش حيرد عليهم خالص وحنسيبهم يخبطو دماغهم فى اتخن حيطه

محو الاميه ليست مهمة متعاقد مع الدولة لتدريس مادة كذا لمدة لاتزيد عن 3سنوات وبعدها يتثبت
احنا مالنا و محو الاميه- و حلها يجب ان يكون على حساب الجميع< كل المتعلمين>
فلو الاشتراك فى الحل تطوعى يبقى للجميع - اجبارى يبقى برده للجميع
الزامنا بعمل اضافى دون غيرنا تعسف و ظلم لا نرضاه ولانقبله
التثبيت حقنا..... وما يحدث فى بعض المحافظات مساومه رخيصه وابتزاز مرفوض

كلام حضرتك مظبوط 100% هم كده بيلعبوا بينا مره كادر و مرة icdl و كمان محو اميه . طبعا لو دة حصل عندنا فى سوهاج مستحيل نوافق علية . يا جماعه احنا صفوة خريجى الجامعات لان التعاقد بيتاخد على اساس التقدير و كلنا تقديرات عاليه يعنى مش معنى ان احنا مخدناش فرصتنا فى التعيين الرسمى انهم يعملوا فينا كده . فيه فى الحقل التعليمى ناس مثبتين من حملة الدبلومات الذين لا يفقهون اى شيئ و لو عرضت عليه موضوع محو الاميه ده هيرفض بكل تأكيد ، مش لانه مثبت و لكن لانه يعلم ما له و ما عليه . محتاجين ان احنا نقول لأ و الف لا .

محو الامية دى حاجة خاصة بالمحافظة ومش هايقدروا يعملوا معاكم حاجه لو ما عملتوهاش

ربنا يا خد دى ناس

خلينا نرتاح منهم

فعلا المخضرمين قالوا مفيش تعيين اتهمناهم وقولنا عليهم متشائمين ومالهمش معانا كلام وهة كلامهم صح واحنا الي لسة تلامذة